8Ezra 8

1¶ Nau ol dispela em i ol nambawan hetman bilong ol papa bilong ol, na dispela em i lain tumbuna bilong ol husat i go antap wantaim mi i lusim Babilon, long taim king Artaserksis i bosim kingdom.Select Ezra 8:1

2Bilong ol pikinini man bilong Finias, Gersom. Bilong ol pikinini man bilong Itamar, Danyel. Bilong ol pikinini man bilong Devit, Hatus.Select Ezra 8:2

3Bilong ol pikinini man bilong Sekanaia, bilong ol pikinini man bilong Faros, Sekaraia. Na wantaim em ol i kaunim long lain tumbuna bilong ol man 150.Select Ezra 8:3

4Bilong ol pikinini man bilong Pahat-moap, Elioenai, pikinini man bilong Serahaia, na wantaim em 200 man.Select Ezra 8:4

5Bilong ol pikinini man bilong Sekanaia, pikinini man bilong Jahasiel, na wantaim em 300 man.Select Ezra 8:5

6Bilong ol pikinini man tu bilong Adin, Ebet, pikinini man bilong Jonatan, na wantaim em 50 man.Select Ezra 8:6

7Na bilong ol pikinini man bilong Ilam, Jesea, pikinini man bilong Atalaia, na wantaim em 70 man.Select Ezra 8:7

8Na bilong ol pikinini man bilong Sefataia, Sebadaia, pikinini man bilong Maikel, na wantaim em 80 man.Select Ezra 8:8

9Bilong ol pikinini man bilong Joap, Obadaia, pikinini man bilong Jehiel, na wantaim em 218 man.Select Ezra 8:9

10Na bilong ol pikinini man bilong Selomit, pikinini man Josifaia, na wantaim em 160 man.Select Ezra 8:10

11Na bilong ol pikinini man bilong Bebai, Sekaraia, pikinini man bilong Bebai, na wantaim em 28 man.Select Ezra 8:11

12Na bilong ol pikinini man bilong Asgat, Johanan, pikinini man bilong Hakatan, na wantaim em 110 man.Select Ezra 8:12

13Na bilong ol las pikinini man bilong Adonikam, husat nem bilong ol em dispela, Elifelet, Jeiel, na Semea, na wantaim ol 60 man.Select Ezra 8:13

14Bilong ol pikinini man tu bilong Bikvai, Utai, na Sabut, na wantaim ol 70 man.Select Ezra 8:14

15Na mi bungim ol wantaim long dispela riva i ran i go long Ahava. Na long dispela hap mipela i stap long ol haus sel tripela de. Na mi lukim ol manmeri, na ol pris, na mi no lukim wanpela bilong ol pikinini man bilong Livai long dispela hap.Select Ezra 8:15

16Nau mi salim tok long Eliesar, long Ariel, long Semea, na long Elnatan, na long Jarip, na long Elnatan, na long Netan, na long Sekaraia, na long Mesulam, ol nambawan man, i ken kam. Na tu mi salim tok long Joiarip, na long Elnatan, ol man i gat save, i ken kam.Select Ezra 8:16

17Na mi salim ol wantaim tok strong i go long Ido, nambawan hetman bilong ples Kasifia, na mi tokim ol long ol i mas tok wanem i go long Ido, na long ol brata bilong em, ol wokboi bilong tempel, long ples Kasifia, long ol i mas bringim i kam long mipela ol wokman bilong haus bilong God bilong mipela.Select Ezra 8:17

18Na long gutpela han bilong God bilong mipela antap long mipela, ol i bringim mipela wanpela man i gat save, bilong ol pikinini man bilong Mali, pikinini man bilong Livai, pikinini man bilong Isrel, na Serebaia, wantaim ol pikinini man bilong em na ol brata bilong em, 18,Select Ezra 8:18

19Na Hasabaia, na wantaim em Jesea, bilong ol pikinini man bilong Merari, ol brata bilong em na ol pikinini man bilong ol, 20.Select Ezra 8:19

20Na tu bilong ol wokboi bilong tempel, husat Devit na ol hetman i bin makim bilong wokim wok bilong ol lain Livai, 220 wokboi bilong tempel. Olgeta bilong ol ol i kolim long nem bilong ol.Select Ezra 8:20

