7Genesis 7

1¶ Na BIKPELA i tokim Noa, Yu kam, na olgeta hauslain bilong yu, insait long sip. Long wanem, Mi bin luksave olsem yu stap stretpela long ai bilong Mi insait long dispela lain tumbuna.Select Genesis 7:1

2Bilong olgeta wan wan animal i klin yu bai kisim i kam long yu sevenpela sevenpela, man wantaim meri bilong en. Na bilong ol animal husat i no klin yu bai kisim tupela, man na meri bilong en.Select Genesis 7:2

3Bilong ol pisin tu bilong skai yu bai kisim sevenpela sevenpela, man na meri, bilong holimpas pikinini kaikai i stap laip antap long pes bilong dispela graun olgeta.Select Genesis 7:3

4Long wanem, sevenpela de i stap yet, na Mi bai mekim ren long kam antap long dispela graun 40-pela de na 40-pela nait. Na olgeta wan wan samting i stap laip, dispela Mi bin wokim, bai Mi bagarapim olgeta i lusim pes bilong dispela graun.Select Genesis 7:4

5¶ Na Noa i mekim bilong bihainim olgeta dispela samting BIKPELA i tok strong long em.Select Genesis 7:5

6Na Noa i gat 600 krismas taim tait bilong ol wara i stap antap long dispela graun.Select Genesis 7:6

7Na Noa i go insait, na ol pikinini man bilong em, na meri bilong em, na ol meri bilong ol pikinini man bilong em, insait long sip, bilong wanem, tait bilong ol wara bai kam.Select Genesis 7:7

8Bilong ol animal i klin, na bilong ol animal i no klin, na bilong ol pisin, na bilong olgeta wan wan samting husat i wokabaut long bel long graun,Select Genesis 7:8

9Ol dispela i go insait tupela na tupela long Noa insait long sip i go, man na meri, olsem God i bin tok strong long Noa.Select Genesis 7:9

10Na em i kamap olsem bihain long sevenpela de, long tait bilong ol wara i stap antap long dispela graun.Select Genesis 7:10

11¶ Long namba 600 yia bilong laip bilong Noa, long namba tu mun, long namba 17 de bilong mun, long dispela de stret God i brukim olgeta as bilong ai bilong wara i sut i stap daunbilo tru, na Em i opim ol windo bilong heven.Select Genesis 7:11

12Na ren i stap antap long graun 40-pela de na 40-pela nait.Select Genesis 7:12

13¶ Long dispela de stret Noa, na Siem, na Ham, na Jafet, ol pikinini man bilong Noa, na meri bilong Noa, na tripela meri bilong ol pikinini man bilong Noa wantaim ol, i go insait long sip,Select Genesis 7:13

14Ol, na olgeta wan wan animal i bihainim kain bilong em, na olgeta bulmakau samting i bihainim kain bilong ol, na olgeta wan wan samting i wokabaut long bel long antap long dispela graun i bihainim kain bilong em, na olgeta wan wan pisin i bihainim kain bilong em, olgeta wan wan pisin bilong olgeta wan wan kain.Select Genesis 7:14

15Na ol i go insait i go long Noa insait long sip, tupela na tupela bilong olgeta samting i gat bodi,we win bilong laip i stap insait long ol.Select Genesis 7:15

16Na ol husat i go insait, i go insait man na meri bilong olgeta samting i gat bodi, olsem God i tok strong long em. Na BIKPELA i pasim em insait.Select Genesis 7:16

17¶ Na tait i stap 40-pela de antap long dispela graun. Na ol wara i kamap bikpela moa, na karim sip i go antap, na ol wara i litimapim sip i lusim graun i go antap.Select Genesis 7:17

18Na ol wara i win, na i kamap bikpela moa tru antap long dispela graun. Na sip i raun antap long pes bilong ol wara.Select Genesis 7:18

19Na ol wara i win planti moa yet antap long dispela graun. Na wara i karamapim olgeta liklik maunten i antap, husat i stap aninit long olgeta hap bilong heven.Select Genesis 7:19

20Ol wara i bin winim ol inap long 15-pela kyubit antap. Na wara i karamapim ol maunten.Select Genesis 7:20

21¶ Na olgeta samting i gat bodi i muv antap long dispela graun i dai, bilong ol pisin, na bilong ol bulmakau samting, na bilong ol animal, na bilong olgeta wan wan samting i wokabaut long bel antap long dispela graun, na olgeta wan wan man wantaim.Select Genesis 7:21

22Olgeta insait long nus bilong husat i gat win bilong laip, bilong olgeta samting i stap long graun i drai, i dai.Select Genesis 7:22

23Na olgeta wan wan samting i stap laip God i bagarapim olgeta, dispela i stap antap long pes bilong dispela graun, man, na ol bulmakau samting, na ol samting i wokabaut long bel, na ol pisin bilong heven wantaim. Na God i bagarapim ol olgeta long dispela graun. Na Noa tasol i stap laip, na ol husat i stap wantaim em insait long sip.Select Genesis 7:23

24Na ol wara i win antap long dispela graun 150 de.Select Genesis 7:24