15Mark 15

1¶ Na kwiktaim long moningtaim ol bikpris i holim wanpela bung bilong painim tingting wantaim ol lapun hetman na ol man bilong rait na dispela kaunsil olgeta, na ol i pasim Jisas, na karim Em i go, na givim Em long Pailat.Select Mark 15:1

2Na Pailat i askim Em, Yu stap King bilong ol Ju? Na Em i bekim tok long em, Yu tok olsem.Select Mark 15:2

3Na ol bikpris i sutim tok long Em long planti samting. Tasol Em i no bekim wanpela samting.Select Mark 15:3

4Na Pailat i askim Em gen, i spik, Yu no bekim wanpela samting? Lukim hamas samting ol i witnes i birua long Yu.Select Mark 15:4

5Tasol yet Jisas i no bekim wanpela samting, inap long Pailat i tingting planti.Select Mark 15:5

6Nau long dispela bikpela kaikai em i lusim long ol wanpela kalabusman, husat man ol i gat laik.Select Mark 15:6

7Na i gat wanpela husat nem bilong en em Barabas, husat i slip pas wantaim ol husat i bin wokim bikpela kirap long birua long gavman wantaim em, husat i bin kilim man insait long dispela bikpela kirap long birua long gavman.Select Mark 15:7

8Na dispela bikpela lain tru i stat long singaut strong long askim em long mekim olsem em i bin mekim oltaim long ol.Select Mark 15:8

9Tasol Pailat i bekim ol, i spik, Yupela i gat laik long Mi lusim long yupela King bilong ol Ju?Select Mark 15:9

10Long wanem, em i save long ol bikpris i bin gat mangal tingting na givim Em long em.Select Mark 15:10

11Tasol ol bikpris i muvim ol manmeri, long em i mobeta long em i ken lusim Barabas i go long ol.Select Mark 15:11

12Na Pailat i bekim na tok gen long ol, Yupela i gat laik nau long mi bai mekim wanem long Em husat yupela i kolim King bilong ol Ju?Select Mark 15:12

13Na ol i singaut gen, Nilim Em long diwai kros.Select Mark 15:13

14Nau Pailat i tokim ol, Bilong wanem, Em i bin mekim wanem pasin nogut? Na ol i singaut planti moa yet, Nilim Em long diwai kros.Select Mark 15:14

15¶ Na olsem tasol Pailat, taim em i gat laik long mekim ol manmeri long tok em inap, i givim Barabas long ol, na givim Jisas, taim em i bin wipim Em, long ol i ken nilim Em long diwai kros.Select Mark 15:15

16Na ol soldia i bringim Em i go insait long bikpela rum ol i kolim Pretoriam. Na ol i singautim olgeta lain soldia bilong bung wantaim.Select Mark 15:16

17Na ol i putim purpelpela klos long Em, na wokim wanpela hat king bilong ol rop i gat nil, na putim dispela nabaut long het bilong Em,Select Mark 15:17

18Na ol i stat long tok gude long Em, Gude, King bilong ol Ju!Select Mark 15:18

19Na ol i paitim Em long het wantaim wanpela rit, na ol i bin spet antap long Em, na taim ol i lindaunim ol skru bilong ol ol i lotuim Em.Select Mark 15:19

20Na taim ol i bin wokim pani long daunim Em pinis, ol i rausim dispela purpelpela long Em, na putim klos bilong Em Yet long Em, na bringim Em ausait bilong nilim Em long diwai kros.Select Mark 15:20

21Na ol i pulim strong wanpela man Sairini Saimon, husat i wokabaut klostu, taim em i kam ausait long hap i no gat planti man, papa bilong Aleksandar na Rufas, long karim diwai kros bilong Em.Select Mark 15:21

22¶ Na ol i bringim Em i go long ples Golgata, dispela em, taim ol i tanim, Ples bilong bun bilong het.Select Mark 15:22

23Na ol i givim Em bilong dring wain ol i abusim wantaim mur. Tasol Em i no kisim dispela.Select Mark 15:23

24Na taim ol i bin nilim Em long diwai kros, ol i brukim ol klos bilong Em, taim ol i tromoi satu antap long ol, long olgeta wan wan man bai kisim wanem.Select Mark 15:24

