12Luke 12

1¶ Long dispela taim tu, taim ol i bung wantaim wanpela bikpela lain tru man i no inap kaunim bilong ol manmeri, inap olsem long ol i wokabaut antap long wanpela i go long narapela, em i stat long tokim ol disaipel bilong em pastaim long olgeta, Yupela lukaut gut long yis bilong ol Farisi, dispela em i pasin bilong tupela maus.Select Luke 12:1

2Long wanem, i no gat wanpela samting ol i karamapim, long em bai i no inap kamap ples klia, na tu samting ol i haitim, long ol man bai i no inap save long en.Select Luke 12:2

3Olsem na wanem samting yupela i bin toktok long tudak bai ol man i harim long lait. Na dispela samting yupela i bin toktok long ia insait long ol liklik rum bai ol i telimautim antap long ol antap bilong ol haus.Select Luke 12:3

4Na mi tokim yupela ol pren bilong mi, No ken pret long ol husat i kilim bodi, na bihain long dispela i no gat samting moa long ol i ken mekim.Select Luke 12:4

5Tasol mi bai tok lukaut long yupela long yupela bai pretim husat. Pretim em, husat bihain long em i bin kilim yupela em i gat pawa bilong tromoi yupela insait long hel. Yes, mi tokim yupela, Pretim em.Select Luke 12:5

6Ating i yes long ol i salim faipela spero long tupela fating, na i no gat wanpela bilong ol God i lusim tingting long ol?Select Luke 12:6

7Tasol, yes, ol gras stet bilong het bilong yupela God i kaunim olgeta. Olsem na no ken pret. Yupela i dia moa long planti spero.Select Luke 12:7

8Na tu mi tokim yupela, Husat man bai tok yes long mi long ai bilong ol man, Pikinini Man bilong man bai tok yes tu long em long ai bilong ol ensel bilong God.Select Luke 12:8

9Tasol em husat i tok nogat long mi long ai bilong ol man bai mi tok nogat long em long ai bilong ol ensel bilong God.Select Luke 12:9

10Na husat man bai tokim wanpela toktok i birua long Pikinini Man bilong man, God bai lusim dispela sin long em. Tasol long em husat i tok bilas i birua long Holi Spirit God bai i no inap lusim dispela.Select Luke 12:10

11Na taim ol i bringim yupela long ol sinagog, na long ol kiap, na ol man i gat pawa, yupela i no ken tingting planti long yupela bai bekim olsem wanem o wantaim wanem samting, o long yupela bai tok wanem.Select Luke 12:11

12Long wanem, Holi Spirit bai skulim yupela long dispela aua stret long yupela i mas tok wanem.Select Luke 12:12

13¶ Na wanpela bilong dispela lain i tokim em, Tisa, toktok long brata bilong mi, long em i ken brukim samting papa i givim long pikinini wantaim mi.Select Luke 12:13

14Na em i tokim em, Man, husat i mekim mi wanpela jas o man bilong brukim samting long bosim yupela?Select Luke 12:14

15Na em i tokim em, Was gut, na lukaut gut long pasin mangal. Long wanem, laip bilong man i no stap gut long ol dispela planti samting moa yet em i holimpas.Select Luke 12:15

16Na em i tokim ol long wanpela tok piksa, i spik, Graun bilong wanpela maniman i karim planti kaikai moa.Select Luke 12:16

17Na em i tingting insait long em yet, i spik, Mi bai mekim wanem, bilong wanem, mi no gat spes we mi ken putim ol kaikai bilong mi?Select Luke 12:17

18Na em i tok, Mi bai mekim dispela. Mi bai pulim ol bakstua bilong mi i go daun, na wokim sampela i bikpela moa. Na long dispela hap bai mi putim olgeta kaikai bilong mi na ol kago bilong mi.Select Luke 12:18

19Na mi bai tokim tewel bilong mi, Tewel, yu gat planti kago i bung i stap bilong planti yia. Kisim malolo bilong yu, kaikai, dring, na stap amamas.Select Luke 12:19

