25Isaiah 25

1¶ O BIKPELA, yu stap God bilong mi, bai mi litimapim Yu, na bai mi litimapim nem bilong Yu. Long wanem Yu bin mekim ol samting i winim tingting. Ol tok helpim bilong yu bilong bipo tru em i samting mi inap bilip long em na tok tru.Select Isaiah 25:1

2Long wanem Yu bin mekim wanpela biktaun i kamap wanpela hipim. Yu bin mekim wanpela biktaun i gat bikpela banis em i kamap bagarap. Yu bin mekim wanpela bikpela na naispela haus bilong ol ausait man i no inap kamap biktaun, bai ol i no wokim dispela.Select Isaiah 25:2

3Olsem na dispela strongpela lain bai givim glori long Yu. Dispela biktaun bilong ol kantri i pretim planti manmeri em bai pret long Yu.Select Isaiah 25:3

4Long wanem Yu bin stap wanpela i givim strong long ol rabisman, na wanpela i givim strong long man o meri i sot long ol samting taim em i gat hevi long dispela. Na Yu bin stap wanpela ples hait long taim bilong bikwin, na wanpela tewel bilong san long taim san i hat tumas, taim pairap bilong ol man i pretim ol arapela i stap olsem bikwin i paitim wanpela banis.Select Isaiah 25:4

5Bai Yu bringim i go daun nois bilong ol ausait man olsem hat long ples i drai, yes hat bai go daun taim tewel bilong klaut i stap. Bai Yu bringim i kam daun dispela hap bilong lain i pretim ol arapela.Select Isaiah 25:5

6Na long dispela maunten BIKPELA bilong bikpela ami bai wokim wanpela bikpela kaikai i go long olgeta manmeri. Em i gat ol patpela samting na i bikpela kaikai i gat ol pikinini bilong diwai wain BIKPELA i bin lukautim. Em i gat ol samting i patpela na i pulap long kru bilong bun, na i gat ol pikinini bilong diwai wain BIKPELA i bin lukautim na i klia olgeta.Select Isaiah 25:6

7Na long dispela maunten Em bai bagarapim pes bilong dispela samting bilong karamapim wanpela i bin tromoi antap long olgeta manmeri, na dispela laplap bilong karamapim pes i stap antap long olgeta kantri.Select Isaiah 25:7

8Long pasin bilong winim pait Em bai daunim i dai pinis. Na GOD Bikpela bai rausim ol aiwara long olgeta pes. Na Em bai tekewe dispela pasin bilong hatim i bilong ol manmeri bilong Em, long olgeta hap bilong dispela graun. Long wanem BIKPELA i bin tok olsem.Select Isaiah 25:8

9¶ Na ol bai mekim dispela toktok long dispela de, Harim, dispela em i God bilong mipela. Mipela i bin wetim Em, na Em bai kisim bek mipela. Dispela em i BIKPELA na mipela i bin wetim Em. Mipela bai belgut na wokim amamas tru long kisim bek bilong Em.Select Isaiah 25:9

10Long wanem han bilong BIKPELA bai stap long dispela maunten. Na Moap bai go daun aninit long lek bilong Em. Yes em i olsem taim wanpela i mekim ol stik bilong wit i go daun aninit long lek bilong em bilong wokim hap bilong tromoi pekpek.Select Isaiah 25:10

11Na Em bai taitim tupela han bilong Em i go namel long ol olsem man i laik swim i mekim tupela han bilong em i go long swim. Na Em bai bringim i kam daun bikhet pasin bilong ol wantaim ol kago bilong pait ol i bin kisim long ol han bilong ol.Select Isaiah 25:11

12Na Em bai bringim i kam daun dispela haus bilong lukautim ol soldia i stap antap tru long ol bikpela banis bilong taun bilong yu. Em bai daunim dispela i go long graun, Yes inap long bungim das.Select Isaiah 25:12