20Luke 20

1¶ Na em i kamap olsem, long wanpela bilong ol dispela de, taim em i skulim ol manmeri insait long tempel, na autim gutnius, ol bikpris na ol man bilong rait i kam long em wantaim ol lapun hetman,Select Luke 20:1

2Na tokim em, i spik, Tokim mipela, yu kisim wanem namba long mekim ol dispela samting? O em i husat husat i givim yu dispela namba?Select Luke 20:2

3Na em i bekim na tokim ol, Mi tu bai askim yupela wanpela samting. Na bekim mi.Select Luke 20:3

4Baptais bilong Jon, em i kam long heven, ol long ol man?Select Luke 20:4

5Na ol i wok long stretim tok wantaim ol yet, i spik, Sapos yumi bai tok, Long heven, em bai tok, Bilong wanem nau yupela i no bilipim em?Select Luke 20:5

6Tasol na sapos yumi tok, Bilong ol man, olgeta bilong ol manmeri bai tromoi ston long yumi. Long wanem, ol i tingting strong long Jon i bin stap wanpela profet.Select Luke 20:6

7Na ol i bekim tok, long ol i no inap tokaut long dispela i kam long we.Select Luke 20:7

8Na Jisas i tokim ol, Na tu bai mi no inap tokim yupela long mi kisim wanem namba long mekim ol dispela samting.Select Luke 20:8

9¶ Nau em i stat long toktok long ol manmeri long dispela tok piksa, Wanpela man i planim wanpela gaden wain, na em i larim dispela long ol man bilong lukautim gaden long lukautim long pe, na em i go long wanpela longwe kantri longpela taim.Select Luke 20:9

10Na long taim bilong kamautim kaikai em i salim wanpela wokboi long ol man bilong lukautim gaden, inap long ol i ken givim em kaikai bilong dispela gaden wain. Tasol ol man bilong lukautim gaden i paitim em, na salim em i go emti.Select Luke 20:10

11Na gen em i salim narapela wokboi. Na ol i paitim em tu, na mekim pasin nogut long em inap long em i sem, na salim em i go emti.Select Luke 20:11

12Na gen em i salim namba tri wokboi. Na ol i bagarapim em tu, na tromoi em i go ausait.Select Luke 20:12

13Nau bikman bilong dispela gaden wain i tok, Mi bai mekim wanem? Mi bai salim pikinini man bilong mi i stap klostu tru long bel bilong mi. Em i ken stap olsem long ol bai givim biknem tru long em taim ol i lukim em.Select Luke 20:13

14Tasol taim ol man bilong lukautim gaden i lukim em, ol i wok long stretim tok namel long ol yet, i spik, Dispela em i pikinini bilong kisim samting long papa. Kam, yumi kilim em, inap long samting papa i laik givim pikinini i ken bilong yumi.Select Luke 20:14

15Olsem tasol ol i tromoi em ausait long gaden wain, na kilim em. Olsem na, bikman bilong dispela gaden wain bai mekim wanem long ol?Select Luke 20:15

16Em bai kam na bagarapim olgeta ol dispela man bilong lukautim gaden, na em bai givim gaden wain long ol arapela. Na taim ol i harim dispela, ol i tok, I no ken tru.Select Luke 20:16

17Na em i lukim ol, na tok, Dispela rait i stap pinis nau em i wanem, Dispela ston ol wokman bilong haus i bin tok nogat olgeta long en, dispela stret i kamap het bilong kona?Select Luke 20:17

18Husat man bai pundaun antap long dispela ston bai bruk. Tasol long husat man dispela ston bai pundaun long en, em bai krungutim em i kamap paura.Select Luke 20:18

19Na ol bikpris na ol man bilong rait, long dispela aua stret, i painim rot long putim ol han antap long em. Na ol i pret long ol manmeri. Long wanem, ol i kisim save long em i bin toktok long dispela tok piksa i birua long ol.Select Luke 20:19

20¶ Na ol i was long em, na salim ol man bilong lukstil i go ausait, husat i ken giaman olsem ol yet i stap ol stretpela man, inap long ol i ken holimpas ol toktok bilong em, inap long olsem tasol ol i ken givim em long pawa na namba bilong nambawan gavman.Select Luke 20:20

21Na ol i askim em, i spik, Tisa, mipela save long yu toktok na skulim ol manmeri stretpela, na tu yu no orait long tingim namba bilong wanpela man, tasol yu skulim ol manmeri long rot bilong God tru tru.Select Luke 20:21