25Na em i namba tri aua, na ol i nilim Em long diwai kros.Select Mark 15:25

26Na rait ol i sapim bilong sutim tok long Em ol i raitim antap, KING BILONG OL JU.Select Mark 15:26

27Na wantaim Em ol i nilim tupela stilman long diwai kros, wanpela long han sut bilong Em, na arapela long han kais.Select Mark 15:27

28Na rait bilong God i kamap pinis, dispela i tok, Na ol i kaunim Em wantaim ol man bilong kalapim lo.Select Mark 15:28

29Na ol husat i wokabaut klostu i daunim Em tru, na seksekim ol het bilong ol, na tok, Ah, Yu husat i bagarapim tempel olgeta, na wokim dispela gen long tripela de,Select Mark 15:29

30Kisim bek Yu Yet, na kam daun long diwai kros.Select Mark 15:30

31Wankain olsem tu ol bikpris i wokim pani long daunim namel long ol yet wantaim ol man bilong rait, Em i kisim bek ol arapela. Em i no inap long kisim bek Em Yet.Select Mark 15:31

32Larim Kraist, King bilong Isrel, kam daun nau long diwai kros, inap long yumi ken lukim na bilipim. Na tupela husat ol i nilim long diwai kros wantaim Em i sutim tok nogut long Em.Select Mark 15:32

33¶ Na taim namba sikis aua i kam, i gat tudak antap long dispela hap olgeta inap long namba nain aua.Select Mark 15:33

34Na long namba nain aua Jisas i singaut wantaim bikpela nek, i spik Eloi, Eloi, lama sabaktani? Dispela em, taim ol i tanim, God bilong Mi, God bilong Mi, bilong wanem Yu bin givim baksait long Mi?Select Mark 15:34

35Na sampela husat i sanap klostu, taim ol i harim dispela, i tok, Lukim, em i singautim Ilaias.Select Mark 15:35

36Na wanpela i ran na pulimapim wanpela spans i pulap long vinega, na putim dispela long wanpela rit, na givim Em bilong dring, i spik, Larim i stap. Yumi lukim long Ilaias bai kam long kisim Em i go daun o nogat.Select Mark 15:36

37Na Jisas i singaut wantaim bikpela nek, na lusim spirit bilong Em.Select Mark 15:37

38Na laplap bilong tempel i bruk long tupela hap i stat long antap i go daunbilo olgeta.Select Mark 15:38

39Na taim dispela kepten bilong 100 soldia, husat i sanap pas klostu long Em, i lukim long Em i singaut olsem, na lusim spirit bilong Em, em i tok, Tru tumas, dispela Man em i Pikinini Man bilong God.Select Mark 15:39

40I gat tu ol meri i stap longwe na lukluk. Namel long husat em Maria Magdala, na Maria, mama bilong liklik Jems na bilong Joses, na Salomi,Select Mark 15:40

41(Husat tu, taim Em i stap long Galili, i bihainim Em, na wokim wok long Em,) na planti arapela meri husat i kam antap wantaim Em long Jerusalem.Select Mark 15:41

42¶ Na nau taim apinun tru i kam pinis, bikos em i de bilong redim, em i olsem, de bipo long sabat,Select Mark 15:42

43Josep bilong Arimatia, wanpela man bilong givim tok helpim i gat ona, husat tu i wetim kingdom bilong God, i kam, na go insait long Pailat wantaim pasin bilong i no pret, na em i laik tru long kisim daibodi bilong Jisas.Select Mark 15:43

44Na Pailat i tingting planti long sapos Em i bin dai pinis. Na taim em i singautim long em dispela kepten bilong 100 soldia, em i askim em long Em i bin stap daiman sampela taim liklik o nogat.Select Mark 15:44

45Na taim em i save long en long kepten bilong 100 soldia, em i givim daibodi long Josep.Select Mark 15:45

46Na em i baim ol laplap i naispela tru, na kisim Em i go daun, na tantanim Em insait long naispela laplap, na slipim Em insait long dispela matmat ol man i katim ausait long ston, na tantanim wanpela ston i go long dua bilong matmat.Select Mark 15:46

47Na Maria Magdala na Maria, mama bilong Joses, i lukim hap we ol i slipim Em.Select Mark 15:47