12Hebrews 12

1¶ Olsem na taim yumi luksave tu long God i raunim yumi nabaut wantaim wanpela bikpela kain klaut olsem bilong ol witnes, larim yumi rausim i go long sait olgeta wan wan samting i hevi, na dispela sin i isi tru long raunim yumi olsem, na larim yumi ranim dispela resis God i putim long ai bilong yumi wantaim pasin bilong sanap strong long traim,Select Hebrews 12:1

2Taim yumi lukluk i go long Jisas, man bilong kamapim na pinisim bilong bilip tru bilong yumi. Husat, bilong tingim dispela amamas tru God i putim long ai bilong em, i stap strong yet long hevi bilong diwai kros, taim em i tingim dispela sem olsem em i samting nating, na God i sindaunim em long han sut bilong sia king bilong God.Select Hebrews 12:2

3Long wanem, tingim na skelim em husat i bin stap strong yet long kain tok i birua long tok yet bilong ol sinman i birua long em yet, nogut yupela i pilim les tru na hap i dai insait long ol tingting bilong yupela.Select Hebrews 12:3

4¶ Yupela i no bin sanap na birua inap long blut, taim yupela i pait birua strong long sin.Select Hebrews 12:4

5Na yupela i bin lusim tingting long dispela toktok bilong strongim bel i toktok long yupela olsem ol pikinini, Pikinini man bilong mi, yu no ken tingim stikim bilong Bikpela em i samting nating, o hap i dai taim em i hatim yu.Select Hebrews 12:5

6Long wanem, husat Bikpela i laikim tru em i stikim, na wipim olgeta wan wan pikinini man husat em i kisim.Select Hebrews 12:6

7Sapos yupela i sanap strong yet long stikim bilong God, God i mekim wantaim yupela olsem wantaim ol pikinini man. Long wanem, em i wanem pikinini man husat papa i no stikim?Select Hebrews 12:7

8Tasol sapos yupela i no kisim stik bilong stretim, we olgeta i kisim hap long en, orait yupela i stap ol bastat, na i no ol pikinini man.Select Hebrews 12:8

9Na moa tu yumi bin gat ol papa bilong bodi bilong yumi husat i stretim yumi, na yumi givim ol biknem tru. Ating i yes long em i mobeta moa long yumi ken stap aninit long Papa bilong ol spirit, na stap laip?Select Hebrews 12:9

10Long wanem, tru tumas, ol i stikim yumi long sampela de tasol i bihainim laik bilong ol yet. Tasol em i mekim bilong helpim yumi, inap long yumi ken stap lain i kisim hap bilong pasin holi bilong em.Select Hebrews 12:10

11Nau i no gat stikim i stap nau i luk olsem i gat amamas tru, tasol em i hevi nogut tru. Tasol bihain long en em i karim ol kaikai bilong stretpela pasin i gat bel isi i go long ol husat ol i hatwokim long ol.Select Hebrews 12:11

12Olsem na litimapim ol dispela han i hangamap i go daun, na ol skru bilong lek i no gat strong.Select Hebrews 12:12

13Na mekim ol liklik rot stretpela long ol lek bilong yu, nogut dispela samting i lek nogut ol i tanim i lusim rot. Tasol em i mobeta long dispela i ken kamap orait gen.Select Hebrews 12:13

14Bihainim bel isi wantaim olgeta man, na pasin holi, dispela samting sapos man i no gat em bai i no inap lukim Bikpela.Select Hebrews 12:14

15Lukluk strong, nogut wanpela man i ken fel long marimari bilong God. Nogut wanpela rop daunbilo bilong bel i pait tru, taim em i sut i kam antap, i givim hevi long yupela, na long dispela planti i ken kamap doti pinis.Select Hebrews 12:15

16Nogut i gat wanpela pamuk man, o man i no holi, olsem Iso, husat bilong kisim wanpela hap kaikai em i salim rait bilong em bilong namba wan pikinini.Select Hebrews 12:16

17Long wanem, yupela i save olsem wanem long bihain long en, taim em i gat laik long kisim blesing papa i givim pikinini, God i tok nogat olgeta long em. Long wanem, em i no painim pinis ples bilong tanim bel, maski em i painim dispela strong wantaim ol aiwara.Select Hebrews 12:17

18¶ Long wanem, yupela i no kam long dispela maunten man i ken tasim, na dispela i kuk wantaim paia, o i go long blakpela, na tudak, na bikwin nogut,Select Hebrews 12:18

19Na nois bilong biugel, na nek bilong ol toktok. Dispela nek ol husat i harim pinis i mekim strongpela askim long em i no ken tokim ol long dispela toktok moa liklik.Select Hebrews 12:19

20(Long wanem, ol i no inap long stap strong yet long dispela samting em i tok strong, Na sapos wanpela animal tasol i tasim maunten, ol bai tromoi ston long kilim em, o sutim em i go namel olgeta wantaim liklik spia.Select Hebrews 12:20

21Na dispela samting ol i lukim em i samting bilong pretim ol nogut tru olsem, inap long Moses i tok, Mi pret na guria planti moa yet.)Select Hebrews 12:21

22Tasol yupela i kam long maunten Saion, na long biktaun bilong God i stap laip, Jerusalem bilong heven, na long wanpela lain bung bilong ol ensel man i no inap long kaunim,Select Hebrews 12:22

23Long bikpela bung bilong olgeta na sios bilong namba wan pikinini, dispela ol i raitim long heven, na long God, Jas bilong olgeta, na long ol spirit bilong ol stretpela man i kamap inap tru,Select Hebrews 12:23

24Na long Jisas dispela namelman bilong nupela kontrak, na long blut bilong tromoi isi isi, dispela i toktok long ol samting i gutpela moa long dispela bilong Ebel.Select Hebrews 12:24

25Lukluk gut long yupela i no tok nogat long em husat i toktok. Long wanem, sapos ol i no abrusim bagarap husat i tok nogat long em husat i bin toktok long dispela graun, planti moa yet bai yumi i no inap abrusim bagarap, sapos yumi tanim na lusim em husat i toktok long heven,Select Hebrews 12:25

26Husat nek bilong em long dispela taim i bin seksekim dispela graun. Tasol nau em i bin promis, i spik, Yet wanpela taim moa mi no inap seksekim dispela graun tasol, tasol heven tu.Select Hebrews 12:26

27Na dispela tok, Yet wanpela taim moa, i mekim klia long em i rausim ol dispela samting em i seksekim, olsem ol i bilong ol dispela samting em i wokim, inap long ol dispela samting, dispela ol i no inap seksekim, i ken stap yet.Select Hebrews 12:27

28Olsem na bikos yumi kisim wanpela kingdom, dispela ol i no inap muvim, larim yumi i ken gat marimari, we long dispela rot yumi ken wokim wok bilong God long pasin em i orait long en wantaim pasin bilong givim biknem tru na pret i go long God.Select Hebrews 12:28

29Long wanem, God bilong yumi em i wanpela paia i kaikai samting olgeta.Select Hebrews 12:29