13John 13

1¶ Nau bipo long dispela bikpela kaikai bilong pasova, taim Jisas i save long aua bilong em i kam pinis long em i mas lusim dispela graun i go long Papa, taim em i bin laikim tru ol dispela bilong em yet husat i stap long dispela graun, em i laikim ol tru inap long pinis.Select John 13:1

2Na taim apinun kaikai i pinis, Seten nau i putim insait long bel bilong Judas Iskariot, pikinini man bilong Saimon, long putim em long han bilong birua.Select John 13:2

3Taim Jisas i save long Papa i bin givim olgeta samting i go long tupela han bilong em, na long em i kam long God, na em i go long God,Select John 13:3

4Em i kirap i lusim apinun kaikai, na slipim ol klos bilong em long sait. Na em i kisim wanpela laplap, na pasim nabaut namel bilong em yet.Select John 13:4

5Bihain long dispela em i kapsaitim wara long wanpela traipela dis, na em i stat long wasim ol fut bilong ol disaipel, na long klinim ol wantaim dispela laplap we em i pas nabaut wantaim dispela.Select John 13:5

6Nau em i kam long Saimon Pita. Na Pita i tokim em, Bikpela, ating yu wasim tupela fut bilong mi?Select John 13:6

7Jisas i bekim na tokim em, Wanem samting mi mekim yu no save long en nau. Tasol yu bai save long en bihain long nau.Select John 13:7

8Pita i tokim em, Bai i no gat taim long yu wasim tupela fut bilong mi. Jisas i bekim tok long em, Sapos mi no wasim yu, yu no gat hap wantaim mi.Select John 13:8

9Saimon Pita i tokim em, Bikpela, i no tupela fut bilong mi tasol, tasol tu tupela han bilong mi na het bilong mi.Select John 13:9

10Jisas i tokim em, Em husat i waswas pinis i no gat nid long waswas, tupela fut bilong em tasol, tasol em i klin olgeta. Na yupela i stap klin, tasol i no yupela olgeta.Select John 13:10

11Long wanem, em i save long husat bai putim em long han bilong birua. Olsem na em i tok, I no yupela olgeta i klin.Select John 13:11

12Olsem tasol bihain long em i bin wasim ol fut bilong ol, na em i bin kisim ol klos bilong em, na sindaun gen, em i tokim ol, Yupela save long mi bin mekim wanem long yupela?Select John 13:12

13Yupela kolim mi Tisa na Bikpela. Na yupela i toktok gut. Long wanem, mi stap olsem.Select John 13:13

14Nau sapos mi, Bikpela na Tisa bilong yupela, i bin wasim ol fut bilong yupela, yupela tu i mas wasim ol fut bilong yupela wanpela i go long narapela.Select John 13:14

15Long wanem, mi bin givim yupela wanpela piksa, inap long yupela i ken mekim olsem mi bin mekim long yupela.Select John 13:15

16Tru tumas, tru tumas, mi tokim yupela, Wokboi i no winim bikman bilong em. Na tu em husat man i salim i no winim man husat i salim em.Select John 13:16

17Sapos yupela i save long ol dispela samting, amamas i stap long yupela sapos yupela i mekim ol.Select John 13:17

18¶ Mi no toktok long sait bilong yupela olgeta. Mi save husat mi bin makim. Tasol inap long rait bilong God i ken kamap pinis, Em husat i kaikai bret wantaim mi i bin litimapim baksait bilong fut bilong em i birua long mi.Select John 13:18

19Nau mi tokim yupela bipo em i kamap, inap long, taim em i kamap olsem, yupela i ken save long mi stap dispela man.Select John 13:19

20Tru tumas, tru tumas, mi tokim yupela, Em husat i kisim husat man mi salim i kisim mi. Na em husat i kisim mi i kisim em husat i salim mi.Select John 13:20

21Taim Jisas i bin tok olsem, em i pilim wari long spirit sait, na tokaut klia, na tok, Tru tumas, tru tumas, mi tokim yupela, long wanpela bilong yupela bai putim mi long han bilong birua.Select John 13:21

22Nau ol disaipel i lukluk wanpela i go long narapela, na ol i gat tupela tingting long em i toktok long husat.Select John 13:22

23Nau i gat wanpela bilong ol disaipel bilong em i lindaun long bros bilong Jisas, husat Jisas i laikim tru.Select John 13:23

24Olsem na Saimon Pita i wokim mak wantaim han long em, inap long em i ken askim long i mas husat husat em i toktok long enSelect John 13:24

25Nau em husat i slip long bros bilong Jisas i tokim em, Bikpela, em i husat?Select John 13:25

26Jisas i bekim tok, Em i dispela, long husat mi bai givim samting bilong putim long sup, taim mi bin putim dispela long sup. Na taim em i bin putim samting long sup, em i givim long Judas Iskariot, pikinini man bilong Saimon.Select John 13:26

27Na bihain long samting ol i putim long sup, Seten i go insait long em. Nau Jisas i tokim em, Dispela yu mekim, mekim kwiktaim.Select John 13:27

28Nau i no gat man long tebol i save long wanem as em i tokim dispela toktok long em.Select John 13:28

29Long wanem, sampela bilong ol i ting olsem, bikos Judas i bin holim bek, long Jisas i bin tokim em, Baim ol dispela samting long yumi gat nid long en long redi long taim bilong dispela bikpela kaikai. O, long em i mas givim samting long ol rabisman.Select John 13:29

30Nau taim em bin kisim samting ol i putim long sup em go ausait wantu. Na em i nait.Select John 13:30

31¶ Olsem na, taim em i go ausait pinis, Jisas i tok, Nau Pikinini Man bilong man i kisim glori, na God i kisim glori insait long em.Select John 13:31

32Sapos God i kisim glori insait long em, God bai givim glori tu long em insait long em yet, na kwiktaim em bai givim glori long em.Select John 13:32

33Ol liklik pikinini, liklik taim yet mi stap wantaim yupela. Yupela bai painim mi. Na olsem mi tokim ol Ju pinis, We mi go, yupela i no inap kam. Olsem tasol nau mi tokim yupela.Select John 13:33

34Wanpela nupela tok strong mi givim long yupela, Long yupela i mas gat laikim tru wanpela i go long narapela. Olsem mi bin laikim tru yupela, long yupela tu i mas gat laikim tru wanpela i go long narapela.Select John 13:34

35Long dispela bai olgeta man i save long yupela i stap ol disaipel bilong mi, sapos yupela i gat laikim tru wanpela i go long narapela.Select John 13:35

36¶ Saimon Pita i tokim em, Bikpela, yu go we? Jisas i bekim tok long em, We mi go, yu no inap bihainim mi nau. Tasol yu bai bihainim mi bihain long en.Select John 13:36

37Pita i tokim em, Bikpela, bilong wanem mi no inap bihainim yu nau? Mi bai givim laip bilong mi long tingim yu.Select John 13:37

38Jisas i bekim tok long em, Yu bai givim laip bilong yu long tingim mi? Tru tumas, tru tumas, mi tokim yu, Kakaruk man bai i no inap singaut, inap long yu bin tok nogat long mi tripela taim.Select John 13:38