20Tasol God i tokim em, Yu krankiman, dispela nait mi bai strong long askim long yu long tewel bilong yu. Nau ol dispela samting bai bilong husat, dispela yu bin redim?Select Luke 12:20

21Em i olsem long em husat i bungim i stap ol samting i dia tru bilong em yet, na i no pulap long samting i dia tru i go long God.Select Luke 12:21

22¶ Na em i tokim ol disaipel bilong em, Olsem na mi tokim yupela, No ken tingting planti long laip bilong yupela, long yupela bai kaikai wanem. Na tu long bodi, long yupela bai werim wanem.Select Luke 12:22

23Laip em i moa long kaikai, na bodi i moa long klos.Select Luke 12:23

24Tingim na skelim ol kotkot. Long wanem, ol i no planim o kamautim, husat i no gat haus bilong putim kago o bakstua. Na God i givim kaikai long ol. Hamas moa yupela i winim ol pisin?Select Luke 12:24

25Na husat bilong yupela taim em i tingting planti i ken skruim wanpela kyubit long longpela bilong em?Select Luke 12:25

26Nau sapos yupela i no inap long wokim dispela samting i liklik olgeta, bilong wanem yupela i tingting planti long ol arapela?Select Luke 12:26

27Tingim na skelim ol lili long ol i kamap bikpela olsem wanem. Ol i no hatwok, ol i no tantanim. Na yet mi tokim yupela, long Solomon insait long olgeta glori bilong em i no putim naispela klos i olsem wanpela bilong ol dispela.Select Luke 12:27

28Nau sapos God i putim klos long gras olsem, dispela i stap tude long ples kunai, na tumora ol i tromoi insait long aven, hamas moa bai em i putim klos long yupela, O yupela bilong liklik bilip tru?Select Luke 12:28

29Na yupela i no ken painim wanem samting yupela bai kaikai, o wanem samting yupela bai dring, na tu yupela i no ken gat tingting i pulap long tupela tingting.Select Luke 12:29

30Long wanem, olgeta ol dispela samting ol kantri bilong dispela graun i painim strong. Na Papa bilong yupela i save long yupela i gat nid long ol dispela samting.Select Luke 12:30

31Tasol mobeta yupela i painim kingdom bilong God. Na God bai skruim olgeta dispela samting long yupela.Select Luke 12:31

32No ken pret, liklik lain sipsip. Long wanem, em i gutpela amamas bilong Papa bilong yupela long givim kingdom long yupela.Select Luke 12:32

33Salim long mani dispela yupela i gat, na givim sori mani. Redim long yupela yet ol dispela bek i no wok long kamap olpela, wanpela samting i dia tru insait long ol heven, dispela i no inap fel, we i no gat stilman i ken kam klostu, o bataplai bilong nait i ken bagarapim.Select Luke 12:33

34Long wanem, we samting i dia tru bilong yupela i stap, bel bilong yupela bai stap long dispela hap tu.Select Luke 12:34

35Pasim strong nabaut ol namel bilong bel bilong yupela, na larim ol lait bilong yupela i ken paia.Select Luke 12:35

36Na yupela yupela yet i ken stap olsem ol man husat i wet long bikman bilong ol, taim em bai kam bek long dispela marit. Inap long taim em i kam na paitim dua, ol i ken opim long em wantu.Select Luke 12:36

37Blesing i stap long ol dispela wokboi, husat taim bikman bilong ol i kam em bai lukim ol i was i stap. Tru tumas, mi tokim yupela, long em bai pasim strong namel bilong em yet, na mekim ol long sindaun long kaikai, na em bai kam ausait na tilim kaikai long ol.Select Luke 12:37

38Na sapos em bai kam long namba tu was, o kam long namba tri was, na lukim ol olsem, blesing bai stap long ol dispela wokboi.Select Luke 12:38

39Na save long dispela, long sapos papa bilong haus i bin save long wanem aua stilman i laik kam, em i bin was, na em i no bin larim stilman i brukim i kam namel long haus bilong em.Select Luke 12:39

40Olsem na yupela i mas stap redi tu. Long wanem, Pikinini Man bilong man i kam long wanpela aua, taim yupela i no ting.Select Luke 12:40

