42Job 42

1¶ Nau Jop i bekim BIKPELA, na tok,Select Job 42:1

2Mi save long Yu ken mekim olgeta wan wan samting, na long i no gat wanpela tingting man em inap long holim bek long Yu.Select Job 42:2

3Em i husat, husat i haitim tok helpim na i no gat save? Olsem na mi bin toktok long dispela mi no gat gutpela save long en, ol samting i winim tingting tumas long mi, dispela mi no save.Select Job 42:3

4Harim, mi askim Yu long daun pasin, na mi bai toktok. Mi bai askim strong long Yu, na Yu tokaut long mi.Select Job 42:4

5Mi bin harim long Yu long harim bilong ia, tasol nau ai bilong mi i lukim Yu.Select Job 42:5

6Olsem na mi ting mi yet i sting olgeta, na mi tanim bel long das na ol sit bilong paia.Select Job 42:6

7¶ Na em i stap olsem, long bihain long BIKPELA i bin tokim ol dispela toktok i go long Jop, BIKPELA i tokim man Timan Elifas, Belhat tru bilong Mi i kirap na birua long yu, na i birua long tupela wantok bilong yu. Long wanem, yupela i no bin toktok long sait bilong Mi long dispela samting i stretpela, olsem wokboi bilong Mi Jop i mekim.Select Job 42:7

8Olsem na kisim i kam long yupela nau sevenpela bulmakau man na sevenpela meme man, na go long wokboi bilong Mi Jop, na ofaim bilong yupela yet wanpela ofa i kuk olgeta. Na wokboi bilong Mi Jop bai beten bilong helpim yupela. Long wanem, em bai Mi orait long en. Nogut Mi mekim save long yupela i bihainim longlong pasin bilong yupela, long dispela, yupela i no bin toktok long sait bilong Mi dispela samting i stretpela, olsem wokboi bilong Mi Jop.Select Job 42:8

9Olsem na man Timan Elifas na man Suak Bildat na man Neman Sofar i go, na mekim bilong bihainim samting BIKPELA i tok strong long ol. BIKPELA tu i orait long beten bilong Jop.Select Job 42:9

10¶ Na BIKPELA i tanim kalabus bilong Jop, taim em i beten bilong helpim tripela wantok bilong em. Na tu BIKPELA i givim Jop tupela taims long hamas em i gat bipo.Select Job 42:10

11Nau i kam long em olgeta brata bilong em, na olgeta susa bilong em, na olgeta husat i bin save long em bipo, na ol i bin kaikai bret wantaim em long haus bilong em. Na ol i krai sori long em, na givim bel isi long em long sait bilong olgeta samting nogut long BIKPELA i bin bringim i kam antap long em. Olgeta wan wan man tu i givim em wanpela hap mani, na olgeta wan wan wanpela ring gol bilong ia.Select Job 42:11

12Olsem tasol BIKPELA i blesim las hap bilong Jop moa long stat bilong em. Long wanem, em i gat 14,000 sipsip, na 6,000 kemel, na 1,000 yok bulmakau man, na 1,000 donki meri.Select Job 42:12

13Em i gat tu sevenpela pikinini man na tripela pikinini meri.Select Job 42:13

14Na em i kolim nem bilong namba wan, Jemaima. Na nem bilong namba tu, Kesaia. Na nem bilong namba tri, Keren-hapuk.Select Job 42:14

15Na long olgeta dispela hap ol i no lukim ol meri i naispela olsem ol pikinini meri bilong Jop. Na papa bilong ol i givim ol ol samting papa i givim pikinini namel long ol brata bilong ol.Select Job 42:15

16Bihain long dispela Jop i stap laip 140 yia, na lukim ol pikinini man bilong em, na ol pikinini man bilong ol pikinini man bilong em, yes, inap long fopela lain tumbuna.Select Job 42:16

17Olsem na Jop i dai pinis, taim em i lapun na pulap wantaim ol de.Select Job 42:17