25Exodus 25

1¶ Na BIKPELA i tok long Moses, na spik,Select Exodus 25:1

2Tok long ol pikinini bilong Isrel, long ol i ken bringim wanpela ofa i kam long Mi. Yupela i mas kisim dispela ofa bilong Mi long olgeta man wan wan husat i amamas long bel bilong em long givim.Select Exodus 25:2

3Na dispela em i ofa yupela mas kisim long ol, gol, na silva, na bras.Select Exodus 25:3

4Na blupela, na purpel, na skalet, na waitpela laplap, na gras bilong ol meme.Select Exodus 25:4

5Na skin bilong ol meme man ol i bin penim retpela, na skin bilong ol animal bedja, na ol plang bilong diwai sitim,Select Exodus 25:5

6Wel long givim lait, na sanda i gat gutpela smel long mekim wel bilong makim, na long mekim smok i gat switpela smel,Select Exodus 25:6

7Ol ston oneks, na ol ston bilong putim long ifot bilong het pris, na long putim long hap laplap i go long bros bilong het pris.Select Exodus 25:7

8Na larim ol i mekim wanpela haus sel bilong Mi, bai Mi ken stap namel long ol.Select Exodus 25:8

9Yes yupela i mas mekim dispela bilong bihainim olgeta samting Mi soim yu long wokim ol samting bilong haus sel holi, na bilong wokim olgeta samting i stap wantaim em.Select Exodus 25:9

10¶ Na ol i mas wokim wanpela bokis kontrak long diwai sitim, tupela na wanpela hap kyubit mas i stap longpela bilong em na wanpela na wanpela hap kyubit em i brait bilong em na wanpela na wanpela hap kyubit em i antap bilong em.Select Exodus 25:10

11Na yu mas karamapim dispela long klinpela gol, yu mas karamapim insait na ausait bilong em, na yu mas wokim wanpela samting bilong bilasim arere bilong antap bilong dispela raun nabaut long gol.Select Exodus 25:11

12Na yu mas wokim fopela ring long gol long dispela, na putim ol long fopela kona bilong dispela, na tupela ring mas i stap long wanpela sait bilong em na tupela ring long arapela sait bilong em.Select Exodus 25:12

13Na yu mas wokim ol stik bilong karim long diwai sitim, na karamapim ol long gol.Select Exodus 25:13

14Na yu mas putim ol stik bilong karim long ol ring long tupela sait bilong bokis kontrak, bai ol i ken yusim ol long karim bokis kontrak.Select Exodus 25:14

15Tupela stik bilong karim mas i stap long ol ring bilong bokis kontrak. Ol i no ken rausim tupela long dispela.Select Exodus 25:15

16Na yu mas putim dispela testimoni bai Mi givim yu insait long dispela bokis.Select Exodus 25:16

17Na yu mas wokim sia bilong marimari long klinpela gol, tupela na wanpela hap kyubit mas i stap longpela bilong em na wanpela na wanpela hap kyubit em i brait bilong em.Select Exodus 25:17

18Na yu mas wokim tupela ensel serupim long gol, yu mas wokim tupela long gol yu paitim bilong wokim na putim tupela long tupela arere bilong sia bilong marimari.Select Exodus 25:18

19Na wokim wanpela ensel serup long wanpela arere na arapela ensel serup long arapela arere. Yes long sia bilong marimari yupela i mas wokim tupela ensel serupim long tupela arere bilong dispela.Select Exodus 25:19

20Na tupela ensel serupim i mas taitim ol wing bilong ol i go antap na karamapim sia bilong marimari long ol wing bilong ol, na ol pes bilong tupela bai lukim arapela, na ol pes bilong tupela ensel serupim i mas lukluk long sia bilong marimari.Select Exodus 25:20

21Na yu mas putim dispela sia bilong marimari antap long bokis kontrak. Na yu mas putim testimoni Mi bai givim yu insait long bokis kontrak.Select Exodus 25:21

