36Exodus 36

1¶ Long dispela taim Besalel na Aholiap na olgeta man wan wan i gat save tru long bel bilong em, BIKPELA i putim pasin bilong save tru na gutpela save long ol long wokim olgeta kain wok bilong mekim wok long dispela ples holi bilong bihainim olgeta samting BIKPELA i bin givim strongpela tok long wokim, ol i redi long statim wok.Select Exodus 36:1

2Na Moses i singaut long Besalel na Aholiap, na olgeta man wan wan i gat save tru long bel, BIKPELA i bin putim pasin bilong save tru long bel bilong em, yes long olgeta wan wan bel bilong em i kirapim em long kam long dispela wok long mekim dispela wok.Select Exodus 36:2

3Na ol i kisim long Moses olgeta bilong dispela ofa ol pikinini bilong Isrel i bin bringim dispela long mekim wok bilong wok bilong ples holi, long kirapim dispela. Na ol i bringim yet long Moses long olgeta moning wan wan, ol ofa ol i laik givim.Select Exodus 36:3

4Na olgeta man i gat save tru, ol i wokim olgeta wok bilong ples holi, olgeta man wan wan i kam na lusim wok bilong em, ol i bin wokim ol dispela.Select Exodus 36:4

5Na ol i tok long Moses, na spik, Ol manmeri i bringim planti tumas long mekim wok long dispela wok BIKPELA i givim strongpela tok long mekim.Select Exodus 36:5

6Na Moses i givim strongpela tok, na ol i kirapim sampela long autim toksave namel long kem, na spik, No ken larim wanpela man o meri i mekim wok moa long kirapim ofa bilong ples holi. Olsem ol i pasim ol manmeri long bringim.Select Exodus 36:6

7Long wanem ol samting ol i holim em inap long olgeta wok long wokim dispela, na i planti tumas.Select Exodus 36:7

8¶ Na olgeta man wan wan i gat bel i gat save tru namel long ol husat i wokim wok bilong haus sel holi, em i wokim tenpela laplap long waitpela, na blupela, na purpel, na skalet rop i liklik tru. Na em i wokim piksa bilong ol ensel serupim long wok i gutpela tru long ol laplap.Select Exodus 36:8

9Longpela bilong wanpela laplap em i 28 kyubit, na brait bilong wanpela laplap em i fopela kyubit. Na olgeta laplap i stap long wanpela mak.Select Exodus 36:9

10Na em i pasim faipela laplap, wanpela i go long narapela. Na em i pasim arapela faipela laplap, wanpela i go long narapela.Select Exodus 36:10

11Na em i wokim ol ring long blupela rop long arere bilong wanpela laplap long ples em i pasim ol rop bilong laplap long pes bilong bungim tupela laplap. Na em i wokim wankain pasin long arere tru bilong narapela laplap long ples bilong bungim namba tu laplap.Select Exodus 36:11

12Em i wokim fifti ring long wanpela laplap, na em i wokim fifti ring long arere bilong laplap i stap long ples bilong bungim namba tu laplap. Ol ring i holim wanpela laplap long narapela.Select Exodus 36:12

13Na em i wokim fifti nil long gol na pasim ol laplap long ol nil i go long narapela. Olsem na dispela i kamap wanpela haus sel holi.Select Exodus 36:13

14¶ Na em i wokim ol laplap long gras bilong ol meme long dispela haus sel i go antap long haus sel holi. Em i wokim 11-pela laplap olsem.Select Exodus 36:14

15Longpela bilong wanpela laplap em i 30-pela kyubit, na brait bilong wanpela laplap em i fopela kyubit. Ol 11-pela laplap i stap long wanpela mak.Select Exodus 36:15

16Na em i pasim faipela laplap long ol yet, na sikispela laplap long ol yet.Select Exodus 36:16

17Na em i wokim fifti ring long arere tru bilong laplap long ples bilong pasim, na em i wokim fifti ring long arere bilong laplap i pasim namba tu laplap.Select Exodus 36:17

