30Job 30

1¶ Tasol nau ol husat i yangpela moa long mi i bin tingim mi olsem samting bilong lap nogut long en, husat ol papa bilong ol mi bin tingim ol olsem ol i no inap long mi ken putim wantaim ol dok bilong lain sipsip bilong mi.Select Job 30:1

2Yes, olsem wanem na strong bilong ol han bilong ol i ken helpim mi, long husat pasin bilong stap lapun tru i dai olgeta?Select Job 30:2

3Bikos ol i sot tru na taim hangre i stap, ol i stap wanpis. Taim ol i ranawe i go long ples i no gat man long taim bipo ol i stap nating olgeta na pipia olgeta.Select Job 30:3

4Husat i katim ol malo klostu long ol liklik bus, na ol rop daunbilo bilong junipa long kaikai bilong ol.Select Job 30:4

5Ol i ranim ol i go ausait i lusim ol man, (ol i singaut i bihainim ol olsem ol i bihainim wanpela stilman,)Select Job 30:5

6Bilong mekim ol long stap long ol ples bruk bilong ol ples daunbilo, long ol hul bilong ston bilong dispela graun, na long ol ston.Select Job 30:6

7Namel long ol liklik bus ol i krai olsem donki. Aninit long ol salat ol i bin bung wantaim.Select Job 30:7

8Ol i ol pikinini bilong ol krankiman, yes, ol pikinini bilong ol man i samting nating. Ol i nogut tru moa long dispela graun.Select Job 30:8

9Na nau mi stap song bilong ol, yes, mi stap provep bilong ol.Select Job 30:9

10Ol i ting mi sting olgeta, ol i ranawe longwe long mi, na ol i no holim bek long spet long pes bilong mi.Select Job 30:10

11Bikos Em i bin lusim rop bilong mi, na givim hevi long mi, ol tu i bin lusim baklain bilong stiaim mi long ai bilong mi.Select Job 30:11

12Antap long han sut bilong mi ol yangpela i kirap. Ol i subim i go tupela lek bilong mi, na ol i kirapim bilong birua long mi ol rot bilong ol bilong bagarap olgeta.Select Job 30:12

13Ol i bagarapim liklik rot bilong mi, ol i putim bikpela hevi bilong mi i go long fran, ol i no gat man bilong helpim.Select Job 30:13

14Ol i kam antap long mi olsem ol wara i bruk i kam insait i gat bikpela brait. Long taim bilong stap nating olgeta ol i tantanim ol yet antap long mi.Select Job 30:14

15¶ Ol pret nogut tru i tanim i kam antap long mi. Ol i ran bihainim tewel bilong mi olsem win. Na gutpela sindaun bilong mi i pinis olgeta olsem wanpela klaut.Select Job 30:15

16Na nau tewel bilong mi i kapsait ausait antap long mi. Ol de bilong kisim hevi i bin holimpas mi.Select Job 30:16

17Ol bun bilong mi ol i sutim insait long mi long taim bilong nait. Na ol rop bilong bun bilong mi i no kisim malolo.Select Job 30:17

18Long bikpela strong bilong sik nogut bilong mi, klos bilong mi i senis. Dispela i pasim mi nabaut olsem kola bilong saket bilong mi.Select Job 30:18

19Em i bin tromoi mi i go long graun malumalu, na mi kamap olsem das na sit bilong paia.Select Job 30:19

20Mi krai long Yu, na Yu no harim mi. Mi sanap, na Yu no tingim mi gut.Select Job 30:20

21Yu kamap Man i amamas long givim pen long mi. Wantaim strongpela han bilong Yu Yu mekim Yu Yet long birua long mi.Select Job 30:21

22Yu litimapim mi i go long win. Yu mekim mi long flai antap long en, na Yu mekim kago bilong mi long pinis olgeta.Select Job 30:22

23Long wanem, mi save long Yu bai bringim mi long dai, na long haus Yu makim bilong olgeta samting i stap laip.Select Job 30:23

24Tasol Em bai i no i go stretim han bilong Em i go ausait inap long matmat, maski ol i krai insait long bagarap olgeta bilong Em.Select Job 30:24

25Ating i yes long mi krai tru long man husat i pilim wari? Ating i yes long tewel bilong mi i soim bel sori long rabisman?Select Job 30:25

26Taim mi painim gutpela samting, nau samting nogut i kam long mi. Na taim mi wetim lait, tudak i kam.Select Job 30:26

27Ol rop bilong bel bilong mi i boil, na i no malolo. Ol de bilong kisim hevi i pasim mi.Select Job 30:27

28Mi go soim sori taim i no gat san. Mi sanap, na mi krai insait long bung bilong ol manmeri.Select Job 30:28

29Mi stap wanpela brata bilong ol dregon, na wanpela man bilong raun wantaim ol aul.Select Job 30:29

30Skin bilong mi em i blakpela antap long mi, na ol bun bilong mi i kuk olgeta wantaim hat.Select Job 30:30

31Harp bilong mi tu i tanim long kamap soim sori, na organ bilong mi i kamap nek bilong ol husat i krai tru.Select Job 30:31