1Luke 1

1¶ Bikos planti i bin kisim wok long han bilong ol long putim klia long lain wanpela tokaut long ol dispela samting, dispela, tru tumas, ol man i bilip namel long yumi,Select Luke 1:1

2Yes, olsem ol i givim ol long yumi, husat long stat em ol witnes i lukim long ai, na ol wokman bilong tok bilong God,Select Luke 1:2

3Em i luk olsem i gutpela long ai bilong mi tu, taim mi bin gat save i inap tru long olgeta samting i kam long pastaim tru, long raitim long yu long lain, Tiofilas i gutpela olgeta moa,Select Luke 1:3

4Inap long yu ken save long ol dispela samting i tru olgeta, we yu bin kisim skul long en.Select Luke 1:4

5¶ I gat i stap long ol de bilong Herot, king bilong Judia, wanpela pris husat nem bilong em em Sakaraias, bilong lain wok bilong Abaia. Na meri bilong em em i bilong ol pikinini meri bilong Eron, na nem bilong em em Ilisabet.Select Luke 1:5

6Na tupela wantaim i stretpela long ai bilong God, na ol i wokabaut insait long olgeta tok strong na ol lo Bikpela i makim na ol i no gat asua.Select Luke 1:6

7Na ol i no gat pikinini, bikos Ilisabet i no inap long karim, na tupela wantaim i bagarap tru nau wantaim ol yia.Select Luke 1:7

8Na em i kamap olsem, long taim em i wokim wok long opis bilong pris long ai bilong God i bihainim lain bilong lain wok bilong em,Select Luke 1:8

9Bilong bihainim kastam bilong opis bilong pris, hap skel bilong em em bilong kukim insens taim em i go insait long tempel bilong Bikpela.Select Luke 1:9

10Na dispela planti manmeri tru olgeta bilong ol manmeri i beten ausait long taim bilong insens.Select Luke 1:10

11Na i gat wanpela ensel bilong Bikpela i kamap ples klia long em taim ensel i sanap long han sut sait bilong alta bilong insens.Select Luke 1:11

12Na taim Sakaraias i lukim em, em i pilim wari, na pret i pundaun antap long em.Select Luke 1:12

13Tasol ensel i tokim em, No ken pret, Sakaraias. Long wanem, God i harim pinis prea bilong yu. Na meri bilong yu Ilisabet bai karim wanpela pikinini man long yu, na yu bai kolim nem bilong em Jon.Select Luke 1:13

14Na yu bai gat amamas tru na amamas. Na planti bai wokim amamas tru taim mama i karim em.Select Luke 1:14

15Long wanem, em bai gat biknem long ai bilong Bikpela, na em bai i no inap dringim wain o strongpela dring. Na em bai pulap wantaim Holi Spirit, yes, i stat long taim em i stap long bel bilong mama bilong em.Select Luke 1:15

16Na em bai tanim planti bilong ol pikinini bilong Isrel i go long Bikpela, God bilong ol.Select Luke 1:16

17Na em bai go paslain long em long spirit na pawa bilong Ilaias, long tanim ol bel bilong ol papa i go long ol pikinini, na ol man bilong sakim tok i go long save tru bilong ol stretpela man, long redim wanpela lain manmeri i redi long BikpelaSelect Luke 1:17

18Na Sakaraias i tokim ensel, Long wanem rot bai mi save long dispela? Long wanem, mi wanpela lapun man, na meri bilong mi i bagarap tru wantaim ol yia.Select Luke 1:18

19Na ensel i bekim na tokim em, Mi Gebriel, husat i sanap long pes bilong God. Na em i salim mi long toktok long yu, na long soim yu ol dispela gutpela nius.Select Luke 1:19

20Na, lukim, yu bai stap mauspas, na yu bai i no inap toktok, inap long dispela de ol dispela samting bai kamap pinis, bilong wanem, yu no bilipim ol toktok bilong mi, dispela bai kamap pinis long taim bilong ol.Select Luke 1:20

21Na ol manmeri i wetim Sakaraias, na ol i tingting planti long em i stap yet longpela taim olsem insait long tempel.Select Luke 1:21

22Na taim em i kam ausait, em i no inap long toktok long ol. Na ol i kisim save long em i bin lukim wanpela driman samting insait long tempel. Long wanem, em i wokim mak wantaim han long ol, na stap mauspas yet.Select Luke 1:22

23Na em i kamap olsem, long, long taim stret long ol de bilong wokim wok bilong em i kamap pinis, em i lusim dispela hap na go long haus bilong em yet.Select Luke 1:23

24Na bihain long ol dispela de meri bilong em Ilisabet i kisim bel, na haitim em yet faipela mun, i spik,Select Luke 1:24

25Bikpela i bin mekim olsem long mi long ol de we em i lukluk long mi long en, long tekewe sem bilong mi namel long ol man.Select Luke 1:25