22Na long dispela ples bai Mi poroman wantaim yu, na bai Mi toktok wantaim yu long antap bilong sia bilong marimari, na namel long tupela ensel serupim husat i stap antap long bokis kontrak bilong testimoni. Bai Mi tok long olgeta samting bai Mi givim yu long strongpela tok i go long ol pikinini bilong Isrel.Select Exodus 25:22

23¶ Na tu yu mas mekim wanpela tebol long diwai sitim. Longpela bilong em mas i stap tupela kyubit, na brait bilong em mas i stap wanpela kyubit, na antap bilong em mas i stap wanpela na wanpela hap kyubit.Select Exodus 25:23

24Na yu mas karamapim olgeta hap bilong dispela long klinpela gol, na wokim wanpela samting long gol bilong bilasim arere bilong antap bilong em raun nabaut.Select Exodus 25:24

25Na yu mas wokim wanpela longpela hap gol, brait bilong em i 8 sentimita, na raunim arere bilong tebol long em, na yu mas wokim bilas gol long dispela hap i go raun nabaut.Select Exodus 25:25

26Na yu mas wokim fopela ring gol long dispela, na putim ol ring long fopela kona i stap long fopela lek bilong dispela.Select Exodus 25:26

27Ol ring mas i stap klostu long dispela longpela hap arere na ol i ples long putim ol stik long karim tebol.Select Exodus 25:27

28Na yu mas wokim ol stik bilong karim long diwai sitim na karamapim ol long gol, bai ol i ken karim tebol long ol.Select Exodus 25:28

29Na yu mas wokim ol dis bilong dispela, na ol spun bilong dispela, na ol kap bilong em, na ol sospen bilong dispela, long yusim long kapsaitim. Yu mas wokim ol long klinpela gol.Select Exodus 25:29

30Na yu mas putim bret bilong soim i stap antap long tebol long pes bilong Mi olgeta taim.Select Exodus 25:30

31¶ Na yu mas wokim wanpela lek bilong kandel long klinpela gol. Yu mas wokim long gol ol i bin paitim bilong wokim. As bilong em, na ol han bilong em, na ol liklik sospen bilong em, na ol kru bilong em, na ol plaua bilong em, yu mas wokim ol long wankain pasin.Select Exodus 25:31

32Na sikispela han i mas kamaut long tupela sait bilong dispela, tripela han bilong lek bilong kandel i mas kamaut long wanpela sait, na tripela han bilong lek bilong kandel i mas kamaut long arapela sait.Select Exodus 25:32

33Tripela liklik sospen i luk olsem ol pikinini bilong diwai almon, wantaim wanpela kru, na wanpela plaua, ol i stap long wanpela han. Na tripela liklik sospen i luk olsem ol pikinini bilong diwai almon wantaim wanpela kru na wanpela plaua, ol i stap long arapela han. Em bai stap olsem long sikispela han i kamaut long lek bilong kandel.Select Exodus 25:33

34Na fopela liklik sospen i luk olsem ol pikinini bilong diwai almon wantaim ol kru bilong ol na ol plaua bilong ol mas i stap long lek bilong kandel.Select Exodus 25:34

35Na i mas i stap wanpela kru aninit long tupela han bilong dispela, na wanpela kru aninit long tupela han bilong dispela, na wanpela kru aninit long tupela han bilong dispela, bilong bihainim dispela sikispela han i kamaut long lek bilong kandel.Select Exodus 25:35

36Ol kru bilong ol na ol han bilong ol mas i stap wankain. Olgeta bilong dispela i mas i stap wanpela samting yu wokim long klinpela gol yu bin paitim.Select Exodus 25:36

37Na yu mas wokim sevenpela lam long dispela. Na ol i mas laitim ol lam bilong dispela, bai ol i ken givim lait long hapsait long dispela.Select Exodus 25:37

38Na ol samting bilong rausim paia na ol dis bilong holim paia ol i mas i stap long klinpela gol.Select Exodus 25:38

39Em i mas wokim dispela wantaim olgeta bilong ol dispela samting bilong holim long wanpela talent klinpela gol.Select Exodus 25:39

40Na lukluk long yu wokim ol long bihainim piksa bilong ol, Mi bin soim yu dispela long maunten.Select Exodus 25:40