24Genesis 24

1¶ Na Ebraham i lapun, na planti yia i mekim em lapun tru. Na BIKPELA i bin blesim Ebraham long olgeta samting.Select Genesis 24:1

2Na Ebraham i tokim wokboi bilong em i lapun moa long ol arapela wokboi bilong hauslain bilong em, husat i bosim olgeta samting em i gat, Putim, mi askim yu plis, han bilong yu aninit long antap hap bilong lek bilong mi.Select Genesis 24:2

3Na mi bai mekim yu wokim strongpela promis long nem bilong BIKPELA, God bilong heven, na God bilong dispela graun, inap long yu bai i no inap kisim wanpela meri i kam long pikinini man bilong mi long ol pikinini meri bilong ol lain Kenan, namel long husat mi stap.Select Genesis 24:3

4Tasol yu mas i go long kantri bilong mi, na long kandre bilong mi, na kisim wanpela meri i kam long pikinini man bilong mi Aisak.Select Genesis 24:4

5Na dispela wokboi i tokim em, Sapos i gat sans long dispela meri bai i no gat laik long bihainim mi i kam long dispela hap, ating mi mas bringim pikinini man bilong yu i go gen long dispela hap we yu kam long en?Select Genesis 24:5

6Na Ebraham i tokim em, Yu lukaut gut long yu no bringim pikinini man bilong mi i go gen long hap.Select Genesis 24:6

7God BIKPELA bilong heven, husat i kisim mi long hauslain bilong papa bilong mi, na long hap graun bilong kandre bilong mi, na husat i tokim mi, na husat i wokim strongpela promis long mi, i spik, Long tumbuna pikinini bilong yu bai Mi givim dispela graun. Em bai salim ensel bilong Em i go paslain long yu, na yu bai kisim wanpela meri i kam long pikinini man bilong mi long hap.Select Genesis 24:7

8Na sapos dispela meri bai i no gat laik long bihainim yu, orait yu bai stap fri long dispela strongpela promis bilong mi. Tasol yu no ken bringim pikinini man bilong mi long hap gen.Select Genesis 24:8

9Na dispela wokboi i putim han bilong en aninit long antap hap bilong lek bilong Ebraham, bikman bilong em, na wokim strongpela promis long em long dispela samting.Select Genesis 24:9

10¶ Na dispela wokboi i kisim tenpela kemel bilong ol kemel bilong bikman bilong em, na go. Bilong wanem, olgeta kago bilong bikman bilong em i stap long han bilong em. Na em i kirap, na i go long Mesopotemia, long biktaun bilong Nehor.Select Genesis 24:10

11Na em i mekim ol kemel bilong em long brukim skru ausait long biktaun klostu long wanpela hul wara long taim bilong apinun tru, yes, taim long ol meri i go ausait na pulim wara i kam antap.Select Genesis 24:11

12Na em i tok, O God BIKPELA bilong bikman bilong mi Ebraham, mi askim Yu plis, salim mi long hariap gutpela dispela de, na soim gutpela pasin long bikman bilong mi Ebraham.Select Genesis 24:12

13Lukim, mi sanap hia klostu long hul wara. Na ol pikinini meri bilong ol man bilong dispela biktaun i kam ausait bilong pulim wara i kam antap.Select Genesis 24:13

14Na larim em i kamap olsem, long dispela meri husat mi bai tok, Larim jak bilong yu i go daun, mi askim yu plis, inap long mi ken dring. Na em bai tok, Dring, na bai mi givim dring long ol kemel bilong yu tu. Larim dispela stret stap meri husat Yu bin makim long wokboi bilong Yu Aisak. Na long dispela mi bai save long Yu bin soim gutpela pasin long bikman bilong mi.Select Genesis 24:14

15Na em i kamap olsem, bipo em i bin pinisim toktok, long, lukim, Rebeka i kam ausait, husat mama i bin karim long Betyuel, pikinini man bilong Milka, meri bilong Nehor, brata bilong Ebraham, wantaim jak bilong em antap long sol bilong han bilong em.Select Genesis 24:15

