62Isaiah 62

1¶ Bilong helpim Saion bai Mi no pasim maus bilong Mi, na bilong helpim Jerusalem bai Mi no malolo, inap long stretpela pasin bilong em i go olsem bikpela lait, na kisim bek bilong em i go olsem wanpela lam i lait.Select Isaiah 62:1

2Na ol lain i no Ju bai lukim stretpela pasin bilong yu, na olgeta king bai lukim glori bilong yu. Na ol bai kolim yu long wanpela nupela nem, em nem maus bilong BIKPELA bai makim.Select Isaiah 62:2

3Na tu yu bai stap wanpela hat king bilong glori long han bilong BIKPELA, na wanpela bilas i stap long het bilong king long han bilong God bilong yu.Select Isaiah 62:3

4Bai ol i no kolim yu moa, Lain Em i bin Givim Baksait Long ol, na tu bai ol i no kolim graun bilong yu, Graun i Bagarap Olgeta. Tasol ol bai kolim yu, Amamas bilong Em i stap long Yu, na graun bilong yu, Marit. Long wanem BIKPELA i amamas long yu, na graun bilong yu bai stap marit.Select Isaiah 62:4

5Long wanem olsem wanpela yangpela man i maritim wanpela meri i no bin slip wantaim man, olsem tasol ol pikinini man bilong yu bai maritim yu. Na olsem man i marit nupela i amamas tru long meri em i bin maritim, olsem tasol God bilong yu bai amamas tru long yu.Select Isaiah 62:5

6¶ O Jerusalem, Mi bin putim ol wasman antap long ol banis bilong yu, na bai ol i no pasim maus bilong ol long de o long nait. Yupela lain i tokaut long BIKPELA, yupela i no ken pasim maus,Select Isaiah 62:6

7Na no ken givim Em malolo inap long Em i kirapim na strongim, na inap long Em i mekim Jerusalem i stap wanpela as bilong litimapim nem long dispela graun.Select Isaiah 62:7

8BIKPELA i bin tok tru antap long han sut bilong Em, na long han bilong strong bilong Em olsem, Tru tumas bai Mi no givim moa ol wit samting bilong yu long i stap kaikai bilong ol birua bilong yu, na bai ol pikinini man bilong ausait man i no dringim wain bilong yu, yu bin hatwok long kirapim dispela.Select Isaiah 62:8

9Tasol ol husat i bin bungim dispela bai kaikai dispela na litimapim nem bilong BIKPELA, na ol husat i bin bungim dispela wantaim bai dringim dispela long ol ples op insait bilong banis bilong pasin i holi bilong Mi.Select Isaiah 62:9

10¶ Go ausait, go ausait long ol dua bilong banis, yupela i mas redim rot bilong dispela manmeri. Tromoi i go antap, tromoi i go antap bilong wokim bikpela rot, na bungim na rausim ol ston. Litimapim wanpela samting i tok save long ol manmeri.Select Isaiah 62:10

11Harim, inap long pinis bilong dispela graun, BIKPELA i bin autim toksave olsem, Yupela i mas toktok long pikinini meri bilong Saion olsem, Lukim, kisim bek bilong yu Em i kam, lukim, pe bilong em i stap wantaim Em, na wok bilong Em i stap long pes bilong Em.Select Isaiah 62:11

12Na ol bai kolim ol, Dispela manmeri i holi, na lain BIKPELA i bin baim bek. Na ol bai kolim yu, Em i bin wok long painim, na Wanpela biktaun Em i no bin givim baksait long em.Select Isaiah 62:12