26Genesis 26

1¶ Na i gat wanpela bikpela taim hangre long dispela hap, i narapela long namba wan bikpela taim hangre i stap long ol de bilong Ebraham. Na Aisak i go long Abimelek, king bilong ol Filistin, long Gerar.Select Genesis 26:1

2Na BIKPELA i kamap ples klia long em, na i tok, No ken i go daun long Isip. Stap long dispela hap graun Mi bai tokim yu long en.Select Genesis 26:2

3Stap waira long dispela hap, na Mi bai stap wantaim yu, na Mi bai blesim yu. Long wanem, long yu, na long tumbuna pikinini bilong yu, Mi bai givim olgeta ol dispela kantri, na Mi bai inapim dispela strongpela promis Mi bin wokim long Ebraham, papa bilong yu.Select Genesis 26:3

4Na Mi bai mekim tumbuna pikinini bilong yu long kamap planti olsem ol sta bilong heven, na Mi bai givim long tumbuna pikinini bilong yu olgeta ol dispela kantri. Na long tumbuna pikinini bilong yu olgeta kantri bilong dispela graun bai kisim blesing.Select Genesis 26:4

5Bilong wanem, bikos Ebraham i bihainim nek bilong Mi, na holimpas tok strong bilong Mi, ol strongpela tok bilong Mi, ol lo Mi raitim, na ol lo bilong Mi.Select Genesis 26:5

6¶ Na Aisak i stap long Gerar.Select Genesis 26:6

7Na ol man bilong dispela ples i askim em long meri bilong em. Na em i tok, Em i susa bilong mi. Long wanem, em i pret long tok, Em i meri bilong mi. Nogut, em i tok, ol man bilong dispela ples i ken kilim mi bilong kisim Rebeka. Bilong wanem, em i naispela bilong lukluk long en.Select Genesis 26:7

8Na em i kamap olsem, taim em i bin stap longpela taim long dispela hap, long Abimelek, king bilong ol Filistin, i lukluk i go ausait long wanpela windo, na lukluk, na, lukim, Aisak i pilai wantaim Rebeka, meri bilong en.Select Genesis 26:8

9Na Abimelek i singautim Aisak, na tok, Lukim, tru tumas, em i meri bilong yu. Na olsem wanem yu bin tok, Em i susa bilong mi? Na Aisak i tokim em, Bilong wanem, mi tok, Nogut mi dai long em.Select Genesis 26:9

10Na Abimelek i tok, Dispela em i wanem samting yu bin mekim long mipela? I gat sans long wanpela bilong dispela lain i bin slip nating wantaim meri bilong yu, na yu bin bringim dispela rong i kam antap long mipela.Select Genesis 26:10

11Na Abimelek i givim tok long olgeta manmeri bilong en, i spik, Em husat i tasim dispela man o meri bilong em, tru tumas, mi bai mekim em long dai.Select Genesis 26:11

12¶ Orait Aisak i planim long dispela hap, na kisim long dispela yia stret 100 taims. Na BIKPELA i blesim em.Select Genesis 26:12

13Na dispela man i kamap bikman, na em i go het, na i kamap bikpela inap long em i kamap bikman tru.Select Genesis 26:13

14Long wanem, em i gat holimpas bilong ol lain sipsip samting, na ol lain bulmakau samting, na bikpela namba tru bilong ol wokboi. Na ol Filistin i mangalim ol samting bilong em.Select Genesis 26:14

15Long wanem, olgeta dispela hul wara ol wokboi bilong papa bilong em i bin digim long taim bilong Ebraham, papa bilong em, ol Filistin i bin pasim ol, na pulapim ol wantaim graun.Select Genesis 26:15

16Na Abimelek i tokim Aisak, Go lusim mipela. Long wanem, yu stap strongpela moa long mipela.Select Genesis 26:16

17Na Aisak i lusim dispela hap, na sanapim haus sel bilong em long ples daun bilong Gerar, na stap long dispela hap.Select Genesis 26:17