22Em i orait long lo long mipela i ken givim takis long Sisa, o nogat?Select Luke 20:22

23Tasol Jisas i kisim save long trik pasin bilong ol, na tokim ol, Bilong wanem yupela i traim mi?Select Luke 20:23

24Soim mi wanpela peni. Em i gat piksa na rait ol i sapim bilong husat? Na ol i bekim na tok, Bilong Sisa.Select Luke 20:24

25Na em i tokim ol, Olsem na bekim long Sisa ol dispela samting i bilong Sisa, na long God ol dispela samting i bilong God.Select Luke 20:25

26Na ol i no inap long holimpas ol toktok bilong em long ai bilong ol manmeri. Na ol i tingting planti long bekim bilong em, na ol i pasim ol maus bilong ol.Select Luke 20:26

27¶ Nau sampela bilong ol Sadyusi i kam long em, husat i tok nogat long i gat wanpela kirap bek long dai. Na ol i askim em,Select Luke 20:27

28I spik, Tisa, Moses i raitim long mipela, Sapos brata bilong wanpela man i dai, taim em i gat meri, na em i dai taim em i no gat pikinini, long brata bilong em i mas kisim meri bilong em, na kirapim tumbuna pikinini long brata bilong em.Select Luke 20:28

29Olsem na i gat sevenpela brata. Na namba wan i kisim wanpela meri, na em i dai taim em i no gat pikinini.Select Luke 20:29

30Na namba tu i kisim meri long maritim, na em i dai na em i no gat pikinini.Select Luke 20:30

31Na namba tri i kisim em. Na long wankain pasin dispela sevenpela tu. Na ol i no gat pikinini, na ol i dai.Select Luke 20:31

32Las long olgeta dispela meri tu i dai.Select Luke 20:32

33Olsem na long kirap bek long dai dispela meri bai meri bilong husat? Long wanem, sevenpela i bin maritim em.Select Luke 20:33

34Na Jisas i bekim tok long ol, Ol pikinini bilong dispela graun i marit, na ol i givim ol long marit.Select Luke 20:34

35Tasol ol husat God bai kaunim i gat namba inap long kisim dispela arapela skai na graun bilong kamap bihain, na kirap bek long dai, ol i no marit, na tu ol i no givim ol long marit.Select Luke 20:35

36Na tu ol i no inap dai moa liklik. Long wanem, ol i wanmak olsem ol ensel. Na ol i stap ol pikinini bilong God, taim ol i stap ol pikinini bilong kirap bek long dai.Select Luke 20:36

37Nau long sait bilong ol daiman bai kirap bek, yes, Moses i soim dispela long liklik bus, taim em i kolim Bikpela God bilong Ebraham, na God bilong Aisak, na God bilong Jekop.Select Luke 20:37

38Long wanem, em i no God bilong ol daiman, tasol bilong ol husat i stap laip. Long wanem, olgeta i stap laip long em.Select Luke 20:38

39¶ Nau sampela bilong ol man bilong rait i bekim tok, Tisa, yu bin mekim gutpela toktok.Select Luke 20:39

40Na bihain long dispela ol i no gat laik long askim em wanpela askim liklik.Select Luke 20:40

41Na em i tokim ol, Ol i tok long Kraist em i pikinini man bilong Devit olsem wanem?Select Luke 20:41

42Na Devit em yet i tok long buk bilong Ol Sam, BIKPELA i tokim Bikpela bilong mi, Yu sindaun long han sut bilong mi,Select Luke 20:42

43Inap long taim mi mekim ol birua bilong yu i kamap liklik sia bilong putim lek bilong yu.Select Luke 20:43

44Olsem na Devit i kolim em Bikpela, olsem wanem nau em i pikinini man bilong em?Select Luke 20:44

45Nau long ia bilong olgeta manmeri em i tokim ol disaipel bilong em,Select Luke 20:45

46Lukaut gut long ol man bilong rait, husat i gat laik long wokabaut long ol longpela saket, na husat i laikim tru ol tok gude long ol maket, na ol sia i antap moa olgeta long ol sinagog, na ol nambawan rum long ol bikpela kaikai,Select Luke 20:46

47Husat i kaikai olgeta ol haus bilong ol meri man bilong ol i dai pinis, na bilong soim ol yet ol i mekim ol longpela prea. Ol yet bai kisim pe nogut bilong kot i bikpela moa.Select Luke 20:47