21¶ Nau mi autim toksave long wanpela taim bilong tambuim kaikai, long riva Ahava, inap long mipela ken givim hevi long mipela yet long ai bilong God bilong mipela, bilong painim long Em wanpela stretpela rot bilong mipela, na bilong ol liklik pikinini bilong mipela, na bilong olgeta kago bilong mipela.Select Ezra 8:21

22Long wanem, mi sem long strong long askim long king long wanpela liklik lain bilong ol soldia na ol man i ran long hos long helpim mipela long ol birua long rot. Bilong wanem, mipela bin toktok long king, i spik, Han bilong God bilong mipela i stap antap long olgeta husat i painim Em, bilong mekim gut long ol. Tasol pawa bilong Em na belhat tru bilong Em i stap birua long olgeta husat i givim baksait long Em.Select Ezra 8:22

23Olsem na mipela tambuim kaikai na askim long daun pasin God bilong mipela long dispela. Na Em i harim strongpela askim bilong mipela.Select Ezra 8:23

24¶ Nau mi brukim i go 12 bilong ol nambawan bilong ol pris, Serebaia, Hasabaia, na tenpela bilong ol brata bilong ol wantaim ol.Select Ezra 8:24

25Na mi skelim i go long ol silva, na gol, na ol sospen samting, yes, ofa bilong haus bilong God bilong mipela, dispela long king, na ol man bilong givim tok helpim bilong em, na ol bikman bilong em, na olgeta Isrel husat i stap long dispela hap, i bin ofaim.Select Ezra 8:25

26Yes, mi skelim i go long han bilong ol 650 talen bilong silva, na ol sospen samting silva i 100 talen, na bilong gol 100 talen.Select Ezra 8:26

27Na tu 20 traipela dis gol i 1,000 dram, na tupela sospen samting bilong naispela kapa i dia tumas olsem gol.Select Ezra 8:27

28Na mi tokim ol, Yupela stap holi i go long BIKPELA. Ol sospen samting tu i stap holi. Na dispela silva na gol i stap wanpela ofa long laik bilong bel i go long God BIKPELA bilong ol tumbuna papa bilong yupela.Select Ezra 8:28

29Yupela was, na holimpas ol, inap long yupela skelim ol long ai bilong ol nambawan bilong ol pris na ol lain Livai, na ol nambawan bilong ol papa bilong Isrel, long Jerusalem, insait long ol rum bilong haus bilong BIKPELA.Select Ezra 8:29

30Olsem na ol pris na ol lain Livai i kisim mak bilong skel bilong silva, na gol, na ol sospen samting, bilong bringim ol i go long Jerusalem i go long haus bilong God bilong mipela.Select Ezra 8:30

31¶ Nau mipela i lusim wara Ahava long namba 12 de bilong namba wan mun, bilong go long Jerusalem. Na han bilong God bilong mipela i stap antap long mipela, na Em i kisim bek mipela long han bilong ol birua bilong mipela, na long kain lain husat i save slip hait klostu long rot.Select Ezra 8:31

32Na mipela kam long Jerusalem, na stap long dispela hap tripela de.Select Ezra 8:32

33Nau long namba foa de ol i skelim silva na gol na ol sospen samting insait long haus bilong God bilong mipela long han bilong Meremot, pikinini man bilong pris Yuraia. Na wantaim em Eliesar, pikinini man bilong Finias, i stap. Na wantaim ol Josabat i stap, pikinini man bilong Jesua, na Noadaia, pikinini man bilong Binui, ol lain Livai.Select Ezra 8:33

34Ol i skelim long namba na long hevi bilong olgeta wan wan. Na olgeta hevi bilong ol ol i raitim long dispela taim.Select Ezra 8:34

35Na tu ol pikinini bilong ol husat ol i bin karim i go, husat i kam ausait long kalabus, i ofaim ol ofa i kuk olgeta i go long God bilong Isrel, 12 bulmakau man bilong olgeta Isrel, 96 sipsip man, 77 pikinini sipsip, 12 meme man bilong wanpela ofa bilong sin. Olgeta dispela em i wanpela ofa i kuk olgeta i go long BIKPELA.Select Ezra 8:35

36Na ol i givim ol oda bilong king i go long ol namba tu hetman bilong king, na long ol nambawan gavman long dispela sait long riva. Na ol i helpim ol manmeri, na haus bilong God.Select Ezra 8:36