9John 9

1¶ Na taim Jisas abrusim ol, em i lukim wanpela man husat i aipas i stat long taim mama i karim em.Select John 9:1

2Na ol disaipel bilong em i askim em, i spik, Tisa, husat i mekim sin, dispela man, o papamama bilong em, inap long mama i karim em aipas?Select John 9:2

3Jisas i bekim tok, Dispela man i no bin mekim sin, o papamama bilong em. Tasol em i aipas inap long ol wok bilong God i ken kamap ples klia insait long em.Select John 9:3

4Mi mas wokim ol wok bilong em husat i salim mi, taim em i san yet. Nait i kam, taim i no gat man i inap wok.Select John 9:4

5Taim mi stap yet long dispela graun, mi stap lait bilong dispela graun.Select John 9:5

6Taim em i bin toktok olsem, em i spet long graun, na wokim graun i wet long dispela spet, na em i makim tupela ai bilong aipas man wantaim dispela graun i wet,Select John 9:6

7Na tokim em, Go, waswas long liklik raunwara bilong Siloam, (ol i tanim dispela tok, Salim.) Olsem na em i go long rot bilong em, na waswas, na kam taim tupela ai bilong em i ken lukluk.Select John 9:7

8¶ Olsem na ol man i stap klostu long em, na ol husat bipo i bin lukim em long em i aipas, i tok, Ating i yes long dispela em i em husat i sindaun na pulim mani?Select John 9:8

9Sampela i tok, Dispela em em. Ol arapela i tok, Em i olsem em. Tasol em i tok, Mi stap dispela man.Select John 9:9

10Olsem na ol i tokim em, Tupela ai bilong yu i op olsem wanem?Select John 9:10

11Em i bekim na tok, Wanpela man husat ol i kolim Jisas i wokim graun i wet, na makim tupela ai bilong mi, na tokim mi, Go long liklik raunwara bilong Siloam, na waswas. Na mi go na waswas, na mi kisim strong bilong lukluk.Select John 9:11

12Nau ol i tokim em, Em i stap we? Em i tok, Mi no save.Select John 9:12

13¶ Ol i bringim long ol Farisi em husat long taim bipo em i aipas.Select John 9:13

14Na em i de sabat taim Jisas i wokim graun i wet, na opim tupela ai bilong em.Select John 9:14

15Nau gen ol Farisi tu i askim em long em i bin kisim strong bilong lukluk olsem wanem. Em i tokim ol, Em i putim graun i wet antap long tupela ai bilong mi, na mi waswas, na mi ken lukluk.Select John 9:15

16Olsem na sampela bilong ol Farisi i tok, Dispela man i no bilong God, bilong wanem, em i no bihainim de sabat. Ol arapela i tok, Olsem wanem wanpela man husat i sinman i ken wokim ol kain mirakel? Na i gat wanpela bruk namel long ol.Select John 9:16

17Ol i tokim aipas man gen, Yu tok wanem long em, long em i bin opim tupela ai bilong yu? Em i tok, Em i wanpela profet.Select John 9:17

18Tasol ol Ju i no bin bilip long sait bilong em, long em i bin aipas, na em i kisim strong bilong lukluk, inap long ol i singautim papamama bilong em husat i bin kisim strong bilong lukluk.Select John 9:18

19Na ol i askim tupela, i spik, Dispela em i pikinini man bilong yupela, husat yupela i tok em i aipas taim mama i karim em? Nau em i ken lukluk olsem wanem?Select John 9:19

20Papamama bilong em i bekim ol na tok, Mipela i save long dispela em i pikinini man bilong mipela, na long em i aipas taim mama i karim em.Select John 9:20

21Tasol long wanem rot em i ken lukluk nau, mipela i no save. O husat i bin opim tupela ai bilong em, mipela i no save. Em i bikpela pinis, askim em. Em bai toktok long sait bilong em yet.Select John 9:21

22Ol dispela toktok papamama bilong em i tok, bilong wanem, ol i pret long ol Ju. Long wanem, ol Ju i bin gat wanbel tingting pinis, long sapos wanpela man i bin tok yes long em i Kraist, ol bai rausim em long sinagog.Select John 9:22

23Olsem na papamama bilong em i tok, Em i bikpela pinis, askim em.Select John 9:23

24Nau gen ol i singautim dispela man husat i aipas bipo, na tokim em, Givim biknem long God. Mipela i save long dispela man em i wanpela sinman.Select John 9:24

25Em i bekim na tok, Sapos em i stap wanpela sinman o nogat, mi no save. Wanpela samting mi save, long, we mi stap aipas olsem bipo, nau mi ken lukluk.Select John 9:25

26Nau ol i tokim em gen, Em i mekim wanem long yu? Em i opim tupela ai bilong yu olsem wanem?Select John 9:26

27Em i bekim tok long ol, Mi bin tokim yupela pinis, na yupela i no harim. Olsem wanem na yupela i gat laik long harim dispela gen? Yupela tu bai stap ol disaipel bilong em?Select John 9:27

28Nau ol i sutim tok nogut long em, na tok, Yu stap disaipel bilong em. Tasol mipela i stap ol disaipel bilong Moses.Select John 9:28

29Mipela i save long God i toktok long Moses. Long sait bilong dispela man, mipela i no save long em i kam long we.Select John 9:29

30Man i bekim na tokim ol, Insait long dispela em i wanpela samting bilong tingting planti long en, long yupela i no save long em i kam long we, na yet em i bin opim tupela ai bilong mi.Select John 9:30

31Nau yumi save long God i no harim ol sinman. Tasol sapos wanpela man i stap man bilong lotuim God, na mekim laik bilong em, em i harim em.Select John 9:31

32I stat long taim dispela graun i stat i no gat wanpela taim long yumi harim long wanpela man i opim tupela ai bilong wanpela husat i aipas taim mama i karim em.Select John 9:32

33Sapos dispela man i no bilong God, em i no inap mekim wanpela samting.Select John 9:33

34Ol i bekim na tokim em, Mama i karim yu long ol sin olgeta, na ating yu laik skulim mipela, a? Na ol i rausim em i go ausait.Select John 9:34

35¶ Jisas i harim long ol i bin rausim em i go ausait. Na taim em i bin painim em pinis, em i tokim em, Yu bilip long Pikinini Man bilong God?Select John 9:35

36Em i bekim na tok, em i husat, Bikpela, inap long mi ken bilip long em?Select John 9:36

37Na Jisas i tokim em, Yu bin lukim em pinis, na em i dispela husat i toktok wantaim yu wantaim.Select John 9:37

38Na em i tok, Bikpela, mi bilip. Na em i lotuim em.Select John 9:38

39¶ Na Jisas i tok, Mi kam long dispela graun bilong wokim kot, inap long ol husat i no inap lukluk i ken lukluk. Na long ol husat i lukluk i ken kamap aipas.Select John 9:39

40Na sampela bilong ol Farisi husat i stap wantaim em i harim ol dispela toktok, na ol i tokim em, Ating mipela tu i aipas?Select John 9:40

41Jisas i tokim ol, Sapos yupela i aipas, bai yupela i no gat sin. Tasol nau yupela i tok, Mipela i lukluk. Olsem na sin bilong yupela i stap yet.Select John 9:41