5Hebrews 5

1¶ Long wanem, olgeta wan wan hetpris ol i kisim namel long ol man ol i makim bilong helpim ol man long ol samting long sait bilong God, inap long em i ken ofaim ol presen na ol sakrifais bilong sin wantaim,Select Hebrews 5:1

2Husat i ken gat pasin sori long ol man i no gat save, na long ol husat i stap ausait long rot. Long wanem, long em em yet tu i pas raun nabaut wantaim ol sik.Select Hebrews 5:2

3Na long dispela as bilong en em i mas, olsem long sait bilong ol manmeri, olsem tu long sait bilong em yet, long mekim ofa bilong ol sin.Select Hebrews 5:3

4Na i no gat man i kisim dispela ona i kam long em yet, tasol em husat God i singautim, olsem em i singautim Eron.Select Hebrews 5:4

5Olsem tu Kraist i no givim glori long em yet long kamap wanpela hetpris. Tasol em husat i tokim em, Yu stap Pikinini Man bilong mi, tude mi bin kamapim yu.Select Hebrews 5:5

6Olsem em i tok tu long narapela ples, Yu stap wanpela pris oltaim oltaim i bihainim lain bilong Melkisedek.Select Hebrews 5:6

7Husat long ol de bilong bodi bilong em, taim em i bin ofaim ol beten i go antap na ol autim askim wantaim strongpela pasin bilong krai na ol aiwara long em husat em inap long kisim bek em long dai, na em i harim em bikos em i pret.Select Hebrews 5:7

8Maski em i wanpela Pikinini Man, yet em i lainim pasin bilong bihainim tok long ol dispela samting em i karim pen long en.Select Hebrews 5:8

9Na taim em i kamap inap tru, em i kamap man i kamapim pasin bilong kisim bek bilong oltaim oltaim i go long olgeta husat i bihainim tok bilong em.Select Hebrews 5:9

10¶ God i singautim em long stap wanpela hetpris i bihainim lain bilong Melkisedek.Select Hebrews 5:10

11Long husat mipela i gat planti samting long toktok, na ol i hatpela long toktok, taim yumi luksave olsem yupela i no sap long harim.Select Hebrews 5:11

12Long wanem, nau long taim yupela i sapos long stap ol tisa, yupela i gat nid long wanpela i skulim yupela gen, dispela em ol namba wan as bilong tok bilong ol tok i kam long maus bilong God. Na yupela i kamap kain lain i gat nid long susu, na i no long strongpela abus.Select Hebrews 5:12

13Long wanem, olgeta wan wan husat i yusim susu em i no save gut long tok bilong stretpela pasin. Long wanem, em i wanpela bebi.Select Hebrews 5:13

14Tasol strongpela abus i bilong ol husat ol krismas bilong ol i pulap, yes, ol dispela husat bikos ol i yusim tok bilong God, ol i bin hatwokim ol hap samting bilong bodi bilong painimaut bilong ol, long kamap klia tru long samting i gutpela na i nogut wantaim.Select Hebrews 5:14