16Numbers 16

1¶ Nau Kora, pikinini man bilong Ishar, pikinini man bilong Kohat, pikinini man bilong Livai, na Detan na Abairam, ol pikinini man bilong Eliap, na On, pikinini man bilong Pelet, ol pikinini man bilong Ruben, i kisim ol man.Select Numbers 16:1

2Na ol i kirap long ai bilong Moses, wantaim sampela bilong ol pikinini man bilong Isrel, 250 hetman bilong bung, ol man i gat biknem tru long bung bilong ol manmeri, ol man i gat nem tru.Select Numbers 16:2

3Na ol i bungim ol yet wantaim i birua long Moses na i birua long Eron, na tokim ol, Yutupela ikisim planti tumas long yutupela, taim yumi luksave olsem olgeta bung bilong ol manmeri i holi, olgeta wan wan bilong ol, na BIKPELA i stap namel long ol. Olsem wanem na nau yutupela i litimapim yutupela yet antap moa long bung bilong ol manmeri bilong BIKPELA?Select Numbers 16:3

4Na taim Moses i harim dispela, em i pundaun long pes bilong em.Select Numbers 16:4

5Na em i tokim Kora na olgeta lain bilong em, i spik, Yes, tumora BIKPELA bai soim husat i bilong Em, na husat em i holi. Na Em bai mekim em long kam klostu long Em. Yes, em husat Em i bin makim bai Em i mekim long kam klostu long Em.Select Numbers 16:5

6Mekim dispela. Yupela kisim ol dis bilong insens, Kora, na olgeta lain bilong em.Select Numbers 16:6

7Na putim paia long en, na putim insens long ol long ai bilong BIKPELA tumora. Na em bai kamap olsem long man husat BIKPELA i makim, em bai stap holi. Yupela kisim planti tumas long yupela, yupela ol pikinini man bilong Livai.Select Numbers 16:7

8Na Moses i tokim Kora, Harim, mi askim yupela plis, yupela ol pikinini man bilong Livai.Select Numbers 16:8

9Em i luk olsem wanpela liklik samting tasol long yupela, long God bilong Isrel i bin brukim yupela long bung bilong ol manmeri bilong Isrel, long bringim yupela klostu long Em Yet long wokim wok wokboi bilong haus sel holi bilong BIKPELA, na long sanap long ai bilong bung bilong ol manmeri long wokim wok long ol?Select Numbers 16:9

10Na Em i bin bringim yu klostu long Em, na olgeta brata bilong yu ol pikinini man bilong Livai wantaim yu. Na yupela painim wok pris tu?Select Numbers 16:10

11Long dispela wari yu na olgeta dispela lain manmeri bilong yu wantaim i bung wantaim i birua long BIKPELA. Na Eron em i wanem, inap long yupela tok baksait i birua long em?Select Numbers 16:11

12¶ Na Moses i salim tok long singautim Detan na Abairam, ol pikinini man bilong Eliap, husat i tok, Mipela i no laik kam antap.Select Numbers 16:12

13Ating em i wanpela liklik samting long yu bin bringim mipela i kam antap ausait long wanpela hap we i ran wantaim susu na hani, long kilim mipela long ples i no gat man, sapos yu no mekim yu yet wanpela hetman olgeta antap long mipela?Select Numbers 16:13

14Na moa tu yu no bin bringim mipela i go insait long wanpela hap we i ran wantaim susu na hani, o givim mipela samting papa i givim pikinini bilong ol bikpela gaden na gaden wain. Ating yu bai rausim ol ai bilong ol dispela man, a? Mipela i no laik kam antap.Select Numbers 16:14

15Na Moses i belhat nogut tru, na i tokim BIKPELA, No ken lukluk wantaim amamas long ofa bilong ol. Mi no bin kisim wanpela donki long ol, na tu, mi no bin bagarapim wanpela bilong ol.Select Numbers 16:15

16Na Moses i tokim Kora, Yu stap na olgeta lain bilong yu long ai bilong BIKPELA, yu, na ol, na Eron, tumora.Select Numbers 16:16

