9Exodus 9

1¶ Long dispela taim BIKPELA i tok long Moses, Go insait na go long Fero na tokim em, BIKPELA, God bilong lain Hibru, i tok olsem, Larim ol manmeri bilong Mi i go, bai ol i ken mekim wok bilong Mi.Select Exodus 9:1

2Long wanem sapos yu tok nogat long larim ol i go, na yu laik holimpas yet long ol,Select Exodus 9:2

3Harim, han bilong BIKPELA i stap antap long ol bulmakau samting bilong yu, ol i stap long ples gras, na antap long ol hos, na antap long ol donki, na antap long ol kemel, na antap long ol bulmakau man na antap long ol sipsip. Na bikpela sik bai kamap.Select Exodus 9:3

4Na BIKPELA bai brukim lain long ol bulmakau samting bilong Isrel na ol bulmakau samting bilong Isip. Na i no gat wanpela bai dai pinis long olgeta samting bilong ol pikinini bilong Isrel.Select Exodus 9:4

5Na BIKPELA i makim wanpela taim na spik, Tumora BIKPELA bai mekim dispela samting long dispela hap graun.Select Exodus 9:5

6Na BIKPELA i mekim dispela samting long de bihain, na olgeta bilong ol bulmakau samting bilong Isip i dai pinis. Tasol i no gat wanpela bilong ol bulmakau samting bilong ol pikinini bilong Isrel i dai pinis.Select Exodus 9:6

7Na Fero i salim ol man na, harim, i no gat wanpela bilong ol bulmakau samting bilong lain Isrel i dai pinis. Na bel bilong Fero i kamap olsem ston, na em i no larim ol manmeri i go.Select Exodus 9:7

8¶ Na BIKPELA i tok long Moses na long Eron, kisim i kam long yupela, ol han i pulap long ol sit bilong paia bilong aven, na larim Moses i tromoi isi isi dispela i go long heven long ai bilong Fero.Select Exodus 9:8

9Na dispela bai kamap liklik das long olgeta hap bilong graun bilong Isip. Na dispela bai stap wanpela buk i kamap wantaim ol ai bilong em, na em bai kamap long ol man na long ol animal long olgeta hap bilong Isip.Select Exodus 9:9

10Na ol i kisim sit bilong paia bilong aven na sanap long pes bilong Fero. Na Moses i tromoi isi isi dispela long hap i go long heven. Na dispela i kamap wanpela buk i kamap wantaim ol ai bilong em long ol man na long ol animal.Select Exodus 9:10

11Na ol trikman i no inap sanap long pes bilong Moses, na as bilong dispela em i ol buk i stap. Long wanem buk i stap long ol trikman na long olgeta manmeri bilong Isip.Select Exodus 9:11

12Na BIKPELA i mekim bel bilong Fero i kamap olsem ston na em i no harim gut tok bilong ol, olsem BIKPELA i bin tok long Moses.Select Exodus 9:12

13¶ Na BIKPELA i tok long Moses, Kirap long moningtaim tru na sanap long pes bilong Fero na tok long em, God BIKPELA bilong lain Hibru, i tok olsem, Larim ol manmeri bilong Mi i go, bai ol i ken mekim wok bilong Mi.Select Exodus 9:13

14Long wanem, long dispela taim, bai Mi salim olgeta bilong ol bagarap bilong Mi i go long bel bilong yu, na long ol wokboi bilong yu, na long ol manmeri bilong yu, bai yu ken save long i no gat narapela i wankain olsem Mi long olgeta hap bilong dispela graun.Select Exodus 9:14

15Long wanem nau bai Mi taitim han bilong Mi, bai Mi ken paitim yu na ol manmeri bilong yu long sik, na bai yu no stap moa long dispela graun.Select Exodus 9:15

16Olsem na long dispela as Mi bin apim yu bilong soim pawa bilong Mi long yu, na ol i ken tokaut long nem bilong Mi long olgeta hap bilong dispela graun.Select Exodus 9:16

17Inap long nau yu litimapim yu yet long birua long ol manmeri bilong Mi, long yu no laik larim ol i go?Select Exodus 9:17