26¶ Na long namba sikis mun God i salim ensel Gebriel i go long wanpela biktaun bilong Galili, husat nem bilong em em Nasaret,Select Luke 1:26

27Long wanpela meri i no bin slip wantaim man i marit long kontrak long wanpela man husat nem bilong em em Josep, bilong hauslain bilong Devit. Na nem bilong dispela meri i no bin slip wantaim man em Maria.Select Luke 1:27

28Na ensel i kam long em, na tok, Gude, yu husat i gat gutpela amamas tru, Bikpela i stap wantaim yu. Blesing i stap long yu namel long ol meri.Select Luke 1:28

29Na taim meri i lukim em, em i pilim wari long toktok bilong em, na tingting nabaut insait long tingting bilong em long dispela em i ken stap wanem kain tok gude.Select Luke 1:29

30Na ensel i tokim em, No ken pret, Maria. Long wanem, yu bin painim pinis gutpela amamas wantaim God.Select Luke 1:30

31Na, lukim, yu bai kisim bel insait long bel bilong yu, na karim wanpela pikinini man, na yu bai kolim nem bilong em JISAS.Select Luke 1:31

32Em bai gat biknem, na ol bai kolim em Pikinini Man bilong Man i Antap Moa Olgeta. Na God Bikpela bai givim long em sia king bilong tumbuna papa bilong em Devit.Select Luke 1:32

33Na em bai bosim kingdom long hauslain bilong Jekop oltaim oltaim. Na long kingdom bilong em bai i no gat pinis.Select Luke 1:33

34Nau Maria i tokim ensel, Dispela bai kamap olsem wanem, taim yumi luksave long mi no save long wanpela man?Select Luke 1:34

35Na ensel i bekim na tokim em, Holi Spirit bai kam antap long yu, na pawa bilong Man i Antap Moa Olgeta bai karamapim yu. Olsem na tu dispela samting holi, dispela yu bai karim, bai ol i kolim Pikinini Man bilong God.Select Luke 1:35

36Na, lukim, kandere bilong yu Ilisabet, em tu i bin kisim bel long karim wanpela pikinini man long taim em i stap lapun. Na dispela em i namba sikis mun long em, husat ol i bin kolim meri i no inap long karim.Select Luke 1:36

37Long wanem, long God i no gat wanpela samting i no gat rot olgeta long kamap.Select Luke 1:37

38Na Maria i tok, Lukim wokmeri bilong Bikpela. Em i ken stap olsem long mi bilong bihainim tok bilong yu. Na ensel i lusim em.Select Luke 1:38

39¶ Na Maria i kirap long ol dispela de, na go hariap long hap graun i gat ol liklik maunten, i go long wanpela biktaun bilong Judia.Select Luke 1:39

40Na em i go insait long haus bilong Sakaraias, na tok gude long Ilisabet.Select Luke 1:40

41Na em i kamap olsem, long, taim Ilisabet i harim tok gude bilong Maria, dispela bebi i kalap insait long bel bilong em. Na Ilisabet i pulap wantaim Holi Spirit.Select Luke 1:41

42Na em i toktok wantaim bikpela nek, na tok, Blesing i stap long yu namel long ol meri, na blesing i stap long kaikai bilong bel bilong yu.Select Luke 1:42

43Na dispela i olsem wanem long mi, long mama bilong Bikpela bilong mi i ken kam long mi?Select Luke 1:43

44Long wanem, harim, long taim stret long nek bilong tok gude bilong yu i pairap insait long tupela ia bilong mi, dispela bebi i kalap insait long bel bilong mi, long wanem, em i amamas tru.Select Luke 1:44

45Na blesing i stap long meri husat i bin bilip. Long wanem, bai i gat ol dispela samting i kamap, dispela wanpela i tokim em i kam long Bikpela.Select Luke 1:45

46Na Maria i tok, Tewel bilong mi i litimapim nem bilong Bikpela,Select Luke 1:46

47Na spirit bilong mi i bin wokim amamas tru insait long God, Man Bilong Kisim Bek bilong mi.Select Luke 1:47

48Long wanem, em i bin lukluk gut long sindaun i daunbilo bilong wokmeri bilong em. Long wanem, lukim, i stat long nau i go, olgeta lain tumbuna bai kolim mi meri i gat blesing.Select Luke 1:48

49Long wanem, em husat i strongpela i bin mekim ol bikpela samting long mi. Na nem bilong em em i holi.Select Luke 1:49

50Na sori bilong em i stap long ol husat i pret long em long lain tumbuna i go long lain tumbuna.Select Luke 1:50

51Em i bin soim strong wantaim han bilong em. Em i bin brukim nabaut ol bikhet man insait long tingting nating bilong ol bel bilong ol.Select Luke 1:51