16Na dispela yangpela meri i naispela tru bilong lukluk long en, wanpela meri i no bin slip wantaim man, na tu i no gat wanpela man i bin save long em. Na em i go daun long hul wara, na pulapim jak bilong em, na kam antap.Select Genesis 24:16

17Na dispela wokboi i ran i go bungim em, na em i tok, Mi askim plis long yu, yu larim mi dring liklik wara long sospen bilong kisim wara bilong yu.Select Genesis 24:17

18Na em i tok, Dring, bikman bilong mi. Na meri i hariap, na larim jak i go daun antap long han bilong em yet, na givim dring long em.Select Genesis 24:18

19Na taim em i bin givim dring long em pinis, em i tok, Mi bai pulim wara i kam antap bilong ol kemel bilong yu tu, inap long ol i bin dring pinis.Select Genesis 24:19

20Na em i hariap, na kapsaitim jak bilong em i go long ples bilong dring bilong animal, na ran i go gen long hul wara bilong pulim wara i kam antap, na pulim bilong olgeta kemel bilong em.Select Genesis 24:20

21Na taim dispela man i tingting planti long meri em i pasim maus bilong em, long save sapos BIKPELA i bin mekim wokabaut bilong em long kamap gutpela o nogat.Select Genesis 24:21

22Na em i kamap olsem, taim ol kemel i bin dring pinis, long dispela man i kisim wanpela ring gol bilong ia, hevi bilong en em namba tu hap bilong wanpela sekel, na tupela paspas bilong tupela han bilong em, hevi bilong ol em tenpela sekel bilong gol.Select Genesis 24:22

23Na em i tok, Yu pikinini meri bilong husat? Tokim mi, mi askim yu plis, i gat spes long haus bilong papa bilong yu long mipela i ken stap long en?Select Genesis 24:23

24Na meri i tokim em, Mi pikinini meri bilong Betyuel, pikinini man bilong Milka, husat em i karim long Nehor.Select Genesis 24:24

25Na moa tu em i tokim em, Mipela i gat pipia stik wit samting na inap kaikai bilong animal wantaim, na spes bilong stap long en.Select Genesis 24:25

26Na dispela man i lindaunim het bilong em na lotu long BIKPELA.Select Genesis 24:26

27Na em i tok, Blesing i stap long God BIKPELA bilong bikman bilong mi Ebraham, husat i no larim bikman bilong mi long i no gat sori bilong Em na tok tru bilong Em olgeta. Taim mi stap long rot, BIKPELA i stiaim mi i go long haus bilong ol brata bilong bikman bilong mi.Select Genesis 24:27

28Na dispela yangpela meri i ran, na tokim ol bilong hauslain bilong mama bilong en long ol dispela samting.Select Genesis 24:28

29¶ Na Rebeka i gat wanpela brata, na nem bilong en em Leban. Na Leban i ran i go long dispela man, i go long hul wara.Select Genesis 24:29

30Na em i kamap olsem, taim em i lukim ring bilong ia na ol paspas antap long tupela han bilong susa bilong em, na taim em i harim ol toktok bilong Rebeka, susa bilong em, i spik, Dispela man i tok olsem long mi, long em i kam long dispela man. Na, lukim, em i sanap klostu long ol kemel long hul wara.Select Genesis 24:30

31Na em i tok, Kam insait, yu man husat BIKPELA i blesim. Bilong wanem yu sanap ausait? Long wanem, mi bin redim haus, na spes bilong ol kemel.Select Genesis 24:31

32Na dispela man i kam insait long haus. Na em i lusim ol let bilong ol kemel bilong em, na givim pipia stik wit samting na kaikai bilong animal long ol kemel, na wara bilong wasim lek bilong em, na ol lek bilong ol man husat i stap wantaim em.Select Genesis 24:32

33Na ol i putim kaikai long ai bilong em bilong kaikai. Tasol em i tok, Mi bai i no inap kaikai, inap mi bin tokaut long wok bilong mi. Na em i tok, Yu toktok.Select Genesis 24:33

