5Jeremiah 5

1¶ Yupela ran i go i kam long ol rot bilong Jerusalem, na lukim nau, na save, na painim long ol ples i gat bikpela brait bilong en, sapos yupela i ken lukim wanpela man, sapos i gat wanpela husat i mekim kot, husat i painim tok tru, na Mi bai lusim pe bilong sin bilong en.Select Jeremiah 5:1

2Na maski ol i tok, BIKPELA i stap laip. Tru tumas, ol i wokim strongpela promis wantaim giaman.Select Jeremiah 5:2

3O BIKPELA, ating i yes long tupela ai bilong Yu i stap long tok tru? Yu bin paitim ol, tasol ol i no bin soim bel sori. Yu bin kaikai ol olgeta, tasol ol i bin tok nogat long kisim stretim bilong Yu. Ol i bin mekim ol pes bilong ol i strong moa long wanpela ston. Ol i bin tok nogat long kam bek.Select Jeremiah 5:3

4Olsem na Mi tok, Tru tumas, ol dispela em ol rabisman. Ol i kranki. Long wanem, ol i no save long rot bilong BIKPELA, o kot bilong God bilong ol.Select Jeremiah 5:4

5Mi bai kisim Mi i go long ol bikman, na Mi bai toktok long ol. Long wanem, ol i bin save long rot bilong BIKPELA, na kot bilong God bilong ol. Tasol ol dispela i bin brukim yok olgeta, na brukim ol hankap i pasim ol.Select Jeremiah 5:5

6Olsem na wanpela laion ausait long bikbus bai kilim ol i dai, na wanpela wolf bilong apinun tru bai kisim kago bilong pait bilong ol, wanpela lepat bai was long ol biktaun bilong ol. Olgeta wan wan husat i go ausait long dispela ples bai ol i brukim ol long planti hap hap. Bilong wanem, ol pasin bilong ol long kalapim lo i kamap planti, na ol pasin bilong go bek bilong ol i kamap planti moa.Select Jeremiah 5:6

7Mi bai lusim pe bilong sin bilong yu long dispela olsem wanem? Ol pikinini bilong yu i bin givim baksait long Mi, na wokim strongpela promis long nem bilong ol husat i no ol god. Taim Mi bin givim kaikai long ol i pulap, nau ol i bagarapim marit long pamuk pasin, na bungim ol yet long ol liklik ami long ol haus bilong ol pamuk meri.Select Jeremiah 5:7

8Ol i olsem ol hos i kaikai pinis long moning. Olgeta wan wan i krai i bihainim meri bilong man i stap klostu long en.Select Jeremiah 5:8

9Ating i yes long Mi bai kam lukim ol long ol dispela samting, BIKPELA i tok? Na ating i yes long tewel bilong Mi bai bekim pe nogut long wanpela kain kantri olsem dispela?Select Jeremiah 5:9

10¶ Yupela go antap long ol banis bilong en, na bagarapim olgeta. Tasol yupela i no ken mekim wanpela pinis olgeta. Tekewe ol ples pait antap long banis. Long wanem, ol i no bilong BIKPELA.Select Jeremiah 5:10

11Long wanem, hauslain bilong Isrel na hauslain bilong Juda i bin mekim trik pasin tru i birua long Mi, BIKPELA i tok.Select Jeremiah 5:11

12Ol i bin giamanim nem bilong BIKPELA, na tok, I no Em. Na tu ol samting nogut bai i no inap kam antap long mipela. Na tu mipela bai i no inap lukim bainat o bikpela taim hangre.Select Jeremiah 5:12

13Na ol profet bai kamap win, na tok bilong BIKPELA i no stap insait long ol. Olsem tasol bai Em i mekim dispela long ol.Select Jeremiah 5:13

14Olsem na God BIKPELA bilong ol ami i tok olsem, Bikos yupela toktok long dispela tok, lukim, Mi bai mekim ol toktok bilong Mi long maus bilong yupela olsem paia, na ol dispela manmeri olsem diwai, na em bai kaikai ol olgeta.Select Jeremiah 5:14

15Harim, Mi bai bringim wanpela kantri antap long yupela i kam long longwe ples, O hauslain bilong Isrel, BIKPELA i tok. Em i wanpela strongpela kantri, em i wanpela kantri bilong bipo tru, wanpela kantri husat tok ples bilong ol yu no save, na tu yu no kisim save long ol i tok wanem.Select Jeremiah 5:15

