48Jeremiah 48

1¶ I birua long Moap, BIKPELA bilong ol ami, God bilong Isrel, i tok olsem, Tok lukaut i go long Nibo! Long wanem, ol i kisim kago bilong pait bilong em pinis. Kiriataim i paul tru na ol i kisim em. Misgap em i paul tru na i wari planti.Select Jeremiah 48:1

2Bai i no gat biknem moa long Moap. Long Hesbon ol i bin kamapim plen nogut i birua long en. Kam, na larim yumi rausim em long stap wanpela kantri. Na tu yu bai stap bagarap olgeta, O Matmen. Bainat bai ran bihainim yu.Select Jeremiah 48:2

3Wanpela nek bilong krai bai kam long Horonaim, pasin bilong kisim kago bilong pait na bikpela bagarap olgeta.Select Jeremiah 48:3

4Moap i bagarap olgeta. Ol liklik pikinini bilong em i bin mekim ol man long harim wanpela krai.Select Jeremiah 48:4

5Long wanem, taim ol i go antap long Luhit ol krai tru bilong olgeta taim bai go antap. Long wanem, taim ol i go daun long Horonaim ol birua i bin harim wanpela krai bilong bagarap olgeta.Select Jeremiah 48:5

6Ranawe, kisim bek ol laip bilong yupela, na stap olsem ol hit long ples i no gat man.Select Jeremiah 48:6

7Long wanem, bikos yu bin putim bilip long ol wok bilong yu na long ol samting i dia tru bilong yu, ol bai kisim yu tu. Na Kemos bai go ausait i go long kalabus wantaim ol pris bilong em na ol hetman bilong em wantaim.Select Jeremiah 48:7

8Na man bilong kisim kago bilong pait bai kam antap long olgeta wan wan biktaun, na i no gat biktaun bai abrusim bagarap. Ples daun tu bai lus olgeta, na ples stret bai bagarap olgeta, olsem BIKPELA i bin toktok.Select Jeremiah 48:8

9Givim ol wing long Moap, inap long em i ken ranawe na stap klia long ol. Long wanem, ol biktaun bilong em bai stap nating, na i no gat wanpela bilong stap insait long en.Select Jeremiah 48:9

10Tok nogut i stap long em husat i wokim wok bilong BIKPELA wantaim pasin giaman, na tok nogut i stap long em husat i holim bek bainat bilong em long blut.Select Jeremiah 48:10

11Moap i bin stap isi taim em i stap yangpela i kam inap long nau, na em i bin sanap long ol pipia bilong wain bilong em, na em i no bin kamap emti long sospen samting i go long sospen samting, na tu em i no bin go long kalabus. Olsem na test bilong em i stap yet insait long em, na smel bilong em i no senis.Select Jeremiah 48:11

12Olsem na, lukim, ol de i kam, BIKPELA i tok, long Mi bai salim long em ol man bilong raun nating, husat bai mekim em long raun nating, na ol bai mekim emti ol sospen samting bilong em, na brukim ol botol bilong ol.Select Jeremiah 48:12

13Na Moap bai sem long Kemos, olsem hauslain bilong Isrel i sem long Betel, strongpela bilip bilong ol.Select Jeremiah 48:13

14¶ Yupela tok olsem wanem, Mipela stap strong tru na ol strongpela man bilong bikpela pait?Select Jeremiah 48:14

15Ol i kisim kago bilong pait bilong Moap pinis, na ol i go antap ausait long ol biktaun bilong em pinis, na ol gutpela yangpela man bilong en em i makim i go daun pinis long bikpela kilim i dai, King i tok, husat nem bilong En em i BIKPELA bilong ol ami.Select Jeremiah 48:15

16Bikpela hevi bilong Moap i kam klostu, na hevi bilong em i wok long kam hariap.Select Jeremiah 48:16

17Olgeta yupela husat i stap raun nabaut long em, krai sori long em. Na olgeta yupela husat i save long nem bilong em, tok, Strongpela stik bilong pait i bruk olsem wanem, na dispela stik i naispela tru!Select Jeremiah 48:17

18Yu pikinini meri husat i stap long Dibon, kam daun long glori bilong yu, na sindaun wantaim nekdrai. Long wanem, man bilong kisim kago bilong pait bilong Moap bai kam antap long yu, na em bai bagarapim olgeta ol strongpela ples hait bilong yu.Select Jeremiah 48:18

19O man i stap long Aroa, sanap klostu long rot, na lukstil. Askim man husat i ranawe, na meri husat i ranawe, na tok, Wanem samting i kamap?Select Jeremiah 48:19

20Moap i paul tru. Long wanem, em i bruk daun pinis. Singaut sori na krai. Yupela tokaut long en long Arnon, long ol i kisim kago bilong pait bilong Moap pinis,Select Jeremiah 48:20

21Na kot i kam pinis antap long hap bilong ples stret, antap long Holon, na antap long Jahasa, na antap long Mefeat,Select Jeremiah 48:21

22Na antap long Dibon, na antap long Nibo, na antap long Bet-diplataim,Select Jeremiah 48:22

23Na antap long Kiriataim, na antap long Bet-gamul, na antap long Bet-meon,Select Jeremiah 48:23

24Na antap long Keriot, na antap long Bosra, na antap long olgeta biktaun bilong hap bilong Moap, longwe o klostu.Select Jeremiah 48:24

25Kom bilong Moap ol i rausim olgeta, na han bilong em i bruk, BIKPELA i tok.Select Jeremiah 48:25

26Yupela mekim em spak. Long wanem, em i litimapim em yet i birua long BIKPELA. Moap tu bai tantanim insait long traut bilong em yet, na em tu bai stap man ol i lap nogut long en.Select Jeremiah 48:26

