15Matthew 15

1¶ Nau ol man bilong rait na ol Farisi husat i bilong Jerusalem i kam long Jisas, i spik,Select Matthew 15:1

2Bilong wanem ol disaipel bilong yu i kalapim lo bilong kastam bilong ol lapun hetman? Long wanem, ol i no wasim ol han bilong ol taim ol i kaikai bret.Select Matthew 15:2

3Tasol em i bekim na tokim ol, Bilong wanem yupela tu i kalapim lo bilong tok strong bilong God long kastam bilong yupela?Select Matthew 15:3

4Long wanem, God i tok strong, i spik, Givim ona long papa na mama bilong yu. Na, Em husat i toknogutim papa o mama, larim em dai long dispela dai.Select Matthew 15:4

5Tasol yupela i tok, Husat man bai tokim papa o mama bilong em, Em i wanpela presen, long wanem samting yu ken winim pinis long mi,Select Matthew 15:5

6Na em i no givim ona long papa bilong em o mama bilong em, em bai stap fri. Olsem tasol yupela i bin mekim tok strong bilong God i no gat pawa wantaim kastam bilong yupela.Select Matthew 15:6

7Yupela ol man bilong tupela maus, Eseas i bin tok profet gutpela long yupela, i spik,Select Matthew 15:7

8Dispela lain manmeri i wok long i go klostu long mi wantaim maus bilong ol, na givim ona long mi wantaim ol lip bilong ol. Tasol bel bilong ol i stap longwe long mi.Select Matthew 15:8

9Tasol ol i lotuim mi nating, taim ol i skulim ol manmeri long ol tok strong bilong ol man em i ol skul bilong God.Select Matthew 15:9

10¶ Na em i singautim dispela bikpela lain tru, na tokim ol, Harim, na kisim save.Select Matthew 15:10

11I no dispela samting i go insait long maus i mekim man i doti. Tasol dispela samting i kam ausait long maus, dispela i mekim man i doti.Select Matthew 15:11

12Nau ol disaipel bilong em i kam, na tokim em, Yu save long ol bel bilong ol Farisi i kisim bagarap, bihain long ol i harim dispela toktok?Select Matthew 15:12

13Tasol em i bekim na tok, Olgeta wan wan samting man i planim, dispela Papa bilong mi bilong heven i no bin planim, bai mi kamautim wantaim rop daunbilo bilong en.Select Matthew 15:13

14Larim ol i stap. Ol i stap ol aipas lida bilong ol aipas. Na sapos aipas i stiaim aipas, tupela wantaim bai pundaun insait long baret.Select Matthew 15:14

15Nau Pita i bekim na tokim em, Tokaut long mipela long dispela tok piksa.Select Matthew 15:15

16Na Jisas i tok, Ating yupela tu i sot olgeta long gutpela save yet?Select Matthew 15:16

17Ating i yes long yupela i kisim save yet, long wanem samting i go insait long maus i go insait long bel, na bodi i tromoi i go ausait insait long pipia?Select Matthew 15:17

18Tasol ol dispela samting, dispela i kam ausait long maus i kam ausait long bel. Na ol i mekim man i doti.Select Matthew 15:18

19Long wanem, ausait long bel ol tingting nogut i kam, ol pasin bilong kilim man, ol pasin bilong bagarapim marit long pamuk pasin, ol pamuk pasin, ol stil pasin, giaman witnes, ol tok bilas.Select Matthew 15:19

20Ol dispela em ol dispela samting i mekim man i doti. Tasol long kaikai wantaim ol han man i no wasim i no mekim man i doti.Select Matthew 15:20

21¶ Nau Jisas i go long hap, na lusim dispela ples i go long ol hap arere bilong Tair na Saidon.Select Matthew 15:21

22Na, lukim, wanpela meri bilong Kenan i kam ausait long ol dispela hap arere stret, na singaut i go long em, i spik, Sori long mi, O Bikpela, yu Pikinini Man bilong Devit. Wanpela spirit nogut i givim hevi nogut tru long pikinini meri bilong mi.Select Matthew 15:22

23Tasol em i no bekim em long wanpela tok. Na ol disaipel bilong em i kam na askim em plis strong, i spik, Salim em i go. Long wanem, em i singaut i bihainim yumi.Select Matthew 15:23

24Tasol em i bekim na tok, Papa i no salim mi long ol arapela, long sipsip i lus bilong hauslain bilong Isrel tasol.Select Matthew 15:24

25Nau meri i kam na lotuim em, i spik, Bikpela, helpim mi.Select Matthew 15:25

26Tasol em i bekim na tok, Em i no fit long kisim ol bret bilong ol pikinini, na long tromoi dispela i go long ol dok.Select Matthew 15:26

27Na em i tok, Tru, Bikpela, tasol ol dok i kaikai long ol dispela pipia bilong kaikai i pundaun long tebol bilong ol bosman bilong ol.Select Matthew 15:27

28Nau Jisas i bekim na tokim em, O meri, bilip tru bilong yu em i bikpela. Em bai stap long yu, yes, olsem yu gat laik. Na pikinini meri bilong em i kamap orait olgeta i stat long dispela aua stret.Select Matthew 15:28

29¶ Na Jisas i lusim dispela ples, na kam klostu long biksi Galili. Na em i go antap long wanpela maunten, na sindaun long dispela hap.Select Matthew 15:29

30Na ol traipela lain tru i kam long em, taim ol i gat wantaim ol ol dispela husat i lek nogut, aipas, mauspas, ol man husat hap bodi bilong ol i bagarap, na planti arapela, na tromoi ol i go daun long tupela lek bilong Jisas. Na em i oraitim ol,Select Matthew 15:30

31Inap olsem long bikpela lain tru i tingting planti, taim ol i lukim ol mauspas i toktok, ol man husat hap bodi bilong ol i bagarap i kamap orait olgeta, ol lek nogut i wokabaut, na ol aipas i lukluk. Na ol i givim glori long God bilong Isrel.Select Matthew 15:31

32Nau Jisas i singautim ol disaipel bilong em i kam long em, na tok, Mi gat pasin sori long dispela bikpela lain tru, bilong wanem, ol i stap yet wantaim mi nau tripela de, na ol i no gat samting long kaikai. Na mi bai i no inap salim ol i go taim ol i tambuim kaikai, nogut ol i hap i dai long rot.Select Matthew 15:32

33Na ol disaipel bilong em i tokim em, Mipela i ken gat bret inap olsem i kam long we long ples i no gat man, inap long mipela i ken pulimapim traipela lain tru olsem?Select Matthew 15:33

34Na Jisas i tokim ol, Yupela i gat hamas hap bret? Na ol i tok, Sevenpela, na wan wan liklik pis.Select Matthew 15:34

35Na em i tok strong long dispela bikpela lain tru long sindaun long graun.Select Matthew 15:35

36Na em i kisim dispela sevenpela hap bret na ol pis, na givim tok tenkyu, na brukim ol, na givim long ol disaipel bilong em, na ol disaipel i givim long dispela bikpela lain tru.Select Matthew 15:36

37Na ol olgeta i bin kaikai, na ol i pulap. Na ol i bungim ol dispela kaikai i bruk i stap yet sevenpela basket i pulap.Select Matthew 15:37

38Na ol husat i bin kaikai em i 4,000 man, na dispela i no kaunim ol meri na ol pikinini.Select Matthew 15:38

39Na em i salim dispela bikpela lain tru i go, na em i kalap long sip, na kam insait long ol hap arere bilong Makdala.Select Matthew 15:39