16Paus bilong spia bilong banara bilong ol i olsem wanpela matmat i op, ol olgeta i ol strongpela man.Select Jeremiah 5:16

17Na ol bai kaikai olgeta ol kaikai yu kamautim, na bret bilong yu, dispela i bilong ol pikinini man bilong yu na ol pikinini meri bilong yu bilong i ken kaikai. Ol bai kaikai olgeta ol lain sipsip bilong yu na ol lain bulmakau bilong yu. Ol bai kaikai olgeta ol rop wain bilong yu na ol diwai fik bilong yu. Ol bai mekim ol biktaun bilong yu i gat banis, we yu putim bilip long en, i kamap rabis tru wantaim bainat.Select Jeremiah 5:17

18Tasol long ol dispela de, BIKPELA i tok, Mi bai i no inap wokim wanpela pinis olgeta long yupela.Select Jeremiah 5:18

19Na em bai kamap olsem, taim yupela bai tok, Olsem wanem na BIKPELA, God bilong mipela, i mekim olgeta dispela samting long mipela? Nau yu bai bekim tok long ol, Olsem yupela i bin givim baksait long Mi, na stap aninit long ol narakain god long hap bilong yupela, olsem tasol yupela bai stap aninit long ol ausait man long wanpela hap i no bilong yupela.Select Jeremiah 5:19

20¶ Tokaut long dispela insait long hauslain bilong Jekop, na mekim dispela i kamap ples klia long Juda, i spik,Select Jeremiah 5:20

21Harim nau dispela, O lain manmeri i kranki, na i no gat gutpela save, husat i gat ol ai, na ol i no lukluk, husat ol i gat ol ia, na ol i no harim.Select Jeremiah 5:21

22Yupela i no pret long Mi, BIKPELA i tok? Ating i yes long yupela bai guria long pes bilong Mi, husat i bin putim wesan long stap mak bilong arere bilong biksi wantaim wanpela strongpela tokaut i no inap long pinis, inap long biksi i no inap kalapim dispela? Na maski ol sibruk bilong en i tromoi ol yet, yet ol i no inap long winim. Maski ol i krai bikpela, yet ol i no inap kalapim dispela.Select Jeremiah 5:22

23Tasol dispela manmeri i gat wanpela bel bilong sakim lo na wanpela bel i bikhet. Ol i sakim lo na go.Select Jeremiah 5:23

24Na tu ol i no toktok long bel bilong ol, Nau yumi mas pret long BIKPELA, God bilong yumi, husat i givim ren, bilong bipo na bilong bihain wantaim, long taim God i makim bilong en. Em i holim bek i go long yumi ol wik Em i makim bilong kamautim kaikai.Select Jeremiah 5:24

25¶ Ol sin nogut bilong yupela i bin tanim i go ol dispela samting, na ol sin bilong yupela i bin pasim ol gutpela samting long yupela.Select Jeremiah 5:25

26Long wanem, namel long ol manmeri bilong Mi, Mi lukim ol man nogut. Ol i wet hait, olsem em husat i putim ol trap. Ol i putim wanpela trap, ol i kisim ol man.Select Jeremiah 5:26

27Olsem wanpela bokis kalabus i pulap wantaim ol pisin, olsem tasol ol haus bilong ol i pulap long pasin giaman. Olsem na ol i kamap ol bikman, na wok long kamap maniman.Select Jeremiah 5:27

28Ol i wok long kamap patpela, ol i lait tru. Yes, ol i winim ol wok nogut bilong man nogut. Ol i no jasim ol wari, ol wari bilong pikinini i no gat papa, yet ol i gat gutpela sindaun. Na rait bilong ol man i gat nid ol i no jasim.Select Jeremiah 5:28

29Ating i yes long Mi bai kam lukim ol long ol dispela samting, BIKPELA i tok? Ating i yes long tewel bilong Mi bai bekim pe nogut long wanpela kain kantri olsem dispela?Select Jeremiah 5:29

30Long dispela hap ol i mekim wanpela samting bilong winim tingting na mekim ol man i pret nogut tru.Select Jeremiah 5:30

31Ol profet i autim ol giaman tok profet, na ol pris i bosim ol man long ol wok bilong ol yet. Na ol manmeri bilong Mi i laikim tru long dispela i stap olsem. Na yupela bai mekim wanem long pinis bilong en?Select Jeremiah 5:31