44Ezekiel 44

1¶ Nau em i bringim mi bek long rot bilong dispela dua bilong banis bilong rum holi ausait i lukluk i go long hap is. Na em i pas.Select Ezekiel 44:1

2Nau BIKPELA i tokim mi, Dispela dua bilong banis bai stap pas, ol bai i no inap opim dispela, na i no gat wanpela man bai go insait long en. Bilong wanem, BIKPELA, God bilong Isrel, i bin go insait long en, olsem na em bai stap pas.Select Ezekiel 44:2

3Dispela em i bilong dispela hetman. Dispela hetman, em bai sindaun insait long en bilong kaikai bret long ai bilong BIKPELA. Em bai go insait long rot bilong veranda bilong dispela dua bilong banis, na em bai go ausait long dispela rot stret.Select Ezekiel 44:3

4¶ Nau em i bringim mi long rot bilong dua bilong banis not long ai bilong dispela haus. Na mi lukluk, na, lukim, glori bilong BIKPELA i pulimapim haus bilong BIKPELA. Na mi pundaun long pes bilong mi.Select Ezekiel 44:4

5Na BIKPELA i tokim mi, Pikinini man bilong man, makim gut, na lukim wantaim tupela ai bilong yu, na harim wantaim tupela ia bilong yu olgeta samting Mi tokim yu long sait bilong olgeta lo Mi makim bilong haus bilong BIKPELA, na olgeta lo bilong en. Na makim gut ples bilong go insait bilong dispela haus, wantaim olgeta wan wan samting i kam ausait long rum holi.Select Ezekiel 44:5

6Na yu bai tokim dispela bikhet lain, yes, i go long hauslain bilong Isrel, GOD Bikpela i tok olsem, O yupela hauslain bilong Isrel, larim dispela i inapim yupela long olgeta sting pasin bilong yupela,Select Ezekiel 44:6

7Long dispela, yupela i bin bringim ol ausait man i kam insait long rum holi bilong Mi, ol man i no katim skin bilong bel, na i no katim skin bilong bodi, bilong stap insait long rum holi bilong Mi, bilong mekim dispela doti, yes, haus bilong Mi, taim yupela i ofaim bret bilong Mi, dispela gris na dispela blut, na ol i bin brukim kontrak bilong Mi, bilong wanem, bilong olgeta sting pasin bilong yupela.Select Ezekiel 44:7

8Na yupela i no bin holimpas wok bilong ol samting holi bilong Mi. Tasol yupela i bin putim ol wasman bilong wok bilong Mi insait long rum holi bilong Mi bilong helpim yupela yet.Select Ezekiel 44:8

9GOD Bikpela i tok olsem, Ausait man, husat i no katim skin bilong bel, o husat i no katim skin bilong bodi, bai i no inap kam insait long rum holi bilong Mi, bilong wanpela ausait man husat i stap namel long ol pikinini bilong Isrel.Select Ezekiel 44:9

10¶ Na ol lain Levi husat i go longwe long Mi, taim Isrel i lusim rot, husat i lusim rot i lusim Mi bilong bihainim ol piksa bilong god giaman bilong ol, yes, ol bai karim sin nogut bilong ol.Select Ezekiel 44:10

11Yet ol bai stap ol wokman bilong Mi insait long rum holi bilong Mi, husat i gat wok long bosim ol dua bilong banis bilong dispela haus, na wokim wok long dispela haus. Ol bai kilim i dai dispela ofa i kuk olgeta na dispela sakrifais bilong ol manmeri, na ol bai sanap long ai bilong ol bilong wokim wok long ol.Select Ezekiel 44:11

12Bilong wanem, ol i wokim wok i go long ol long ai bilong ol piksa bilong god giaman bilong ol, na mekim hauslain bilong Isrel long pundaun long sin nogut. Olsem na Mi bin litimapim han bilong Mi i birua long ol, GOD Bikpela i tok, na ol bai karim sin nogut bilong ol.Select Ezekiel 44:12

13Na ol bai i no inap kam klostu long Mi, bilong mekim wok bilong wanpela pris long Mi, o bilong kam klostu long wanpela bilong ol samting holi bilong Mi, insait long dispela ples i holi moa olgeta. Tasol ol bai karim sem bilong ol, na ol sting pasin bilong ol, dispela ol i bin mekim.Select Ezekiel 44:13

14Tasol Mi bai mekim ol i kamap ol wasman bilong wok bilong dispela haus, bilong olgeta wok bilong en, na bilong olgeta samting ol bai mekim insait long en.Select Ezekiel 44:14