34Na em i tok, Mi wokboi bilong Ebraham.Select Genesis 24:34

35Na BIKPELA i bin blesim tru bikman bilong mi. Na em i kamap bikman tru. Na Em i bin givim em ol lain sipsip samting, na ol lain bulmakau samting, na silva, na gol, na ol wokboi, na ol wokmeri, na ol kemel, na ol donki.Select Genesis 24:35

36Na Sara, meri bilong bikman bilong mi, i karim wanpela pikinini man long bikman bilong mi taim em i lapun. Na i go long em em i bin givim olgeta dispela samting em i gat.Select Genesis 24:36

37Na bikman bilong mi i mekim mi wokim strongpela promis, i spik, Yu bai i no inap kisim wanpela meri long pikinini man bilong mi long ol pikinini meri bilong ol lain Kenan, long graun bilong husat mi stap.Select Genesis 24:37

38Tasol yu bai go long hauslain bilong papa bilong mi, na long ol kandre bilong mi, na kisim wanpela meri i kam long pikinini man bilong mi.Select Genesis 24:38

39Na mi tokim bikman bilong mi, Sapos i gat sans long dispela meri i no gat laik long bihainim mi.Select Genesis 24:39

40Na em i tokim mi, BIKPELA, long ai bilong husat mi save wokabaut, bai salim ensel bilong Em wantaim yu, na mekim rot bilong yu long kamap gutpela. Na yu bai kisim wanpela meri bilong pikinini man bilong mi long ol kandre bilong mi, na bilong hauslain bilong papa bilong mi.Select Genesis 24:40

41Nau bai yu stap fri long dispela strongpela promis bilong mi, taim yu kam long ol kandre bilong mi. Na sapos ol i no givim yu wanpela, yu bai stap fri long strongpela promis bilong mi.Select Genesis 24:41

42Na mi kam tude long hul wara, na tok, O God BIKPELA bilong bikman bilong mi Ebraham, sapos nau Yu mekim rot bilong mi long kamap gutpela, dispela mi go long en,Select Genesis 24:42

43Lukim, mi sanap klostu long hul bilong wara. Na em bai kamap olsem, long taim meri i no bin slip wantaim man i kam ausait bilong pulim wara i kam antap, na mi tokim em, Givim mi, mi askim yu plis, liklik wara long jak bilong yu bilong dring,Select Genesis 24:43

44Na em i tokim mi, Yu dring, na mi bai pulim tu bilong ol kemel bilong yu wantaim, Larim dispela stret stap meri husat BIKPELA i bin makim bilong pikinini man bilong bikman bilong mi.Select Genesis 24:44

45Na bipo mi bin pinisim toktok insait long bel bilong mi, lukim, Rebeka i kam ausait wantaim jak bilong em antap long sol bilong han bilong em. Na em i go daun long hul wara, na pulim wara i kam antap. Na mi tokim em, Larim mi dring, mi askim yu plis.Select Genesis 24:45

46Na em i wokim hariap, na larim jak bilong em i go daun i lusim sol bilong han bilong em, na tok, Dring, na mi bai givim dring long ol kemel bilong yu tu. Olsem na mi bin dring, na em i mekim ol kemel dring tu.Select Genesis 24:46

47Na mi askim em, na tok, Yu pikinini meri bilong husat? Na em i tok, Pikinini meri bilong Betyuel, pikinini man bilong Nehor, husat Milka i karim long em. Na mi putim ring bilong ia long pes bilong em, na ol paspas long ol han bilong em.Select Genesis 24:47

48Na mi lindaunim het bilong mi, na lotuim BIKPELA, na blesim God BIKPELA bilong bikman bilong mi Ebraham, husat i bin stiaim mi long stretpela rot bilong kisim pikinini meri bilong brata bilong bikman bilong mi i go long pikinini man bilong em.Select Genesis 24:48

