37Genesis 37

1¶ Na Jekop i sindaun long dispela hap graun, papa bilong en i bin stap man bilong longwe ples long en. Em i sindaun long hap graun bilong Kenan.Select Genesis 37:1

2Ol dispela i ol lain pikinini bilong Jekop. Josep i gat 17 krismas, na em wantaim ol brata bilong en ol i givim kaikai long lain sipsip. Na dispela manki i stap wantaim ol pikinini man bilong Bilha na ol pikinini man bilong Silpa, ol meri bilong papa bilong en. Na Josep i bringim tok nogut long ol i kam long papa bilong en.Select Genesis 37:2

3Nau Israel i laikim tru Josep moa long em i laikim olgeta pikinini bilong em, bilong wanem, em i pikinini man i kamap taim em i lapun. Na em i wokim bilong em wanpela longpela saket i gat planti kala.Select Genesis 37:3

4Na taim ol brata bilong em i lukim papa bilong ol i laikim tru em moa long em i laikim olgeta brata bilong em, orait ol i no laikim tru em. Na ol i no inap tok isi long em.Select Genesis 37:4

5¶ Na Josep i driman wanpela driman. Na em i tokim ol brata bilong en. Na ol i no laikim tru em moa yet.Select Genesis 37:5

6Na em i tokim ol, Mi askim plis long yupela long yupela i mas harim dispela driman mi bin driman.Select Genesis 37:6

7Long wanem, lukim, yumi pasim ol mekpas wit long gaden. Na, harim, mekpas bilong mi i kirap na i sanap stret tu. Na, lukim, ol mekpas bilong yupela i sanap nabaut, na ol i lindaun long mekpas bilong mi.Select Genesis 37:7

8Na ol brata bilong en i tokim em, Ating tru bai yu stap olsem king bilong mipela, a? o ating tru bai yu bosim mipela, a? Na ol i no laikim tru em moa yet long ol driman bilong em na long ol tok bilong em.Select Genesis 37:8

9Na em i driman narapela driman tu. Na em i tokim ol brata bilong en long dispela. Na em i tok, Lukim, mi driman wanpela driman moa. Na, lukim, san na mun na 11-pela sta i lindaun long mi.Select Genesis 37:9

10Na em i tokaut long dispela long papa bilong en na ol brata bilong en. Na papa bilong en i hatim em, na tokim em, Dispela em i wanem kain driman yu bin driman? Ating tru mi na mama bilong yu na ol brata bilong yu mipela olgeta bai kam na lindaun i go long graun long yu, a?Select Genesis 37:10

11Na ol brata bilong en i mangal long em. Tasol papa bilong en i tingting long dispela toktok.Select Genesis 37:11

12¶ Na ol brata bilong en i go bilong givim kaikai long lain sipsip bilong papa long Sekem.Select Genesis 37:12

13Na Isrel i tokim Josep, Ating ol brata bilong yu i givim kaikai long lain sipsip long Sekem, a? Yu kam, na bai mi salim yu i go long ol. Na Josep i tokim em, Mi stap hia.Select Genesis 37:13

14Na em i tokim em, Mi askim plis long yu long yu go na lukim ol brata bilong yu i stap gut na ol sipsip i stap gut o nogat. Na yu bringim tok i kam gen long mi. Olsem na em i salim em i lusim ples daun bilong Hibron na i go. Na em i kam long Sekem.Select Genesis 37:14

15Na wanpela man i lukim em. Na, lukim, em i raun nating long ples kunai. Na dispela man i askim em, i spik, Yu wok long painim wanem samting?Select Genesis 37:15

16Na em i tok, Mi wok long painim ol brata bilong mi. Mi askim plis long yu long yu tokim mi long ol i givim kaikai long ol lain sipsip bilong ol long wanem hap?Select Genesis 37:16

17Na dispela man i tok, Ol i lusim hia. Long wanem, mi bin harim ol i tok, Yumi go long Dotan. Na Josep i go bihainim ol brata bilong en, na em i lukim ol long Dotan.Select Genesis 37:17

18Na ol i lukim em i stap longwe. Yes, pastaim long em i kam klostu long ol, ol i pasim tok hait i birua long em long kilim em i dai.Select Genesis 37:18