17Na kisim olgeta wan wan man dis bilong insens bilong em, na putim insens insait long ol, na yupela bringim long ai bilong BIKPELA, olgeta wan wan man dis bilong insens bilong em, 250 dis bilong insens. Yu tu, na Eron, yupela wan wan dis bilong insens bilong em.Select Numbers 16:17

18Na ol i kisim olgeta wan wan man dis bilong insens bilong em, na putim paia long ol, na slipim insens antap long ol, na sanap insait long dua bilong haus sel holi bilong bung bilong ol manmeri wantaim Moses na Eron.Select Numbers 16:18

19Na Kora i bungim olgeta bung bilong ol manmeri i birua long ol i go long dua bilong haus sel holi bilong bung bilong ol manmeri. Na glori bilong BIKPELA i kamap ples klia long olgeta bung bilong ol manmeri.Select Numbers 16:19

20Na BIKPELA i tokim Moses na Eron, i spik,Select Numbers 16:20

21Brukim yupela yet long namel long bung bilong ol manmeri, inap long Mi ken kaikai ol olgeta wantu tasol.Select Numbers 16:21

22Na ol i pundaun long ol pes bilong ol, na tok, O God, God bilong ol spirit bilong olgeta bodi, ating wanpela man bai mekim sin, na Yu bai belhat tru wantaim olgeta bung bilong ol manmeri?Select Numbers 16:22

23¶ Na BIKPELA i tokim Moses, i spik,Select Numbers 16:23

24Toktok long bung bilong ol manmeri, i spik, Kisim yupela antap i lusim nabaut haus sel holi bilong Kora, Detan, na Abairam.Select Numbers 16:24

25Na Moses i kirap na go long Detan na Abairam. Na ol lapun hetman bilong Isrel i bihainim em.Select Numbers 16:25

26Na em i tokim bung bilong ol manmeri, i spik, Lusim, mi askim yupela plis, ol haus sel bilong ol dispela man nogut. Na yupela i no ken tasim wanpela samting bilong ol, nogut God i kaikai yupela olgeta insait long olgeta sin bilong ol.Select Numbers 16:26

27Olsem na ol i lusim haus sel holi bilong bilong Kora, Detan, na Abairam, long olgeta wan wan sait. Na Detan na Abairam i kam ausait, na sanap long dua bilong ol haus sel bilong ol, na ol meri bilong ol, na ol pikinini man bilong ol, na ol pikinini bilong ol.Select Numbers 16:27

28Na Moses i tok, Long dispela yupela bai save long BIKPELA i bin salim mi long wokim olgeta dispela wok. Long wanem, mi no bin wokim ol long tingting bilong mi yet.Select Numbers 16:28

29Sapos ol dispela man i dai long kain dai bilong olgeta man, o sapos dai i kam lukim ol i bihainim dispela pasin olsem em i kam lukim olgeta man, orait BIKPELA i no bin salim mi.Select Numbers 16:29

30Tasol sapos BIKPELA i wokim wanpela nupela samting, na dispela graun i opim maus bilong en, na daunim ol olgeta, wantaim olgeta samting i bilong ol, na ol i go daun kwiktaim long bikpela hul, orait yupela bai gat save long ol dispela man i bin skrapim bel bilong BIKPELA.Select Numbers 16:30

31Na em i kamap olsem, taim em i bin wokim wanpela pinis bilong toktok long olgeta dispela toktok, long graun i bruk long tupela hap, dispela i stap aninit long ol.Select Numbers 16:31

32Na dispela graun i opim maus bilong en, na daunim ol olgeta, na ol haus bilong ol, na olgeta man husat i bilong Kora, na olgeta kago bilong ol.Select Numbers 16:32

33Ol, na olgeta husat i bilong ol, i go daun wantaim laip insait long dispela bikpela hul, na dispela graun i pas gen antap long ol. Na ol i dai olgeta long namel long bung bilong ol manmeri.Select Numbers 16:33