18Na em i wokim fifti nil long bras long pasim ol hap bilong haus sel wantaim, bai em i ken i stap wanpela.Select Exodus 36:18

19Na long karamapim haus sel em i wokim ol skin bilong sipsip man ol i bin penim retpela, na antap long dispela ol skin bilong animal bedja i stap bilong karamapim.Select Exodus 36:19

20Na em i wokim ol plang i go long haus sel holi long diwai sitim bilong ol i sanap.Select Exodus 36:20

21Longpela bilong wanpela plang i tenpela kyubit, na brait bilong wanpela plang i wanpela na wanpela hap kyubit.Select Exodus 36:21

22Wanpela plang i gat tupela hap bilong pasim na tupela i stap long wanpela mak. Em i mekim olsem long olgeta plang bilong haus sel holi.Select Exodus 36:22

23Na em i wokim ol plang i go long haus sel holi, em 20-pela plang bilong sait saut i go long saut.Select Exodus 36:23

24Na 40-pela samting bilong holim as i bilong silva em i wokim ol long as bilong 20-pela plang. Tupela samting bilong holim as i stap long as bilong wanpela plang long holim tupela hap bilong holim plang, na tupela samting bilong holim as i stap long as bilong narapela plang long holim tupela hap bilong holim plang.Select Exodus 36:24

25Na long arapela sait bilong haus sel holi, em i go long kona bilong sait bilong not, em i wokim 20-pela plang.Select Exodus 36:25

26Na 40-pela samting bilong holim as i bilong silva bilong ol. Em tupela hap bilong holim as i stap long as bilong wanpela plang, na tupela samting bilong holim as i stap long as bilong narapela plang.Select Exodus 36:26

27Na long sait bilong haus sel holi i stap long san i go daun, em i wokim sikispela plang.Select Exodus 36:27

28Na em i wokim tupela plang i go long ol kona bilong haus sel holi long tupela sait.Select Exodus 36:28

29Na ol i pas long as na pas long antap wantaim long wanpela ring. Em i wokim tupela bilong ol olsem long tupela kona.Select Exodus 36:29

30Na etpela plang i stap. Na ol samting bilong holim as em i 16 hap bilong holim as na ol i silva, olgeta wan wan plang i gat tupela samting bilong holim as.Select Exodus 36:30

31Na em i wokim ol stik bilong diwai sitim, faipela i go long ol plang bilong wanpela sait bilong haus sel holi,Select Exodus 36:31

32Na faipela stik i go long ol plang long arapela sait bilong haus sel holi, na faipela stik i go long ol plang bilong haus sel holi i go long sait bilong san i go daun.Select Exodus 36:32

33Na em i wokim stik i stap namel tru long i go long ol plang long wanpela sait i go long arapela sait.Select Exodus 36:33

34Na em i karamapim ol plang long gol, na em i wokim ol ring bilong ol long gol long i stap ol hap long ol stik i go long em, na em i karamapim ol stik long gol.Select Exodus 36:34

35¶ Na em i wokim wanpela laplap long blupela, na purpel, na skalet na waitpela rop i liklik tru. Em i wokim dispela wantaim piksa bilong ol ensel serupim ol i wokim gutpela.Select Exodus 36:35

36Na em i wokim long dispela fopela pos bilong diwai sitim, na karamapim ol long gol. Ol huk bilong ol i long gol. Na em i wokim long ol fopela samting bilong holim as, na ol i long silva.Select Exodus 36:36

37Na em i wokim wanpela laplap long dua bilong haus sel holi, bilong blupela, na purpel, na skalet, na waitpela rop i liklik tru, em i wokim long nil bilong samap,Select Exodus 36:37

38Na faipela pos bilong dispela wantaim ol huk. Na em i karamapim long gol het bilong ol pos na stik i joinim ol pos. Tasol faipela samting bilong holim as bilong ol i stap bras.Select Exodus 36:38