20Joshua 20

1¶ Na BIKPELA tu i tokim Josua, i spik,Select Joshua 20:1

2Toktok long ol pikinini bilong Isrel, i spik, Makim bilong yupela ol biktaun bilong hait, we Mi toktok pinis long yupela long han bilong Moses long ol,Select Joshua 20:2

3Inap long man husat i kilim i dai wanpela man taim man i no save, na em i no tingting pastaim na mekim, i ken ranawe long dispela hap. Na ol bai stap ples hait bilong yupela long man bilong bekim pe nogut bilong blut.Select Joshua 20:3

4Na taim em husat i ranawe i go long wanpela bilong ol dispela biktaun bai sanap long ai bilong dua bilong banis bilong biktaun, na em bai tokaut long wari bilong em long ol ia bilong ol lapun hetman bilong biktaun, ol bai kisim em i go insait long biktaun i go long ol, na givim em wanpela ples, inap long em i ken stap namel long ol.Select Joshua 20:4

5Na sapos man bilong bekim pe nogut bilong blut i ran bihainim em, orait ol i no ken givim man i kilim man i dai i go long han bilong em. Bilong wanem, em i no tingting pastaim na paitim man i stap klostu long em, na em i no hetim em bipotaim.Select Joshua 20:5

6Na em bai stap long dispela biktaun, inap long em i sanap long ai bilong bung bilong ol manmeri bilong kot, na inap long dai bilong hetpris husat bai stap long dispela taim. Nau bai man i kilim man i dai i go bek, na kamap long biktaun bilong em yet, na go long haus bilong em yet, i go long dispela biktaun we em i bin lusim i ranawe long en.Select Joshua 20:6

7¶ Na ol i makim Kedes long Galili long maunten Naptalai, na Sekem long maunten Ifraim, na Kiriat-arba, dispela em Hibron, long maunten bilong Juda.Select Joshua 20:7

8Na long hapsait long Jordan klostu long Jeriko i go long hap is, ol i makim Beser long ples i no gat man antap long ples stret ausait long lain bilong Ruben, na Ramot long Gileat ausait long lain bilong Gat, na Golan long Basan ausait long lain bilong Manasa.Select Joshua 20:8

9Ol dispela em ol biktaun ol i makim bilong olgeta pikinini bilong Isrel, na bilong ol ausait man husat i stap waira namel long ol, inap long husat man i kilim wanpela man taim man i no save i ken ranawe i go long dispela hap, na em i no ken dai long han bilong man bilong bekim pe nogut bilong blut, inap long em i sanap long ai bilong bung bilong ol manmeri.Select Joshua 20:9