15Tasol ol pris, ol lain Levi, ol pikinini man bilong Sedok, husat i holimpas wok bilong rum holi bilong Mi taim ol pikinini bilong Isrel i go lusim Mi, ol bai kam klostu long Mi bilong wokim wok long Mi, na ol bai sanap long ai bilong Mi bilong ofaim long Mi dispela gris na dispela blut, GOD Bikpela i tok.Select Ezekiel 44:15

16Ol bai go insait long rum holi bilong Mi, na ol bai kam klostu long tebol bilong Mi, bilong wokim wok long Mi, na ol bai holimpas wok bilong Mi.Select Ezekiel 44:16

17¶ Na em bai kamap olsem, long taim ol i go insait long ol dua bilong banis bilong ples op insait, ol bai werim klos bilong ol naispela laplap. Na ol gras bilong sipsip bai i no inap kam antap long ol, taim ol i wokim wok long dua bilong banis bilong ples op insait, na insait long en.Select Ezekiel 44:17

18Ol bai gat ol kep bilong naispela laplap antap long ol het bilong ol, na ol bai gat ol trausis bilong naispela laplap antap long ol namel bilong bel bilong ol. Ol bai i no inap pasim ol yet nabaut wantaim wanpela samting i mekim tuhat i kamap.Select Ezekiel 44:18

19Na taim ol i go ausait long ples op ausait tru, yes, i go insait long ples op ausait tru bilong go long ol manmeri, ol bai rausim ol klos we ol i wokim wok long en, na slipim ol long ol rum holi, na ol bai putim ol arapela klos. Na ol bai i no inap mekim ol lain i stap holi wantaim ol klos bilong ol.Select Ezekiel 44:19

20Na tu bai ol i no inap sevim gras long ol het bilong ol, o larim ol gras bilong ol i go longpela. Ol bai katim gras bilong ol het bilong ol tasol.Select Ezekiel 44:20

21Na tu wanpela pris bai i no inap dring wain, taim ol i go insait long ples op insait.Select Ezekiel 44:21

22Na tu ol bai i no inap kisim bilong maritim wanpela meri man bilong en i dai pinis, o meri husat man i rausim i go. Tasol ol bai kisim ol meri i no bin slip wantaim man bilong tumbuna pikinini bilong hauslain bilong Isrel, o wanpela meri man bilong en i dai pinis husat i maritim wanpela pris bipo.Select Ezekiel 44:22

23Na ol bai skulim lain manmeri bilong Mi long samting i holi na samting i no holi i narakain, na mekim ol i klia tru long samting i doti na samting i klin.Select Ezekiel 44:23

24Na long ol pait ol bai sanap long kot. Na ol bai jasim dispela bilong bihainim ol kot bilong Mi. Na ol bai holimpas ol lo bilong Mi na ol lo bilong Mi Mi raitim long olgeta bung bilong Mi. Na ol bai mekim ol sabat bilong Mi holi olgeta.Select Ezekiel 44:24

25Na ol bai i no inap kam klostu long wanpela daibodi, bilong mekim ol yet i kamap doti. Long papa tasol, o long mama, o long pikinini man, o long pikinini meri, long brata, o long susa husat i no bin gat man bilong en, ol i ken mekim ol yet i kamap doti.Select Ezekiel 44:25

26Na bihain long taim em i kamap klin gen, ol bai kaunim long em sevenpela de.Select Ezekiel 44:26

27Na long de long em i go insait long rum holi i go long ples op insait, bilong wokim wok insait long rum holi, em bai ofaim ofa bilong sin bilong en, GOD Bikpela i tok.Select Ezekiel 44:27

28Na dispela bai stap long ol long wanpela samting papa i givim pikinini. Mi stap samting papa i givim pikinini bilong ol. Na yupela bai i no inap givim ol wanpela holimpas insait long Isrel. Mi stap holimpas bilong ol.Select Ezekiel 44:28

29Ol bai kaikai ofa bilong kaikai, na ofa bilong sin, na ofa bilong sakim lo. Na olgeta wan wan samting Isrel i makim bilong BIKPELA bai stap samting bilong ol.Select Ezekiel 44:29

30Na namba wan hap bilong olgeta namba wan pikinini kaikai bilong olgeta samting, na olgeta wan wan ofa bilong olgeta, bilong olgeta wan wan kain bilong ol ofa bilong yupela, bai bilong ol pris. Yupela tu bai givim i go long ol pris ol namba wan hap bilong bret i no kuk yet bilong yupela, inap long em i ken mekim blesing i slip long haus bilong yu.Select Ezekiel 44:30

31Ol pris bai i no inap kaikai long wanpela samting em i dai long em yet, o animal i brukim, sapos em i pisin o animal.Select Ezekiel 44:31