17Leviticus 17

1¶ Na BIKPELA i toktok long Moses, na tok,Select Leviticus 17:1

2Toktok long Eron na long ol pikinini man bilong em, na long olgeta pikinini bilong Isrel na tok long ol olsem, Dispela em i samting BIKPELA i bin givim strongpela tok long em, na Em i tok,Select Leviticus 17:2

3Wanem man i stap bilong lain bilong Isrel na em i kilim i dai wanpela bulmakau man o pikinini sipsip o meme insait long kem o em i kilim i dai dispela ausait long kem,Select Leviticus 17:3

4Na em i no bringim dispela long dua bilong haus sel holi bilong bung bilong ol manmeri long ofaim wanpela ofa i go long BIKPELA long pes bilong haus sel holi bilong BIKPELA, yupela mas makim blut i go long dispela man. Em i bin kapsaitim blut, na yupela mas bagarapim dispela man long namel long ol manmeri bilong em.Select Leviticus 17:4

5Long dispela as, long ol pikinini bilong Isrel i ken bringim ol sakrifais bilong ol, ol i ofaim dispela long ples i op, yes long ol i ken bringim ol i kam long BIKPELA long dua bilong haus sel holi bilong bung bilong ol manmeri na long pris na ofaim ol bilong i stap ol ofa bilong givim bel isi i go long BIKPELA.Select Leviticus 17:5

6Na pris i mas tromoi isi isi dispela blut antap long alta bilong BIKPELA long dua bilong haus sel holi bilong bung bilong ol manmeri na kukim dispela gris bilong i stap wanpela switpela smel i go long BIKPELA.Select Leviticus 17:6

7Na ol i no ken ofaim moa ol sakrifais i go long ol spirit nogut, ol i bin bihainim pasin bilong pamuk long bihainim ol. Dispela mas i stap wanpela lo i stap long buk oltaim oltaim i go long ol namel long ol lain tumbuna pikinini bilong ol.Select Leviticus 17:7

8Na yu mas toktok long ol, Wanem man i stap bilong lain bilong Isrel, o bilong ol man bilong narapela ples i stap waira namel long yupela, na em i ofaim wanpela ofa bilong kuk olgeta o sakrifais,Select Leviticus 17:8

9Na em i no bringim dispela long dua bilong haus sel holi bilong bung bilong ol manmeri long ofaim dispela i go long BIKPELA, yes yupela mas bagarapim dispela man long namel long ol manmeri bilong em.Select Leviticus 17:9

10¶ Na wanem man i stap bilong lain bilong Isrel o bilong ol man bilong narapela ples i stap waira namel long yupela na em i kaikai blut, maski em wanem kain blut, bai Mi strongim pes bilong Mi i birua long dispela tewel i kaikai blut na bai Mi bagarapim em long namel long ol manmeri bilong em.Select Leviticus 17:10

11Long wanem laip bilong bodi i stap long blut. Na Mi bin givim dispela long yupela antap long alta long mekim ofa bilong karamapim long mekim i kamap wanbel i bilong ol tewel bilong yupela. Long wanem em i blut i mekim ofa bilong karamapim bilong mekim i kamap wanbel i bilong tewel.Select Leviticus 17:11

12Olsem na Mi toktok long ol pikinini bilong Isrel, No gat wanpela tewel bilong yupela i ken kaikai blut, na tu wanpela man bilong narapela kantri i stap waira namel long yupela i no ken kaikai blut.Select Leviticus 17:12

13Na wanem man i stap bilong ol pikinini bilong Isrel o bilong ol man bilong narapela kantri i stap waira namel long yupela na em i lukaut long abus na kisim wanpela abus o pisin long kain em i ken kaikai, tru em i mas kapsaitim blut bilong dispela abus na karamapim dispela blut long das.Select Leviticus 17:13

14Long wanem dispela em i laip bilong olgeta bodi. Blut bilong em em i bilong givim laip long em. Olsem na Mi toktok long ol pikinini bilong Isrel, Yupela i no ken kaikai blut bilong wanpela bilong olgeta kain mit. Long wanem laip bilong olgeta bodi i stap long blut bilong em. Olgeta manmeri i kaikai dispela yupela mas bagarapim ol.Select Leviticus 17:14

15Na olgeta wan wan tewel i kaikai dispela samting i bin i dai nating o samting narapela animal i bin bagarapim em, maski em i stap wanpela bilong kantri bilong yupela o wanpela man bilong narapela kantri, em i mas wasim klos bilong em na wasim em yet wantaim long wara, na stap i no klin inap long apinun tru. Long dispela taim em bai stap klin.Select Leviticus 17:15

16Tasol sapos em i no wasim klos o wasim bodi bilong em, orait em i mas karim sin nogut bilong em.Select Leviticus 17:16