1Lamentations 1

1¶ Biktaun i sindaun wanpis olsem wanem, dispela i pulap wantaim ol manmeri bipo! Em i kamap olsem wanpela meri man bilong em i dai pinis olsem wanem! Meri i gat biknem bipo namel long ol kantri, na hetmeri namel long ol provins, em i kamap wanpela bilong baim takis olsem wanem!Select Lamentations 1:1

2Em i krai strong tru long nait, na ol ai wara bilong em i stap long tupela wasket bilong em. Namel long olgeta man i laikim em tru em i no gat wanpela bilong givim bel isi long em. Olgeta pren bilong em i bin mekim trik pasin long em, ol i kamap birua bilong em.Select Lamentations 1:2

3Juda i go pinis long kalabus, bilong wanem, ol hevi i stap, na bilong wanem, bikpela hatwok nating long narapela i stap. Em i stap namel long ol haiden, em i no painim pinis malolo. Olgeta lain bilong givim hevi long em i kamap long em namel long ol liklik ples.Select Lamentations 1:3

4Ol rot bilong Saion i soim sori, bilong wanem, i no gat wanpela i kam long ol bikpela kaikai holi. Olgeta dua bilong banis bilong em i stap nating. Ol pris bilong em i lusim win bilong soim wari, ol meri bilong em i no bin slip wantaim man i kisim taim, na bel bilong em i holim kros.Select Lamentations 1:4

5Ol birua bilong em i stap nambawan, ol birua bilong em i kamap gutpela. Long wanem, BIKPELA i bin givim hevi long em long pasin bilong em bilong kalapim lo planti tru. Ol pikinini bilong em i go pinis long kalabus long ai bilong ol birua.Select Lamentations 1:5

6Na olgeta naispela pes tru bilong em i lusim pinis pikinini meri bilong Saion. Ol hetman bilong em i kamap olsem ol hart husat i no painim pinis ples gras, na ol i lusim pinis ai bilong ol lain i ran bihainim ol na i no gat strong.Select Lamentations 1:6

7Jerusalem i holim tingting, long ol de bilong kisim taim bilong em na bilong ol hevi nogut bilong em, long olgeta gutpela samting bilong em, dispela em i gat long ol de bilong bipo, taim ol lain manmeri bilong em i pundaun long han bilong birua, na i no gat wanpela i bin helpim em. Ol birua i lukim em, na ol i bin wokim pani long daunim ol sabat bilong em.Select Lamentations 1:7

8Jerusalem i bin sin nogut tru. Olsem na God i rausim em. Olgeta husat i givim biknem long em bipo i tingim em olsem i samting nating, bilong wanem, ol i bin lukim skin nating bilong em. Yes, em i lusim win bilong soim wari, na tanim pes i go long baksait.Select Lamentations 1:8

9Doti tru bilong em i stap long ol laplap bilong em. Em i no holim tingting long las pinis bilong em. Olsem na em i kam daun wantaim pasin bilong winim tingting. Em i no gat wanpela bilong givim bel isi. O BIKPELA, lukim hevi bilong mi. Long wanem, birua i bin litimapim em yet.Select Lamentations 1:9

10Birua i bin opim han bilong em i go autsait antap long olgeta gutpela samting bilong em. Long wanem, em i bin luksave long ol haiden i go insait long rum holi bilong em, husat Yu bin tok strong long ol long ol i no ken go insait long bung bilong ol manmeri bilong Yu.Select Lamentations 1:10

11Olgeta manmeri bilong em i lusim win bilong soim wari, ol i painim bret. Ol i bin givim ol gutpela samting bilong ol bilong kaikai bilong givim helpim long tewel. Lukim, O BIKPELA, na tingim na skelim. Long wanem, mi kamap nogut tru.Select Lamentations 1:11

12¶ Ating em i samting nating long yupela, olgeta yupela husat i wokabaut klostu? Lukim, na luksave sapos i gat wanpela bel hevi i wankain olsem bel hevi bilong mi, dispela ol i mekim long mi, we BIKPELA i bin givim hevi long mi wantaim dispela long de bilong strongpela belhat bilong Em.Select Lamentations 1:12

13Em i bin salim paia i lusim antap i kam insait long ol bun bilong mi, na em i winim ol. Em i bin opim wanpela umben bilong tupela lek bilong mi, Em i bin tanim mi go bek. Em i bin mekim mi stap nating na hap i dai olde.Select Lamentations 1:13

14Em i pasim yok bilong ol pasin bilong mi bilong kalapim lo wantaim han bilong Em. Ol samting Em i sutim na tantanim, na ol i kamap antap long nek bilong mi. Em i bin mekim strong bilong mi long pundaun, Bikpela i bin givim mi i go long ol han bilong ol, long husat mi no inap long kirap gen.Select Lamentations 1:14

15Bikpela i bin krungutim aninit long lek olgeta strongpela man bilong mi long namel bilong mi. Em i bin singautim wanpela bung i birua long mi bilong krungutim ol yangpela man bilong mi. Bikpela i bin krungutim meri i no bin slip wantaim man, pikinini meri bilong Juda, olsem wanpela masin bilong krungutim wain.Select Lamentations 1:15

16Long ol dispela samting mi krai tru. Ai bilong mi, ai bilong mi i ran i go daun wantaim wara, bilong wanem, man bilong givim bel isi, husat i ken givim bel isi long tewel bilong mi, i stap longwe long mi. Ol pikinini bilong mi i stap nating, bilong wanem, birua i win.Select Lamentations 1:16

17Saion i opim tupela han bilong en i go ausait, na i no gat wanpela bilong givim bel isi long em. BIKPELA i bin tok strong long sait bilong Jekop, long ol birua bilong em i ken stap raun nabaut long em. Jerusalem em i olsem wanpela meri i gat sik mun namel long ol.Select Lamentations 1:17

18BIKPELA em i stretpela. Long wanem, mi bin bikhet i birua long tok strong bilong Em. Harim, mi askim yupela plis, olgeta manmeri, na lukim bel hevi bilong mi. Ol meri bilong mi i no bin slip wantaim man na olgeta yangpela man bilong mi i go pinis long kalabus.Select Lamentations 1:18

19Mi singautim ol man mi laikim tru, tasol ol i giamanim mi. Ol pris bilong mi na ol lapun hetman bilong mi i lusim spirit bilong ol long dispela biktaun, taim ol i painim kaikai bilong ol bilong helpim ol tewel bilong ol.Select Lamentations 1:19

20Lukim, O BIKPELA. Long wanem, mi stap long bikpela wari. Ol rop bilong bel bilong mi i pilim wari. Bel bilong mi i tantanim insait long mi. Long wanem, mi bin bikhet nogut tru. Ausait, bainat i mekim planti i stap nating, long ples, ol samting i stap olsem dai.Select Lamentations 1:20

21Ol i bin harim long mi lusim win bilong soim wari. I no gat wanpela bilong givim bel isi long mi. Olgeta birua bilong mi i bin harim olsem mi gat trabel. Ol i amamas long Yu bin mekim dispela. Yu bai bringim dispela de Yu bin singautim, na ol bai stap wankain olsem mi.Select Lamentations 1:21

22Larim olgeta pasin nogut bilong ol i ken kam long ai bilong Yu. Na mekim long ol olsem Yu bin mekim long mi bilong bekim olgeta pasin bilong mi bilong kalapim lo. Long wanem, ol pasin bilong lusim win bilong soim wari bilong mi i planti, na bel bilong mi i hap i dai.Select Lamentations 1:22