13Genesis 13

1¶ Na Ebram i go antap ausait long Isip, em, na meri bilong em, na olgeta samting em i gat, na Lot wantaim em, i go insait long hap saut.Select Genesis 13:1

2Na Ebram em i maniman tru long ol bulmakau samting, long silva, na long gol.Select Genesis 13:2

3Na em i go long ol wokabaut bilong em i lusim hap, yes, inap long Betel, i go long ples we haus sel bilong em i bin stap long stat, namel long Betel na Hai.Select Genesis 13:3

4Em i go long ples bilong alta, dispela em i bin wokim long dispela hap long pastaim. Na long dispela hap Ebram i singaut long nem bilong BIKPELA.Select Genesis 13:4

5¶ Na Lot tu, husat i go wantaim Ebram, i gat ol lain sipsip, na ol lain bulmakau samting, na ol haus sel.Select Genesis 13:5

6Na dispela hap graun i no inap long karim ol, inap long ol i ken stap wantaim. Long wanem, ol kago bilong ol i bikpela, inap long ol i no inap stap wantaim.Select Genesis 13:6

7Na i gat wanpela pait namel long ol wokman bilong ol bulmakau samting bilong Ebram na ol wokman bilong ol bulmakau samting bilong Lot. Na lain Kenan na lain Peres i stap nau long dispela hap graun.Select Genesis 13:7

8Na Ebram i tokim Lot, No ken larim pait i stap, mi askim plis long yu, namel long mi na yu, na namel long ol wokman i lukautim ol bulmakau bilong mi na ol wokman i lukautim ol bulmakau bilong yu. Long wanem, yumi stap ol brata.Select Genesis 13:8

9Ating dispela graun olgeta i no stap long ai bilong yu? Brukim yu yet, mi askim plis long yu, i lusim mi. Sapos yu laik kisim han kais, orait bai mi go long han sut. O sapos yu lusim mi na go long han sut, orait bai mi go long han kais.Select Genesis 13:9

10¶ Na Lot i apim tupela ai bilong em na lukim olgeta ples stret bilong Jordan, long em i gat planti wara long olgeta wan wan hap, bipo BIKPELA i bagarapim Sodom na Gomora, yes, olsem gaden bilong BIKPELA, olsem hap bilong Isip, taim yu kam long Soar.Select Genesis 13:10

11Nau Lot i makim bilong em olgeta ples stret bilong Jordan. Na Lot i wokabaut i go long hap sankamap. Na ol i brukim ol yet wanpela i lusim arapela.Select Genesis 13:11

12Ebram i stap long hap bilong Kenan, na Lot i stap insait long ol biktaun bilong ples stret, na em i sanapim haus sel bilong em i lukluk i go long Sodom.Select Genesis 13:12

13Tasol ol man bilong Sodom i stap ol man nogut na ol sinman long ai bilong BIKPELA planti moa yet.Select Genesis 13:13

14¶ Na BIKPELA i tokim Ebram, bihain long lot i lusim em, Apim nau tupela ai bilong yu, na lukluk long dispela ples we yu stap long en i go long hap not, na i go long hap saut, na i go long hap sankamap, na i go long hap san i go daun.Select Genesis 13:14

15Long wanem, olgeta dispela hap graun yu lukim, long yu bai Mi givim dispela, na long tumbuna pikinini bilong yu inap oltaim oltaim.Select Genesis 13:15

16Na Mi bai mekim ol tumbuna pikinini bilong yu olsem das bilong graun. Inap long sapos wanpela man i ken kaunim das bilong graun, orait bai ol i ken kaunim tumbuna pikinini bilong yu tu.Select Genesis 13:16

17Kirap, wokabaut i go namel long dispela hap graun long longpela bilong en na long brait bilong en. Long wanem, Mi bai givim dispela long yu.Select Genesis 13:17

18Nau Ebram i rausim haus sel bilong em, na kam na stap long ples stret bilong Mamri, dispela em stap long Hibron, na wokim long dispela hap wanpela alta i go long BIKPELA.Select Genesis 13:18