12Numbers 12

1¶ Na Miriam na Eron i tok birua long Moses, bilong wanem, long meri Itiopia husat em i bin maritim. Long wanem, em i bin maritim wanpela meri Itiopia.Select Numbers 12:1

2Na ol i tok, Ating tru tru BIKPELA i bin toktok long maus bilong Moses tasol? Ating em i yes long Em i bin toktok tu long maus bilong mitupela? Na BIKPELA i harim dispela.Select Numbers 12:2

3(Nau dispela man Moses em i man bilong pasin isi tru, antap moa long olgeta man husat i stap antap long pes bilong dispela graun.)Select Numbers 12:3

4¶ Na BIKPELA i tokim Moses wantu, na Eron, na Miriam, Kam ausait, yu tripela, i go long haus sel holi bilong bung bilong ol manmeri. Na tripela ol i kam ausait.Select Numbers 12:4

5Na BIKPELA i kam daun insait long dispela bikpela pos bilong klaut, na sanap insait long dua bilong haus sel holi, na singautim Eron na Miriam. Na ol i kam ausait wantaim.Select Numbers 12:5

6Na Em i tok, Harim nau ol toktok bilong Mi. Sapos i gat wanpela profet namel long yupela, Mi BIKPELA bai mekim Mi Yet klia long em long wanpela driman samting, na Mi bai toktok wantaim em long wanpela driman.Select Numbers 12:6

7Wokboi bilong Mi Moses i no olsem, husat em i man yu inap bilip long em long olgeta hauslain bilong Mi.Select Numbers 12:7

8Wantaim em Mi bai toktok maus i go long maus, yes klia, na i no long ol toktok tudak. Na em bai lukim samting i wankain olsem BIKPELA. Olsem wanem na nau yupela i no pret long toktok birua long wokboi bilong Mi Moses?Select Numbers 12:8

9Na belhat bilong BIKPELA i kirap i birua long ol. Na Em i lusim hap.Select Numbers 12:9

10¶ Na klaut i lusim antap bilong haus sel holi. Na, lukim, Miriam i kamap sik lepra meri, waitpela olsem ais. Na Eron i lukluk long Miriam, na, lukim, meri i gat sik lepra.Select Numbers 12:10

11Na Eron i tokim Moses, Sori tru, bikman bilong mi, mi askim yu long daun pasin, no ken putim dispela sin antap long mipela, we mipela bin mekim kranki pasin long en, na we mipela bin mekim sin long en.Select Numbers 12:11

12No ken larim em i stap olsem wanpela i dai pinis, bilong husat mit bilong bodi bilong em sik i kaikai pinis taim em i kam ausait long bel bilong mama bilong em.Select Numbers 12:12

13Na Moses i krai i go long BIKPELA, i spik, Oraitim em nau, O God, mi askim yu long daun pasin.Select Numbers 12:13

14Na BIKPELA i tokim Moses, Sapos papa bilong em i bin spetim tasol pes bilong em, ating i yes long em i mas stap sem sevenpela de? Larim em i stap pas ausait long kem sevenpela de, na bihain long dispela, larim ol i kisim em i kam insait gen.Select Numbers 12:14

15Na ol i pasim Miriam ausait long kem sevenpela de. Na ol manmeri i no wokabaut inap long ol i bringim Miriam insait gen.Select Numbers 12:15

16Na bihain long en ol manmeri i lusim Haserot na sanapim ol haus sel long ples i no gat man bilong Paran.Select Numbers 12:16