18Na Aisak i digim gen ol hul wara bilong wara, dispela ol i bin digim long ol de bilong papa bilong em Ebraham. Long wanem, ol Filistin i bin pasim ol bihain long dai bilong Ebraham. Na em i kolim ol nem bilong ol i bihainim ol dispela nem long papa bilong em i bin kolim ol.Select Genesis 26:18

19Na ol wokboi bilong Aisak i digim long ples daun, na painim pinis long dispela hap wanpela hul wara bilong wara i sut i kam ausait.Select Genesis 26:19

20Na ol man bilong lukautim ol lain bulmakau samting bilong Gerar i bin pait wantaim ol man bilong lukautim ol lain bulmakau samting bilong Aisak, i spik, Dispela wara em bilong mipela. Na em i kolim nem bilong dispela hul wara Esek, bilong wanem, ol i pait wantaim em.Select Genesis 26:20

21Na ol i digim narapela hul wara, na pait long dispela tu. Na em i kolim nem bilong en Sitna.Select Genesis 26:21

22Na em i lusim dispela hap, na digim narapela hul wara. Na long dispela ol i no pait. Na em i kolim nem bilong en Rehobot. Na em i tok, Long wanem, nau BIKPELA i bin wokim spes bilong yumi, na bai yumi bai karim kaikai long dispela hap graun.Select Genesis 26:22

23Na em i lusim dispela hap i go antap bilong go long Biar-sibaSelect Genesis 26:23

24Na BIKPELA i kamap ples klia long em long dispela nait stret, na tok, Mi God bilong Ebraham, papa bilong yu. No ken pret, long wanem, Mi stap wantaim yu, na Mi bai blesim yu, na mekim tumbuna pikinini bilong yu kamap planti moa bilong tingim wokboi bilong Mi Ebraham.Select Genesis 26:24

25Na em i wokim wanpela alta long dispela hap, na singaut long nem bilong BIKPELA, na sanapim haus sel bilong em long dispela hap. Na long dispela hap ol wokboi bilong Aisak i digim wanpela hul wara.Select Genesis 26:25

26¶ Na Abimelek i lusim Gerar na go long em, na Ahusat, wanpela pren bilong em, na Faikol, nambawan kepten bilong ami bilong em.Select Genesis 26:26

27Na Aisak i tokim ol, Bilong wanem yupela i kam long mi, taim yumi luksave long yupela i no laikim mi tru, na yupela i bin salim mi i go long lusim yupela?Select Genesis 26:27

28Na ol i tok, Mipela i luksave tru long BIKPELA i stap wantaim yu. Na mipela i tok, Larim i stap nau wanpela strongpela promis namel long yumi, yes, namel long mipela na yu, na larim mipela i wokim wanpela kontrak wantaim yu,Select Genesis 26:28

29Inap long yu no bagarapim mipela, olsem mipela i no bin tasim yu, na olsem mipela i bin no bin mekim wanpela samting long yu, gut tasol, na mipela i bin salim yu i go wantaim bel isi. Yu stap nau man BIKPELA i blesim.Select Genesis 26:29

30Na em i wokim wanpela bikpela kaikai bilong ol, na ol i bin kaikai na dring.Select Genesis 26:30

31Na ol i kirap hariap long moning, na wokim strongpela promis wanpela i go long narapela. Na Aisak i salim ol i go, na ol i lusim em wantaim bel isi.Select Genesis 26:31

32Na em i kamap olsem long dispela de yet, long ol wokboi bilong Aisak i kam, na tokim em long sait bilong dispela hul wara ol i bin digim, na tokim em, Mipela i painim pinis wara.Select Genesis 26:32

33Na Aisak i kolim dispela Siba. Olsem na nem bilong dispela biktaun em Biar-siba inap long tude.Select Genesis 26:33

34¶ Na Iso i gat 40-pela krismas taim em i kisim Judit, pikinini meri bilong man Hit Beri, na Basemat pikinini meri bilong man Hit Elon, bilong kamap meri bilong em.Select Genesis 26:34

35Husat i wanpela samting bilong givim hevi long tingting long Aisak na long Rebeka.Select Genesis 26:35