27Long wanem, ating i yes long Isrel i wanpela samting bilong lap nogut long en long yu? Ating ol i lukim em namel long ol stilman? Long wanem, i stat long taim yu toktok long em inap long nau, yu kalap kalap wantaim amamas tru.Select Jeremiah 48:27

28O yupela husat i stap long Moap, lusim ol biktaun, na stap insait long ston, na stap olsem dispela balus i wokim haus pisin bilong en long ol sait bilong maus bilong hul.Select Jeremiah 48:28

29Mipela i bin harim hambak bilong Moap, (em i hambak planti moa yet) na bel bilong em i antap, na pasin bilong em bilong tingim em i winim ol arapela, na hambak bilong en, na pasin bilong tingim em i nambawan long bel bilong em.Select Jeremiah 48:29

30Mi save long belhat tru bilong em, BIKPELA i tok, tasol dispela bai i no inap stap olsem. Ol giaman bilong em bai i no inap mekim dispela i kamap olsem.Select Jeremiah 48:30

31Olsem na Mi bai singaut sori long Moap, na Mi bai singaut long olgeta Moap. Bel bilong Mi bai soim sori long ol man bilong Kir-haraset.Select Jeremiah 48:31

32O rop wain bilong Sipma, Mi bai krai tru long yu wantaim krai tru bilong Jaser. Ol samting yu planim bilong yu i go pinis hapsait long biksi, yes, ol i go inap long biksi bilong Jaser. Man bilong kisim kago bilong pait i pundaun long ol kaikai bilong taim bilong biksan bilong yu na antap long nambawan hap bilong kaikai bilong yu.Select Jeremiah 48:32

33Na amamas tru na amamas ol i kisim i lusim bikpela gaden bilong karim planti kaikai, na long hap bilong Moap. Na Mi bin mekim wain bilong yu long fel long ol masin bilong krungutim wain. I no gat wanpela bai krungutim wantaim bikpela singaut. Ol bikpela singaut bilong ol bai i stap samting i no gat bikpela singaut.Select Jeremiah 48:33

34I stat long singaut bilong Hesbon, yes, i go inap long Eleale, na yes,i go inap long Jahas, ol i bin mekim nek i krai, i stat long Soar, yes, i go inap long Horonaim, olsem wanpela bulmakau meri i gat tripela krismas. Long wanem, ol wara tu bilong Nimrim bai stap nating.Select Jeremiah 48:34

35Na moa tu Mi bai mekim long pinis long Moap, BIKPELA i tok, em husat i wokim ofa long ol ples antap, na em husat i kukim insens long ol god bilong em.Select Jeremiah 48:35

36Olsem na bel bilong Mi bai wokim nois long Moap olsem ol paip, na bel bilong Mi bai wokim nois olsem ol paip long ol man bilong Kir-heres. Bilong wanem, ol mani samting em i bin kisim i lus olgeta.Select Jeremiah 48:36

37Olgeta wan wan het bai stap kela, na olgeta wan wan maus gras bai ol i katim. Antap long olgeta han bai i gat ol hap ol i katim, na bek laplap antap long olgeta ol namel bilong bel.Select Jeremiah 48:37

38Bai i gat krai sori nabaut antap long olgeta antap bilong haus bilong Moap, na long olgeta rot bilong en. Long wanem, Mi bin brukim Moap olsem wanpela sospen samting we i no gat amamas insait long en, BIKPELA i tok.Select Jeremiah 48:38

39Ol bai singaut sori, i spik, Em i bruk olsem wanem! Moap i bin tanim baksait wantaim sem olsem wanem! Olsem tasol Moap bai stap wanpela samting bilong lap nogut long en na wanpela samting bilong wari long en long olgeta klostu long em.Select Jeremiah 48:39

40Long wanem, BIKPELA i tok olsem, Lukim, em bai flai olsem wanpela igal, na em bai opim tupela wing bilong em antap long Moap.Select Jeremiah 48:40

41Ol i kisim pinis Keriot, na ol strongpela ples hait i kirap nogut, na ol bel bilong ol strongpela man bilong pait long Moap, long dispela de, bai stap olsem ol bel bilong meri taim em i pilim ol bikpela pen bilong em bilong karim pikinini.Select Jeremiah 48:41

42Na Moap bai bagarap olgeta long stap wanpela lain manmeri moa, bilong wanem, em i bin litimapim em yet i birua long BIKPELA.Select Jeremiah 48:42

43Pret, na bikpela hul, na trap, bai stap antap long yu, O man i stap long Moap, BIKPELA i tok.Select Jeremiah 48:43

44Em husat i ranawe long pret bai pundaun long bikpela hul. Na em husat i kalap i kam ausait long bikpela hul bai ol i kisim em long trap Long wanem, Mi bai bringim antap long dispela, yes, antap long Moap, yia bilong kam lukim ol, BIKPELA i tok.Select Jeremiah 48:44

45Ol husat i ranawe i sanap aninit long tewel bilong Hesbon bilong tingim ol dispela soldia. Tasol wanpela paia bai kam ausait long Hesbon, na wanpela lait bilong paia long namel bilong Saihon, na tupela bai kaikai kona bilong Moap olgeta, na antap tru bilong ol het bilong ol man bilong kirapim bikpela paul nabaut.Select Jeremiah 48:45

46Tok lukaut i go long yu, O Moap! Ol lain bilong Kemos i lus olgeta. Long wanem, ol i kisim ol pikinini man bilong yu i go kalabus, na ol pikinini meri bilong yu i go kalabus.Select Jeremiah 48:46

47Yet bai Mi bringim gen kalabus bilong Moap long ol de bihain, BIKPELA i tok. Inap long nau em ol kot bilong Moap.Select Jeremiah 48:47