19Na ol i tok olsem namel long ol yet, Lukim, dispela man bilong driman i kam.Select Genesis 37:19

20Olsem na kam nau, yumi kilim i dai em na tromoim em long wanpela hul. Na bai yumi tok olsem, Wanpela animal nogut i bin kaikai em. Na bai yumi lukim wanem samting bai i kamap long ol driman bilong em.Select Genesis 37:20

21Na Ruben i harim dispela, na em i tekewe em long han bilong ol. Na em i tok, Yumi no ken kilim em i dai.Select Genesis 37:21

22Na Ruben i tok long ol, Yupela i no ken kapsaitim blut, nogat. Yupela tromoim em i go long dispela hul, em i stap long ples i no gat man. Na yupela i no ken putim han long em. Em i tok olsem bai em i ken tekewe Josep long han bilong ol bilong givim em long papa bilong en gen.Select Genesis 37:22

23¶ Na em i kamap olsem, taim Josep i kamap long ol brata bilong en, ol i rausim saket bilong Josep, em dispela saket i gat planti kala na i stap long em.Select Genesis 37:23

24Na ol i kisim em na tromoim em long wanpela hul. Na dispela hul i stap nating. Em i no gat wara long en.Select Genesis 37:24

25Na ol i sindaun bilong kaikai bret. Na ol i litimapim ai bilong ol na lukluk. Na, lukim, wanpela lain bilong ol lain Ismael i lusim Gileat na kam wantaim ol kemel bilong ol. Na ol i karim samting i gat switpela smel, na marasin bilong sua, na sanda mur. Ol i karim dispela i go daun long Isip.Select Genesis 37:25

26Na Juda i tokim ol brata bilong em, Sapos yumi kilim i dai brata bilong yumi, na haitim blut bilong em, dispela bai helpim yumi olsem wanem?Select Genesis 37:26

27Kaman, na yumi salim em long ol lain Ismel, na no ken larim han bilong yumi stap antap long em. Long wanem, em i brata bilong yumi na wanblut bilong yumi. Na ol brata bilong en i tok em inap.Select Genesis 37:27

28Nau i gat i kam klostu ol bisnisman bilong ol lain Midian. Na ol i pulim Josep i kam antap ausait long hul, na salim Josep long ol lain Ismel long 20-pela hap bilong silva. Na ol i bringim Josep i go long Isip.Select Genesis 37:28

29Na Ruben i go bek long dispela hul. Na, lukim, Josep i no stap long hul. Na em i brukim klos bilong em.Select Genesis 37:29

30Na em i go bek long ol brata bilong en, na tok, Dispela pikinini i no stap. Na mi, bai mi go we?Select Genesis 37:30

31¶ Na ol i kisim longpela saket bilong Josep. Na ol i kilim i dai wanpela pikinini bilong ol meme. Na ol i putim longpela saket long dispela blut.Select Genesis 37:31

32Na ol i salim i go dispela longpela saket i gat planti kala. Na ol i bringim dispela i kam long papa bilong ol, na tok, Mipela i painim dispela pinis. Yu ken save nau, em longpela saket bilong pikinini man bilong yu, o nogat.Select Genesis 37:32

33Na em i save long en na tok, Em longpela saket bilong pikinini man bilong mi. Wanpela animal nogut i bin kaikai em. Tru tumas, em i brukim Josep long planti hap.Select Genesis 37:33

34Na Jekop i brukim klos bilong en, na em i pasim bek laplap long bel bilong en. Na em i krai sori planti de long pikinini man bilong en.Select Genesis 37:34

35Na olgeta pikinini man bilong en na olgeta pikinini meri bilong en, ol i kirap bilong givim bel isi long em. Tasol em i no laik kisim bel isi. Na em i tok, Long wanem, bai mi krai sori na go daun long pikinini man bilong mi insait long matmat. Olsem dispela, papa bilong en i krai long em.Select Genesis 37:35

36Na ol lain Midian i salim em i go long Isip i go long Potifar, wanpela ofisa bilong Fero, na kepten bilong ol soldia i lukautim Fero.Select Genesis 37:36