52Em i bin putim i go daun ol strongpela man i lusim ol sia bilong ol, na litimapim ol man i gat namba daunbilo.Select Luke 1:52

53Em i bin pulimapim ol man i gat hangre wantaim ol gutpela samting. Na ol maniman em i bin salim i go emti.Select Luke 1:53

54Em i bin helpim wokboi bilong em Isrel, long taim em i tingim gen sori bilong em,Select Luke 1:54

55Olsem em i bin tokim ol tumbuna papa bilong yumi, long Ebraham, na long tumbuna pikinini bilong em oltaim oltaim.Select Luke 1:55

56Na Maria i stap wantaim em klostu olsem tripela mun, na em i go bek long haus bilong em yet.Select Luke 1:56

57¶ Nau taim bilong Ilisabet i kam pulap long em i mas karim pikinini. Na em i karim wanpela pikinini man.Select Luke 1:57

58Na ol lain i stap klostu long em na ol kandere bilong em i harim long Bikpela i bin soim bikpela sori long em olsem wanem. Na ol i wokim amamas tru wantaim em.Select Luke 1:58

59Na em i kamap olsem, long namba et de ol i kam long katim skin bilong pikinini. Na ol i kolim em Sakaraias, i bihainim nem bilong papa bilong em.Select Luke 1:59

60Na mama bilong em i bekim na tok, I no olsem. Tasol yumi bai kolim em Jon.Select Luke 1:60

61Na ol i tokim em, I no gat wanpela bilong ol kandere bilong yu husat ol i kolim long dispela nem.Select Luke 1:61

62Na ol i wokim ol mak long papa bilong em, long em i gat laik long ol i kolim em olsem wanem.Select Luke 1:62

63Na em i askim long wanpela tebol bilong rait, na raitim, i tok, Nem bilong em em Jon. Na olgeta i tingting planti.Select Luke 1:63

64Na maus bilong em i op wantu, na tang bilong em i lus, na em i toktok, na litimapim nem bilong God.Select Luke 1:64

65Na pret i kam antap long olgeta husat i stap raun nabaut long ol. Na olgeta dispela toktok ol i stori ausait, long olgeta hap bilong olgeta hap graun i gat ol liklik maunten bilong Judia.Select Luke 1:65

66Na ol olgeta husat i harim ol i slipim ol insait long ol bel bilong ol, i spik, Dispela pikinini bai stap wanem kain! Na han bilong Bikpela i stap wantaim em.Select Luke 1:66

67¶ Na papa bilong em Sakaraias i pulap wantaim Holi Spirit, na autim tok profet, i spik,Select Luke 1:67

68Blesing i stap long God Bikpela bilong Isrel. Long wanem, em i bin kam lukim na baim bek lain manmeri bilong em,Select Luke 1:68

69Na em i bin kirapim wanpela kom bilong kisim bek bilong helpim yumi insait long hauslain bilong wokboi bilong em Devit,Select Luke 1:69

70Olsem em i toktok long maus bilong ol profet holi bilong em, husat i bin stap inap long taim dispela graun i stat,Select Luke 1:70

71Inap long em i ken kisim bek yumi long ol birua bilong yumi, na long han bilong olgeta husat i hetim yumi,Select Luke 1:71

72Long wokim dispela sori em i bin promisim long ol tumbuna papa bilong yumi, na long holim tingting long kontrak holi bilong em,Select Luke 1:72

73Dispela promis antap em i promis antap i go long tumbuna papa bilong yumi Ebraham,Select Luke 1:73

74Long em bai givim long yumi, inap long taim em bai kisim bek yumi ausait long han bilong ol birua bilong yumi, yumi ken bihainim em taim yumi no gat pret,Select Luke 1:74

75Long pasin holi na stretpela pasin long ai bilong em, olgeta de bilong laip bilong yumi.Select Luke 1:75

76Na yu, pikinini, ol bai kolim profet bilong Man i Antap Moa Olgeta. Long wanem, yu bai go paslain long pes bilong Bikpela long redim ol rot bilong em,Select Luke 1:76

77Long givim save bilong pasin bilong kisim bek i go long ol manmeri bilong em long wok bilong pasin bilong lusim ol sin bilong ol,Select Luke 1:77

78Long wok bilong sori i isi moa bilong God bilong yumi, we long dispela rot sankamap i kam long antap tru i bin kam lukim yumi,Select Luke 1:78

79Long givim lait long ol husat i sindaun long tudak na long tewel bilong san bilong dai, long stiaim ol lek bilong yumi i go long rot bilong bel isi.Select Luke 1:79

80Na dispela pikinini i go bikpela, na wok long kamap strong insait long spirit, na em i stap long ol ples i no gat man inap long de bilong em bilong kamap ples klia long Isrel.Select Luke 1:80