18Harim, tumora klostu long dispela taim bai Mi kirapim bikpela ren ais. Ol i no bin lukim dispela kain samting long Isip long stat bilong em yes inap long nau.Select Exodus 9:18

19Olsem na salim tok nau na bungim ol bulmakau samting bilong yu, na olgeta samting bilong yu i stap long ol ples i op. Long wanem olgeta man na animal wan wan i stap long ples i op, na wanpela i no go kisim ol i kam long haus, ren ais bai kam daun long ol na ol bai dai pinis.Select Exodus 9:19

20Man i pret long tok bilong BIKPELA namel long ol wokboi bilong Fero, em i mekim ol wokboi bilong em na ol bulmakau samting bilong em i ranawe long ol haus.Select Exodus 9:20

21Na man i no harim gut tok bilong BIKPELA, em i lusim ol wokboi bilong em na ol bulmakau samting bilong em i stap long ples i op.Select Exodus 9:21

22¶ Na BIKPELA i tok long Moses, Taitim han bilong yu i go long heven, bai ren ais i ken i stap long olgeta hap bilong graun bilong Isip, long ol man na long ol animal, na long olgeta sayor wan wan bilong gaden long olgeta hap bilong graun bilong Isip.Select Exodus 9:22

23Na Moses i putim stik bilong wokabaut bilong em i go long heven. Na BIKPELA i salim klaut i pairap na ren ais, na paia i ran i go nabaut long graun. Na BIKPELA i mekim ren ais i pundaun long graun bilong Isip.Select Exodus 9:23

24Olsem ren ais i stap, na God i abusim paia wantaim ren ais, na dispela i strong nogut tru, na i no gat wanpela i stap olsem dispela long olgeta hap bilong graun bilong Isip long taim dispela i kamap wanpela kantri inap long nau.Select Exodus 9:24

25Na ren ais i paitim olgeta hap bilong graun bilong Isip, em olgeta i stap long ples i op, ol man wantaim ol animal. Na ren ais i paitim olgeta sayor wan wan bilong gaden na brukim olgeta diwai wan wan bilong ol ples i op.Select Exodus 9:25

26Graun bilong Gosen, em hap ol pikinini bilong Isrel i stap long em, dispela hap tasol i no gat ren ais.Select Exodus 9:26

27Na Fero i salim tok na singaut long Moses na Eron, na em i tok long ol, Mi bin mekim sin long dispela taim. BIKPELA i stap stretpela na mi na ol manmeri bilong mi, mipela i stap long pasin nogut.Select Exodus 9:27

28Askim strong long BIKPELA (long wanem em inap) long strongpela klaut i pairap na ren ais i no ken stap moa. Na bai mi larim yupela i go na yupela bai i no stap hia moa.Select Exodus 9:28

29Na Moses i tok long em, Taim mi lusim dispela biktaun na i go, bai mi taitim ol han bilong mi i go long BIKPELA. Na klaut i pairap bai pinis, na tu ren ais bai i no stap moa, bai yu ken save long dispela graun em i bilong BIKPELA.Select Exodus 9:29

30Tasol long yu na ol wokboi bilong yu, mi save long yupela i no pret yet long God BIKPELA.Select Exodus 9:30

31Na dispela i paitim ol flaks na ol bali. Long wanem bali i no stap mau yet, na flaks tu i no mau.Select Exodus 9:31

32Tasol dispela i no paitim wit na rai. Long wanem ol i no bin kam antap long graun.Select Exodus 9:32

33Na Moses i lusim Fero na i go ausait long dispela biktaun, na em i taitim ol han bilong em i go long BIKPELA. Na ol klaut i pairap na ren ais i pinis, na ol ren i no pundaun long dispela graun.Select Exodus 9:33

34Na taim Fero i luk olsem ren na ren ais na ol klaut i pairap i pinis, em i mekim sin moa yet, na em i mekim bel bilong em i kamap olsem ston. Em i mekim wantaim ol wokboi bilong em.Select Exodus 9:34

35Na bel bilong Fero i stap olsem ston, na tu em i no laik larim ol pikinini bilong Isrel i go, olsem BIKPELA i bin mekim long tok long maus bilong Moses.Select Exodus 9:35