2Galatians 2

1¶ Nau 14 yia bihain mi go antap gen long Jerusalem wantaim Banabas, na kisim Taitas i go wantaim mi tu.Select Galatians 2:1

2Na mi go antap taim God i soim mi ples klia, na mi toktok long ol long dispela gutnius mi autim namel long ol man i no Ju, tasol mi go hait long ol husat i gat namba, nogut long wanpela rot mi ken ran, o mi bin ran, nating.Select Galatians 2:2

3Tasol ol i no pulim strong Taitas tu, husat i stap wantaim mi, husat i wanpela Grik, long katim skin.Select Galatians 2:3

4Na dispela em bikos ol giaman brata ol i bringim insait hait, husat i kam insait hait long lukstil long dispela pasin bilong stap fri bilong yumi, dispela yumi gat insait long Kraist Jisas, inap long ol i ken bringim yumi i go insait long kalabus.Select Galatians 2:4

5Long husat mipela i no givim spes liklik long pasin bilong stap aninit, nogat, i no long wanpela aua, inap long tok tru bilong gutnius i ken stap yet wantaim yupela.Select Galatians 2:5

6Tasol ol dispela husat i luk olsem ol i gat biknem, (wanem samting ol i stap, em i no bikpela samting long mi, God i no orait long kisim biknem bilong wanpela man,) long wanem, ol husat i luk olsem ol i gat biknem long toktok i no skruim wanpela samting long mi.Select Galatians 2:6

7Tasol dispela i narapela olgeta, taim ol i luksave long God i putim gutnius bilong ol lain bilong i no katim skin long han bilong mi, olsem em i putim gutnius bilong ol lain bilong katim skin long han bilong Pita.Select Galatians 2:7

8(Long wanem, em husat i wok wantaim pawa insait long Pita i go long wok aposel bilong ol lain bilong katim skin, dispela stret em i strongpela insait long mi i go long ol man i no Ju.)Select Galatians 2:8

9Na taim Jems, Sifas, na Jon, husat i luk olsem ol i stap ol bikpela pos, i kisim save long dispela marimari God i givim long mi, ol i givim long mi na Banabas ol han sut bilong pasin poroman, inap long mipela i ken go long ol haiden, na ol long ol lain bilong katim skin.Select Galatians 2:9

10Tasol ol i gat laik long mipela i ken holim tingting long ol rabisman, dispela samting stret mi tu i redi long mekim.Select Galatians 2:10

11¶ Tasol taim Pita i kam long Antiok, mi sanap strong long pes bilong em, bilong wanem, em i gat asua.Select Galatians 2:11

12Long wanem, bipo long sampela man i kam long Jems, em i bin kaikai wantaim ol man i no Ju. Tasol taim ol i kam pinis, em i surikim na brukim em yet, taim em i pret long ol husat i bilong ol lain bilong katim skin.Select Galatians 2:12

13Na ol arapela Ju i haitim samting wantaim giaman wankain olsem wantaim em, inap olsem long ol i karim Banabas i go tu wantaim pasin giaman bilong ol.Select Galatians 2:13

14Tasol taim mi luksave long ol i no wokabaut stretpela bilong bihainim tok tru bilong gutnius, mi tokim Pita long ai bilong ol olgeta, Sapos yu, husat i wanpela Ju, i wokabaut i bihainim pasin bilong ol man i no Ju, na yu no mekim olsem ol Ju, bilong wanem yu pulim strong ol man i no Ju long wokabaut olsem ol Ju?Select Galatians 2:14

15Yumi husat i ol Ju long bodi sait, na i no ol sinman bilong ol man i no Ju,Select Galatians 2:15

16Taim yumi save long i no gat man i kamap stretpela long ol wok bilong lo, tasol long wok bilong bilip tru bilong Jisas Kraist, yes, yumi bin bilip long Jisas Kraist, inap long yumi ken kamap stretpela long wok bilong bilip tru bilong Kraist, na i no long ol wok bilong lo. Long wanem, long ol wok bilong lo bai i no gat wanpela man i kamap stretpela.Select Galatians 2:16

17Tasol sapos, taim yumi painim rot long kamap stretpela long wok bilong Kraist, God i lukim yumi yet tu i stap ol sinman, ating olsem na Kraist i wokman bilong sin? I no ken tru.Select Galatians 2:17

18Long wanem, sapos mi wokim gen ol dispela samting mi bagarapim olgeta, mi mekim mi yet wanpela man bilong kalapim lo.Select Galatians 2:18

19Long wanem, long wok bilong lo mi stap daiman long lo, inap long mi ken stap laip i go long God.Select Galatians 2:19

20God i bin nilim mi long diwai kros wantaim Kraist. Tasol mi stap laip. Tasol i no mi, tasol Kraist i stap laip insait long mi. Na dispela laip mi gat nau long bodi mi gat long wok bilong bilip tru bilong Pikinini Man bilong God, husat i laikim mi tru, na givim em yet bilong helpim mi.Select Galatians 2:20

21Mi no wok long pasim marimari bilong God. Long wanem, sapos stretpela pasin i kam long wok bilong lo, orait Kraist i dai nating.Select Galatians 2:21