10Ezekiel 10

1¶ Nau mi lukluk, na, lukim, insait long dispela spes i stap antap long het bilong ol serupim wanpela samting olsem wanpela ston sapaia i kamap ples klia antap long ol, em i luk samting olsem wanpela sia king.Select Ezekiel 10:1

2Na Em i toktok long dispela man i werim klos bilong naispela laplap, na tok, Go namel long ol wil, yes, aninit long serup, na pulimapim han bilong yu wantaim ol sakol bilong paia long namel bilong ol serupim, na brukim ol nabaut antap long dispela biktaun. Na long hap ai bilong mi i lukim, em i go insait.Select Ezekiel 10:2

3Nau ol serupim i sanap long han sut sait bilong haus, taim dispela man i go insait. Na klaut i pulimapim ples op insait.Select Ezekiel 10:3

4Nau glori bilong BIKPELA i lusim dispela serup i go antap, na sanap na lindaun antap long as bilong dua bilong haus. Na haus i pulap wantaim klaut, na ples op i pulap long lait tru bilong glori bilong BIKPELA.Select Ezekiel 10:4

5Na ol i harim nois bilong ol wing bilong ol serupim, yes, inap long ples op ausait, olsem nek bilong God i Gat Olgeta Strong taim Em i toktok.Select Ezekiel 10:5

6Na em i kamap olsem, long taim Em i bin tok strong long dispela man i werim klos bilong naispela laplap, i spik, Kisim paia long namel bilong ol wil, long namel bilong ol serupim, orait em i go insait, na sanap klostu long ol wil.Select Ezekiel 10:6

7Na wanpela serup i stretim i go han bilong em long namel bilong ol serupim i go long dispela paia i stap namel long ol serupim, na kisim long en, na putim i go long tupela han bilong man husat i werim klos bilong naispela laplap, husat i kisim, na go ausait.Select Ezekiel 10:7

8¶ Na i kamap ples klia insait long ol serupim samting i luk olsem wanpela han bilong man aninit long ol wing bilong ol.Select Ezekiel 10:8

9Na taim mi lukluk, lukim, dispela fopela wil i stap klostu long ol serupim, wanpela wil i klostu long wanpela serup, na narapela wil i klostu long narapela serup. Na ol wil i luk olsem kala bilong wanpela ston beril.Select Ezekiel 10:9

10Na long sait bilong ol i luk olsem wanem, dispela fopela i bin luk wankain, kain olsem wanpela wil i bin stap insait long namel bilong narapela wil.Select Ezekiel 10:10

11Na taim ol i go, ol i go long fopela sait bilong ol. Ol i no tanim taim ol i go, tasol long ples we het i lukluk, ol i bihainim dispela. Ol i no tanim taim ol i go.Select Ezekiel 10:11

12Na bodi olgeta bilong ol, na ol baksait bilong ol, na ol han bilong ol, na ol wing bilong ol, na ol wil, ol i pulap long ol ai raun nabaut, yes, ol wil dispela fopela i gat.Select Ezekiel 10:12

13Long sait bilong ol wil, wanpela i singaut long ol inap long mi ken harim, O wil.Select Ezekiel 10:13

14Na olgeta wan wan i gat fopela pes. Namba wan pes em i pes bilong wanpela serup, na namba tu pes em i pes bilong wanpela man, na namba tri pes em i pes bilong wanpela laion, na namba foa pes em i pes bilong wanpela igal.Select Ezekiel 10:14

15Na ol serupim i litimapim ol yet i go antap. Dispela em i dispela animal i stap laip mi lukim klostu long wara Kebar.Select Ezekiel 10:15

16Na taim ol serupim i go, ol wil i go klostu long ol. Na taim ol serupim i litimapim ol wing bilong ol bilong lusim graun i go antap, dispela ol wil stret tu i no tanim na lusim ples klostu long ol.Select Ezekiel 10:16

17Taim ol i sanap, ol dispela i sanap. Na taim ol i litimapim ol yet i go antap, ol dispela i litimapim ol yet i go antap tu. Long wanem, spirit bilong animal i stap laip i stap insait long ol.Select Ezekiel 10:17

18Nau glori bilong BIKPELA i lusim as bilong dua bilong dispela haus, na sanap na lindaun antap long ol serupim.Select Ezekiel 10:18

19Na ol serupim i litimapim ol wing bilong ol, na long hap ai bilong mi i lukim ol i lusim graun i go antap. Taim ol i go ausait, ol wil tu i stap klostu long ol, na olgeta wan wan i sanap long is dua bilong dua bilong banis bilong haus bilong BIKPELA. Na glori bilong God bilong Isrel i stap antap long ol.Select Ezekiel 10:19

20Dispela em i dispela animal i stap laip mi lukim aninit long God bilong Isrel klostu long wara Kebar. Na mi save long ol i ol serupim.Select Ezekiel 10:20

21Olgeta wan wan i gat fopela pes wan wan, na olgeta wan wan i gat fopela wing. Na aninit long ol wing bilong ol i gat samting i luk olsem ol han bilong wanpela man.Select Ezekiel 10:21

22Na ol pes bilong ol i luk olsem ol dispela pes stret mi lukim klostu long wara Kebar, ol lukluk bilong ol na ol yet. O i go, olgeta wan wan, stret long fran tasol.Select Ezekiel 10:22