5Exodus 5

1¶ Na bihain long dispela Moses na Eron i go insait na tokim Fero, God BIKPELA bilong Isrel i tok olsem, Larim ol manmeri bilong Mi i go, bai ol i ken wokim wanpela bikpela kaikai long Mi long ples i no gat man.Select Exodus 5:1

2Na Fero i tok, BIKPELA i husat bai mi mas bihainim nek bilong Em long larim Isrel i go? Mi no save long BIKPELA, na tu bai mi no larim Isrel i go.Select Exodus 5:2

3¶ Na ol i tok, God bilong ol Hibru i bin bung wantaim mipela. Mipela i askim plis long yu long larim mipela i go tripela de wokabaut long ples i no gat wara na mekim sakrifais long BIKPELA, em God bilong mipela. Nogut Em i bagarapim mipela long bikpela sik o long bainat.Select Exodus 5:3

4Na king bilong Isip i tok long ol, Bilong wanem yupela, Moses na Eron, i pasim ol dispela manmeri long ol wok bilong ol? Yupela go long ol hatwok bilong yupela.Select Exodus 5:4

5Na Fero i tok, Harim, dispela manmeri bilong dispela hap graun nau ol i stap bikpela lain, na yupela i mekim ol i malolo long ol hatwok bilong ol.Select Exodus 5:5

6Na long dispela de Fero i givim strongpela tok long ol man i bosim wok bilong ol manmeri na ol lida bilong ol, na em i spik,Select Exodus 5:6

7Yupela i no moa ken givim ol dispela manmeri ol stik bilong wit long wokim brik olsem yupela bin mekim pastaim. Larim ol i go na bungim ol stik bilong wit bilong ol yet.Select Exodus 5:7

8Na dispela namba bilong ol brik ol i wokim pastaim, yupela i mas makim long ol. Yupela i no ken daunim namba bilong ol brik, long wanem ol i stap nating. Olsem na ol i singaut na spik, Larim mipela i go na mekim sakrifais long God bilong mipela.Select Exodus 5:8

9Larim moa wok i kamap long ol dispela man, bai ol i ken hatwok long dispela, na ol i no ken harim ol toktok nating.Select Exodus 5:9

10¶ Na ol man i bosim wok bilong ol manmeri i go wantaim ol lida bilong ol, na ol i toktok long ol manmeri na spik, Fero i tok olsem, Bai mi no givim yupela ol stik bilong wit.Select Exodus 5:10

11Yupela go, na yupela kisim ol stik bilong wit long wanem hap yupela inap lukim dispela. Tasol mak bilong ol wok bilong yupela i no ken go daun liklik.Select Exodus 5:11

12Olsem ol manmeri i bruk nabaut long olgeta hap bilong graun bilong Isip long bungim ol liklik hap bilong stik bilong wit i stap yet taim ol i katim, bilong senisim ol stik bilong wit.Select Exodus 5:12

13Na ol man bilong bosim wok i hariapim ol na spik, Inapim ol wok bilong yupela, em ol wok yupela save mekim long olgeta wan wan de olsem taim ol stik bilong wit i bin i stap.Select Exodus 5:13

14Na ol i paitim ol lida bilong ol pikinini bilong Isrel, ol man bilong Fero husat i bosim ol wok i bin putim ol long bosim ol Isrel, na mekim strongpela tok long ol, Bilong wanem yupela i no bin inapim wok bilong yupela long wokim ol brik long asde wantaim tude, olsem yupela i bin mekim pastaim?Select Exodus 5:14

15¶ Long dispela taim ol lida bilong ol pikinini bilong Isrel i kam na singaut long Fero na spik, Bilong wanem yu mekim olsem long ol wokboi bilong yu?Select Exodus 5:15

16Ol i no bin givim ol stik bilong wit long ol wokboi bilong yu, na ol i tok long mipela, Wokim ol brik. Na harim, ol i paitim ol wokboi bilong yu, tasol asua i stap long ol manmeri bilong yu yet.Select Exodus 5:16

17Tasol king i tok, Yupela i stap nating, yupela i stap nating. Olsem na yupela i tok, Larim mipela i go na mekim sakrifais long BIKPELA.Select Exodus 5:17

18Olsem na nau go, na wok, long wanem bai ol i no givim ol stik bilong wit long yupela, tasol yupela bai givim stretpela namba bilong ol brik.Select Exodus 5:18

19Na ol lida bilong ol pikinini bilong Isrel i luksave long ol i stap long taim nogut, bihain long dispela tok, Yupela i no ken daunim namba bilong ol brik bilong yupela long wok bilong yupela long olgeta wan wan de.Select Exodus 5:19

20Na ol i bungim Moses na Eron taim tupela i sanap long rot, taim ol i lusim Fero i kam.Select Exodus 5:20

21Na ol i tok long tupela, BIKPELA i ken lukluk long yupela na stap jas, long wanem yutupela i bin mekim smel bilong mipela i sting nogut tru long ai bilong Fero na long ol ai bilong ol wokboi bilong em, long putim wanpela bainat long han bilong ol long kilim mipela i dai.Select Exodus 5:21

22Na Moses i go gen long BIKPELA na em i tok, Bikpela, bilong wanem Yu bin mekim dispela pasin i nogut long dispela manmeri? Bilong wanem Yu bin salim mi i kam?Select Exodus 5:22

23Long wanem bihain long taim mi bin kam long Fero long tokaut long nem bilong Yu, em i bin mekim pasin nogut long dispela manmeri, na tu Yu no bin mekim wanpela wok bilong kisim bek ol manmeri bilong Yu.Select Exodus 5:23