22Matthew 22

1¶ Na Jisas i bekim na tokim ol gen long ol tok piksa, na tok,Select Matthew 22:1

2Kingdom bilong heven em i olsem wanpela king, husat i wokim wanpela marit bilong pikinini man bilong em,Select Matthew 22:2

3Na em i salim ol wokboi bilong em ausait long singautim ol husat em i askim long kam long marit. Na ol i no laik kam.Select Matthew 22:3

4Na gen, em i salim ol arapela wokboi ausait, i spik, Tokim ol husat mi askim long kam, Lukim, mi bin redim bikpela kaikai bilong mi. Ol bulmakau man bilong mi na ol patpela abus bilong mi mipela i kilim pinis, na olgeta samting i redi. Kam long dispela marit.Select Matthew 22:4

5Tasol ol olgeta i tok em i samting nating, na go long ol rot bilong ol, wanpela long bikpela lain gaden bilong em, narapela long ol kago bilong em.Select Matthew 22:5

6Na hap lain i stap yet i kisim ol wokboi bilong em, na mekim long ol ol pasin i pulap long bel nogut tru, na kilim ol i dai.Select Matthew 22:6

7Tasol taim king i harim long en, em i belhat tru. Na em i salim ol ami bilong em i go ausait, na bagarapim olgeta ol dispela man bilong kilim man, na kukim biktaun bilong ol olgeta.Select Matthew 22:7

8Nau em i tokim ol wokboi bilong em, Marit i redi, tasol ol husat mi bin askim i no gat namba inap long en.Select Matthew 22:8

9Olsem na yupela go long ol bikrot, na hamas man yupela bai lukim, askim ol long kam long dispela marit.Select Matthew 22:9

10Olsem tasol ol dispela wokboi i go ausait long ol bikrot, na bungim wantaim olgeta hamas man ol i lukim, nogut na gutpela wantaim. Na marit i gat ol manmeri ol i askim.Select Matthew 22:10

11Na taim king i kam insait long lukim ol manmeri ol i askim, em i lukim long dispela hap wanpela man husat i no bin werim klos bilong marit.Select Matthew 22:11

12Na em i tokim em, Pren, olsem wanem yu kam long hia taim yu no gat klos bilong marit? Na em i no gat toktok.Select Matthew 22:12

13Nau king i tokim ol wokboi, Pasim em han na lek, na rausim em i go, na tromoi em i go long ples tudak ausait. Long dispela hap bai i gat pasin bilong krai tru na pasin bilong kaikaim ol tit.Select Matthew 22:13

14Long wanem, God i singautim planti, tasol em i makim liklik lain tasol.Select Matthew 22:14

15¶ Nau ol Farisi i go, na kisim tok helpim long ol i ken paulim em nabaut insait long toktok bilong em olsem wanem.Select Matthew 22:15

16Na ol i salim i go ausait long em ol disaipel bilong ol wantaim ol lain bilong Herot, i spik, Tisa, mipela save long yu stap trupela, na yu save skulim ol manmeri long rot bilong God long pasin i tru, na tu yu no wari long wanpela man. Long wanem, yu no tingim namba bilong ol man.Select Matthew 22:16

17Olsem na tokim mipela, Yu ting wanem? Em i orait aninit long lo long givim takis mani long Sisa, o nogat?Select Matthew 22:17

18Tasol Jisas i kisim save long ol pasin nogut bilong ol, na tok, Bilong wanem yupela i traim mi, yupela ol man bilong tupela maus?Select Matthew 22:18

19Soim takis mani long mi. Na ol i bringim wanpela peni long em.Select Matthew 22:19

20Na em i tokim ol, Dispela piksa na rait ol i sapim long en em i bilong husat?Select Matthew 22:20

21Ol i tokim em, Bilong Sisa. Nau em i tokim ol, Olsem na bekim long Sisa ol dispela samting i bilong Sisa, na long God ol dispela samting i bilong God.Select Matthew 22:21

