7Matthew 7

1¶ No ken jasim, inap long God i no ken jasim yupela.Select Matthew 7:1

2Long wanem, wantaim wanem kot yupela i jasim, God bai jasim yupela. Na wantaim wanem skel yupela i givim, God bai skelim long yupela gen.Select Matthew 7:2

3Na bilong wanem yu lukim dispela liklik hap pipia i stap long ai bilong brata bilong yu, tasol yu no tingim na skelim dispela rigel i stap long ai bilong yu yet?Select Matthew 7:3

4O yu bai tokim brata bilong yu olsem wanem, Larim mi pulim dispela liklik hap pipia i kam ausait long ai bilong yu, na, lukim, wanpela rigel i stap long ai bilong yu yet?Select Matthew 7:4

5Yu man bilong tupela maus, rausim pastaim dispela rigel i stap long ai bilong yu yet. Na nau yu bai lukluk klia long rausim liklik hap pipia i go ausait long ai bilong brata bilong yu.Select Matthew 7:5

6No ken givim dispela samting i holi i go long ol dok, na tu no ken tromoi ol kiau bilong golip bilong yupela long ai bilong ol pik, nogut ol i krungutim ol aninit long ol lek bilong ol, na tanim gen na brukim yupela.Select Matthew 7:6

7¶ Askim, na God bai givim dispela long yupela. Painim, na yupela bai lukim. Paitim dua, na God bai opim dispela long yupela.Select Matthew 7:7

8Long wanem, olgeta wan wan husat i askim i kisim. Na em husat i painim i lukim. Na long em husat i paitim dua God bai opim dispela.Select Matthew 7:8

9O wanem man i stap bilong yupela, husat sapos pikinini man bilong em i askim bret, bai em i givim em wanpela ston?Select Matthew 7:9

10O sapos em i askim long wanpela pis, bai em i givim em wanpela snek?Select Matthew 7:10

11Nau sapos yupela, taim yupela i stap nogut, i save long givim ol gutpela presen olsem wanem long ol pikinini bilong yupela, hamas moa bai Papa bilong yupela husat i stap long heven givim ol gutpela samting long ol husat i askim em?Select Matthew 7:11

12¶ Olsem na wanem kain olgeta samting yupela i gat laik long man i ken mekim long yupela, yes, yupela mas mekim olsem long ol. Long wanem, dispela em i dispela lo na ol profet.Select Matthew 7:12

13Yupela go insait long liklik dua bilong banis. Long wanem, dua bilong banis i gat bikpela brait, na rot i gat bikpela brait, dispela i go long bagarap olgeta, na i gat planti i stap husat i go insait long en.Select Matthew 7:13

14Bilong wanem, dua bilong banis em i liklik, na rot i no patpela, dispela i go long laip, na i no gat planti husat i painim dispela pinis.Select Matthew 7:14

15¶ Lukaut gut long ol giaman profet, husat i kam long yupela long ol klos bilong sipsip, tasol insait ol i ol wolf bilong kaikai wantaim bikpela hangre.Select Matthew 7:15

16Yupela bai save long ol long ol kaikai bilong ol. Ating ol man i bungim ol pikinini wain long ol rop i gat nil, o ol fik long ol tisel?Select Matthew 7:16

17Olsem tasol olgeta wan wan gutpela diwai i karim gutpela kaikai. Tasol diwai i bagarap i karim kaikai nogut.Select Matthew 7:17

18Gutpela diwai i no inap karim kaikai nogut, na tu diwai i bagarap i no inap karim gutpela kaikai.Select Matthew 7:18

19Olgeta wan wan diwai husat i no karim gutpela kaikai ol bai katim i go daun, na tromoi i go long paia.Select Matthew 7:19

20Olsem na long ol kaikai bilong ol, yupela bai save long ol.Select Matthew 7:20

21¶ I no olgeta wan wan husat i tokim mi, Bikpela, Bikpela, bai go insait long kingdom bilong heven, tasol em husat i mekim laik bilong Papa bilong mi husat i stap long heven, em bai go insait.Select Matthew 7:21

22Planti bai tokim mi long dispela de, Bikpela, Bikpela, ating i yes long mipela i bin autim tok profet long nem bilong yu? Na long nem bilong yu ating i yes long mipela i bin rausim ol spirit nogut? Na long nem bilong yu ating i yes long mipela i bin mekim planti ol wok bilong winim tingting?Select Matthew 7:22

23Na nau bai mi tokaut long ol, Mi no bin save long yupela. Lusim mi, yupela husat i wokim ol sin nogut.Select Matthew 7:23

24Olsem na husat man i harim ol dispela toktok bilong mi, na mekim ol, mi bai wokim piksa bilong em olsem wanpela saveman, husat i wokim haus bilong em antap long wanpela ston.Select Matthew 7:24

25Na ren i kam daun, na ol tait i kam, na ol win i ran, na paitim paitim dispela haus. Na em i no pundaun. Long wanem, ol i wokim ol as ston bilong en i stap antap long wanpela ston.Select Matthew 7:25

26Na olgeta wan wan man husat i harim ol dispela toktok bilong mi, na em i no mekim ol, mi bai wokim piksa long em olsem wanpela krankiman, husat i wokim haus bilong em antap long wesan.Select Matthew 7:26

27Na ren i kam daun, na ol tait i kam, na ol win i ran, na paitim paitim dispela haus. Na em i pundaun. Na pundaun bilong en i bikpela.Select Matthew 7:27

28Na em i kamap olsem, taim Jisas i bin pinisim ol dispela toktok, ol manmeri i kirap nogut long skul bilong em.Select Matthew 7:28

29Long wanem, em i skulim ol olsem wanpela i gat namba, na i no olsem ol man bilong rait.Select Matthew 7:29