41¶ Nau Pita i tokim em, Bikpela, yu toktok long dispela tok piksa long mipela, o, yes, long olgeta?Select Luke 12:41

42Na Bikpela i tok, Husat nau em i dispela man bilong lukautim ol samting yu inap bilip long em na i gat save tru, husat bikman bilong em bai mekim em hetman long bosim hauslain bilong em, long givim ol ol hap skel bilong kaikai bilong ol long taim stret em i makim?Select Luke 12:42

43Blesing i stap long dispela wokboi, husat taim bikman bilong em i kam em bai luksave long em i mekim olsem.Select Luke 12:43

44Em i tru, mi tokim yupela, long em bai mekim em hetman long bosim olgeta samting em i gat.Select Luke 12:44

45Tasol na sapos dispela wokboi i toktok insait long bel bilong em, Bikman bilong mi i no mekim kam bek bilong em hariap, na em bai stat long paitim ol wokman na ol yangpela meri, na long kaikai na dring, na long stap spak,Select Luke 12:45

46Bikman bilong dispela wokboi bai kam long wanpela de, taim em i no lukluk long em, na long wanpela aua, taim em i no klia long en, na em bai katim em long ol hap, na em bai makim hap skel bilong em wantaim ol man i no gat bilip.Select Luke 12:46

47Na dispela wokboi, husat i save long laik bilong bikman bilong em, na em i no redim em yet, na tu em i no mekim bilong bihainim laik bilong em, ol bai paitim wantaim planti mak bilong wip.Select Luke 12:47

48Tasol em husat i no save, na em i mekim ol samting i inap long ol mak bilong wip, ol bai paitim ol wantaim liklik namba tasol bilong ol mak bilong wip. Long wanem, long husat man em i givim planti, long em bai em i strong long askim planti. Na long husat ol man i bin putim planti long han bilong em, long em ol bai askim moa.Select Luke 12:48

49Mi kam long salim paia long dispela graun. Na mi bai mekim wanem, sapos paia i kirap pinis long dispela?Select Luke 12:49

50Tasol mi gat wanpela baptais mi bai kisim baptais long en. Na mi ken pilim bikpela wari inap long dispela i kamap pinis olsem wanem!Select Luke 12:50

51Yupela i ting olsem long mi kam long givim bel isi long dispela graun? Mi tokim yupela, Nogat, tasol mobeta long brukim.Select Luke 12:51

52Long wanem, i stat long nau i go bai i gat faipela insait long wanpela hauslain i bruk, tripela i birua long tupela, na tupela i birua long tripela.Select Luke 12:52

53Papa bai bruk i birua long pikinini man, na pikinini man i birua long papa. Mama bai birua long pikinini meri, na pikinini meri bai i birua long mama. Tambu mama bai birua long tambu pikinini meri bilong em, na tambu pikinini meri bai birua long tambu mama bilong em.Select Luke 12:53

54¶ Na em i tok tu long ol manmeri, Taim yupela i lukim wanpela klaut i kirap long hap wes, kwiktaim yupela i tok, I gat ren bai kam. Na em i olsem.Select Luke 12:54

55Na taim yupela i lukim win i ran i kam long hap saut, yupela i tok, Hat bai kam. Na dispela i kamap olsem.Select Luke 12:55

56Yupela ol man bilong tupela maus, yupela i ken kamap klia tru long pes bilong skai na bilong dispela graun. Tasol olsem wanem em i stap olsem long yupela i no kamap klia tru long dispela taim?Select Luke 12:56

57Yes, na bilong wanem, yes, long yupela yet yupela i no jasim wanem samting i stretpela?Select Luke 12:57

58Taim yu go wantaim birua bilong yu long kiap, taim yu stap long rot, wok strong long samting i ken kisim bek yu long em. Nogut em i karim yu i go long jas, na jas i givim yu long ofisa, na ofisa i tromoi yu i go insait long kalabus.Select Luke 12:58

59Mi tokim yu, yu bai i no inap lusim dispela ples, inap long yu bin baim las mait tru.Select Luke 12:59