22Taim ol i bin harim ol dispela toktok, ol i tingting planti, na lusim em, na go long rot bilong ol yet.Select Matthew 22:22

23¶ Dispela de stret ol Sadyusi i kam long em, husat i tok long i no gat kirap bek, na ol i askim em,Select Matthew 22:23

24I spik, Tisa, Moses i tok, Sapos wanpela man i dai, taim em i no gat pikinini, brata bilong em bai maritim meri bilong em, na kirapim tumbuna pikinini long brata bilong em.Select Matthew 22:24

25Nau i gat i stap wantaim mipela sevenpela brata. Na namba wan, taim em i bin maritim wanpela meri, i dai pinis, na, taim em i no gat pikinini, em i lusim meri bilong em i go long brata bilong em.Select Matthew 22:25

26Wankain olsem namba tu tu, na namba tri, i go inap long namba seven.Select Matthew 22:26

27Na las long olgeta dispela meri i dai tu.Select Matthew 22:27

28Olsem na long kirap bek em bai stap meri bilong husat bilong dispela sevenpela? Long wanem, ol olgeta i bin kisim em.Select Matthew 22:28

29Jisas i bekim na tokim ol, Yupela i paul, taim yupela i no save long rait bilong God, o pawa bilong God.Select Matthew 22:29

30Long wanem, long kirap bek ol i no marit, o givim long marit, tasol ol i stap olsem ol ensel bilong God long heven.Select Matthew 22:30

31Tasol long sait bilong kirap bek long dai, ating i yes long yupela i bin ritim dispela samting God i toktok long yupela, i spik,Select Matthew 22:31

32Mi stap God bilong Ebraham, na God bilong Aisak, na God bilong Jekop? God em i no God bilong ol daiman, tasol bilong ol man i stap laip.Select Matthew 22:32

33Na taim dispela bikpela lain tru i harim dispela, ol i kirap nogut long skul bilong em.Select Matthew 22:33

34¶ Tasol taim ol Farisi i bin harim long em i bin pasim maus bilong ol Sadyusi, ol i bung wantaim.Select Matthew 22:34

35Nau wanpela bilong ol, husat i wanpela masta kot, i askim em wanpela askim, na traim em, na tok,Select Matthew 22:35

36Tisa, wanem em i nambawan tok strong bilong lo?Select Matthew 22:36

37Jisas i tokim em, Yu bai laikim tru Bikpela, God bilong yu, wantaim olgeta bel bilong yu, na wantaim olgeta tewel bilong yu, na wantaim olgeta tingting bilong yu.Select Matthew 22:37

38Dispela em i namba wan na nambawan tok strong.Select Matthew 22:38

39Na namba tu em i olsem dispela, Yu bai laikim tru man i stap klostu long yu olsem yu yet.Select Matthew 22:39

40Antap long dispela tupela tok strong olgeta lo na ol profet i hangamap.Select Matthew 22:40

41¶ Taim ol Farisi i bung wantaim, Jisas i askim ol,Select Matthew 22:41

42I spik, Yupela ting wanem long Kraist? Em i pikinini man bilong husat? Ol i tokim em, Pikinini Man bilong Devit.Select Matthew 22:42

43Em i tokim ol, Olsem wanem nau Devit long spirit i kolim em Bikpela, i spik,Select Matthew 22:43

44BIKPELA i tokim Bikpela bilong mi, Yu sindaun long han sut sait bilong mi, inap long mi mekim ol birua bilong yu i kamap liklik sia bilong putim lek bilong yu?Select Matthew 22:44

45Nau sapos Devit i kolim em Bikpela, em i pikinini man bilong em olsem wanem?Select Matthew 22:45

46Na i no gat man i inap long bekim em long wanpela tok, na tu i no gat wanpela man long dispela de i go i gat laik long askim em wanpela askim moa.Select Matthew 22:46