34Na olgeta Isrel husat i stap raun nabaut long ol i ranawe long krai bilong ol. Long wanem, ol i tok, Nogut dispela graun i daunim olgeta mipela tu.Select Numbers 16:34

35¶ Na i gat paia i kam ausait long BIKPELA, na kaikai olgeta dispela 250 man husat i ofaim insens.Select Numbers 16:35

36Na BIKPELA i tokim Moses, i spik,Select Numbers 16:36

37Toktok long Eleasar, pikinini man bilong pris Eron, long em i mas kisim i go antap ol dis bilong insens ausait long dispela kuk, na yu mas brukim nabaut paia long hap. Long wanem, ol i holi olgeta.Select Numbers 16:37

38Ol dis bilong insens bilong ol dispela sinman i birua long ol tewel bilong ol yet, larim ol i wokim ol plet i gat bikpela brait bilong wanpela karamap bilong alta. Long wanem, ol i ofaim ol long ai bilong BIKPELA, olsem na ol i holi olgeta. Na ol bai stap wanpela mak i go long ol pikinini bilong Isrel.Select Numbers 16:38

39Na pris Eleasar i kisim ol dis bilong insens bras, we ol husat God i kukim olgeta i bin ofaim wantaim ol. Na ol i wokim ol plet i gat bikpela brait bilong wanpela karamap bilong alta,Select Numbers 16:39

40Long i stap wanpela samting bilong holim tingim i go long ol pikinini bilong Isrel, inap long ausait man, husat em i no bilong tumbuna pikinini bilong Eron, i no ken kam klostu long ofaim insens long ai bilong BIKPELA, inap long em i no ken stap olsem Kora, na lain bilong em, olsem BIKPELA i tokim em long han bilong Moses.Select Numbers 16:40

41¶ Tasol long moning bihain olgeta bung bilong ol manmeri bilong ol pikinini bilong Isrel i tok baksait i birua long Moses na i birua long Eron, i spik, Yutupela i bin kilim i dai ol lain bilong BIKPELA.Select Numbers 16:41

42Na em i kamap olsem, taim bung bilong ol manmeri i bung na birua long Moses na birua long Eron, long ol i lukluk i go long haus sel holi bilong bung bilong ol manmeri. Na, lukim, klaut i karamapim dispela, na glori bilong BIKPELA i kamap ples klia.Select Numbers 16:42

43Na Moses na Eron i kam long ai bilong haus sel holi bilong bung bilong ol manmeri.Select Numbers 16:43

44Na BIKPELA i tokim Moses, i spik,Select Numbers 16:44

45Kisim yutupela antap i lusim dispela bung bilong ol manmeri, inap long Mi ken kaikai ol olgeta wantu tasol. Na ol i pundaun long ol pes bilong ol.Select Numbers 16:45

46Na Moses i tokim Eron, Kisim wanpela dis bilong insens, na putim paia long en i kam long alta, na putim insens antap, na go kwiktaim i go long bung bilong ol manmeri, na wokim wanpela karamapim long mekim i kamap wanbel bilong ol. Long wanem, i gat belhat tru i lusim BIKPELA i go ausait. Dispela sik nogut i stat pinis.Select Numbers 16:46

47Na Eron i kisim olsem Moses i tok strong, na i ran i go long namel bilong bung bilong ol manmeri. Na, lukim, dispela sik nogut i stat pinis namel long ol manmeri. Na em i putim insens antap, na wokim wanpela karamapim long mekim i kamap wanbel bilong ol lain manmeri.Select Numbers 16:47

48Na em i sanap namel long daiman na man i stap laip. Na dispela sik nogut i pas.Select Numbers 16:48

49Nau ol husat i dai pinis long sik nogut em i 14,700. Dispela i no kaunim ol husat i dai pinis long sait bilong dispela samting bilong Kora.Select Numbers 16:49

50Na Eron i go bek long Moses long dua bilong haus sel holi bilong bung bilong ol manmeri. Na dispela sik nogut i pas.Select Numbers 16:50