49Na nau sapos yupela bai mekim gutpela pasin na tru tru wantaim bikman bilong mi, tokim mi. Na sapos nogat, tokim mi, inap long mi ken tanim long han sut o long han kais.Select Genesis 24:49

50Nau Leban na Betyuel i bekim na tok, Dispela samting i kam long BIKPELA. Mipela i no inap toktok long yu nogut o gutpela.Select Genesis 24:50

51Lukim, Rebeka i stap long ai bilong yu, kisim em, na go, na larim em stap meri bilong pikinini man bilong bikman bilong yu, olsem BIKPELA i bin toktok.Select Genesis 24:51

52Na em i kamap olsem, long, taim wokboi bilong Ebraham i harim ol toktok bilong ol, em i lotu long BIKPELA taim em i lindaunim em yet i go long graun.Select Genesis 24:52

53Na dispela wokboi i bringim ausait ol bilas i dia tru bilong silva, na ol bilas i dia tru bilong gol, na klos, na givim ol long Rebeka. Em i givim tu long brata bilong em na long mama bilong em ol samting i dia tumas.Select Genesis 24:53

54¶ Na ol i kaikai na dring, em na ol man husat i stap wantaim em, na ol i stap yet olgeta hap bilong nait. Na ol i kirap long moning, na em i tok, Salim mi i go long bikman bilong mi.Select Genesis 24:54

55Na brata bilong meri na mama bilong em i tok, Larim dispela yangpela meri stap wantaim mipela sampela de, i no ken aninit long tenpela. Bihain long dispela em bai go.Select Genesis 24:55

56Na em i tokim ol, No ken pasim mi, taim yumi luksave olsem BIKPELA i bin mekim rot bilong mi long kamap gutpela. Salim mi i go inap long mi ken go long bikman bilong mi.Select Genesis 24:56

57Na ol i tok, Mipela bai singautim dispela yangpela meri, na askim long maus bilong em.Select Genesis 24:57

58Na ol i singautim Rebeka, na tokim em, Yu bai go wantaim dispela man? Na em i tok, Mi bai go.Select Genesis 24:58

59Na ol i salim Rebeka i go, susa bilong ol, na wasmeri bilong em, na wokboi bilong Ebraham, na ol man bilong em.Select Genesis 24:59

60Na ol i blesim Rebeka, na tokim em, Yu susa bilong mipela, yu ken i kamap mama bilong ol tausen milien, na larim tumbuna pikinini bilong yu holimpas dua bilong banis bilong ol man i no laikim tru ol.Select Genesis 24:60

61Na Rebeka i kirap, na ol yangpela meri bilong em, na ol i ran antap long ol kemel, na bihainim dispela man. Na dispela wokboi i kisim Rebeka, na go long rot bilong em.Select Genesis 24:61

62¶ Na Aisak i kam long rot bilong hul wara Lahairoi. Long wanem, em i save stap long hap graun bilong hap saut.Select Genesis 24:62

63Na Aisak i go ausait bilong tingting strong long ples kunai long apinun tru. Na em i litimapim tupela ai bilong em, na lukim, na, lukim, ol kemel i kam.Select Genesis 24:63

64Na Rebeka i litimapim tupela ai bilong en, na taim em i lukim Aisak, em i lusim kemel i go daun.Select Genesis 24:64

65Long wanem, em i bin tokim dispela wokboi, Dispela em wanem man husat i wokabaut long ples kunai bilong bungim yumi? Na dispela wokboi i bin tok, Dispela em bikman bilong mi. Olsem na Rebeka i kisim wanpela laplap bilong pes, na karamapim em yet.Select Genesis 24:65

66Na wokboi i tokim Aisak long olgeta samting em i bin mekim.Select Genesis 24:66

67Na Aisak i bringim em i go insait long haus sel bilong mama bilong em Sara, na kisim Rebeka, na em i kamap meri bilong em. Na em i laikim em tru. Na Aisak i kisim bel isi bihain long dai bilong mama bilong em.Select Genesis 24:67