11Genesis 11

1¶ Na olgeta dispela graun em i bilong wanpela tok ples, na bilong wanpela toktok.Select Genesis 11:1

2Na em i kamap olsem, taim ol i lusim hap sankamap na wokabaut i go, long ol i lukim wanpela ples stret long hap bilong Sainar. Na ol i stap long dispela hap.Select Genesis 11:2

3Na ol i tokim wanpela i go long narapela, Kaman, yumi wokim ol brik, na kukim ol tru. Na ol i yusim brik long senisim ston, na ol i bin yusim graun malumalu long senisim simen.Select Genesis 11:3

4Na ol i tok, Kaman, yumi wokim wanpela biktaun na wanpela taua, husat antap bilong en i ken go inap long heven. Na yumi mekim wanpela nem bilong yumi, nogut yumi bruk nabaut long pes bilong dispela graun olgeta.Select Genesis 11:4

5¶ Na BIKPELA i kam daun bilong lukim dispela biktaun na dispela taua, dispela ol pikinini bilong ol man i wokim.Select Genesis 11:5

6Na BIKPELA i tok, Lukim, ol manmeri i wanpela, na olgeta i gat wanpela tok ples. Na dispela ol i stat long mekim. Na nau i no gat wanpela samting bai i pasim ol, dispela ol i bin tingting strong long mekim.Select Genesis 11:6

7Kaman, Yumi go daun, na long dispela hap paulim tok ples bilong ol, inap long ol i no inap save long toktok wanpela i go long ol arapela.Select Genesis 11:7

8Olsem na BIKPELA i brukim ol nabaut i lusim dispela hap antap long pes bilong olgeta hap bilong dispela graun. Na ol i lusim wok bilong wokim dispela biktaun.Select Genesis 11:8

9Olsem na ol i kolim nem bilong en Babel. Bilong wanem, long dispela hap BIKPELA i bin paulim tok ples bilong olgeta bilong dispela graun. Na long dispela hap BIKPELA i bin brukim ol nabaut antap long pes bilong dispela graun olgeta.Select Genesis 11:9

10¶ Ol dispela em ol lain tumbuna bilong Siem. Siem i gat 100 krismas, na em i kamapim Arfaksat, tupela yia bihain long tait.Select Genesis 11:10

11Na Siem i stap laip bihain long em i kamapim Arfaksat 500 yia, na kamapim ol pikinini man na ol pikinini meri.Select Genesis 11:11

12Na Arfaksat i stap laip 35-pela yia, na kamapim Sala.Select Genesis 11:12

13Na Arfaksat i stap laip bihain long em i kamapim Sala 403 yia, na kamapim ol pikinini man na ol pikinini meri.Select Genesis 11:13

14Na Sala i stap laip 30-pela yia, na kamapim Eber.Select Genesis 11:14

15Na Sala i stap laip bihain long em i kamapim Eber 403 yia, na kamapim ol pikinini man na ol pikinini meri.Select Genesis 11:15

16Na Eber i stap laip 34-pela yia, na kamapim Pelek.Select Genesis 11:16

17Na Eber i stap laip bihain long em i kamapim Pelek 430 yia, na kamapim ol pikinini man na ol pikinini meri.Select Genesis 11:17

18Na Pelek i stap laip 30-pela yia, na kamapim Reu.Select Genesis 11:18

19Na Pelek i stap laip bihain long em i kamapim Reu 209 yia, na kamapim ol pikinini man na ol pikinini meri.Select Genesis 11:19

20Na Reu i stap laip 32-pela yia, na kamapim Seruk.Select Genesis 11:20

21Na Reu i stap laip bihain long em i kamapim Seruk 207 yia, na kamapim ol pikinini man na ol pikinini meri.Select Genesis 11:21

22Na Seruk i stap laip 30-pela yia, na kamapim Nehor.Select Genesis 11:22

23Na Seruk i stap laip bihain long em i kamapim Nehor 200 yia, na kamapim ol pikinini man na ol pikinini meri.Select Genesis 11:23

24Na Nehor i stap laip 29-pela yia, na kamapim Tera.Select Genesis 11:24

25Nehor i stap laip bihain long em i kamapim Tera 119 yia, na kamapim ol pikinini man na ol pikinini meri.Select Genesis 11:25

26Na Tera i stap laip 70-pela yia, na kamapim Ebram, Nehor, na Haran.Select Genesis 11:26

27¶ Nau ol dispela em ol lain tumbuna bilong Tera. Tera i kamapim Ebram, Nehor, na Haran. Na Haran i kamapim Lot.Select Genesis 11:27

28Na Haran i dai bipo long papa bilong em Tera long ples mama i karim em, long Ur bilong ol Kaldi.Select Genesis 11:28

29Na Ebram na Nehor i kisim ol meri i kam long ol. Nem bilong meri bilong Ebram em Sarai. Na nem bilong meri bilong Nehor, Milka, pikinini meri bilong Haran, papa bilong Milka na papa bilong Iska.Select Genesis 11:29

30Tasol Sarai i no inap long karim. Em i no gat wanpela pikinini.Select Genesis 11:30

31Na Tera i kisim Ebram, pikinini man bilong em, na Lot, pikinini man bilong Haran, pikinini man bilong pikinini man bilong em, na Sarai, tambu pikinini meri bilong em, meri bilong pikinini man bilong em Ebram. Na ol i go ausait wantaim ol i lusim Ur bilong ol Kaldi, bilong go insait long hap bilong Kenan. Na ol i kamap long Haran, na stap long dispela hap.Select Genesis 11:31

32Na ol de bilong Tera i em 205 yia. Na Tera i dai long Haran.Select Genesis 11:32