21Numbers 21

1¶ Na taim man Kenan king Arat, husat i stap long hap saut, i harim stori long Isrel i kam long rot bilong ol man bilong lukstil, orait em i pait birua long Isrel, na kisim sampela bilong ol i kalabus.Select Numbers 21:1

2Na Isrel i wokim wanpela strongpela promis i go long BIKPELA, na i tok, Sapos tru tru Yu bai givim dispela lain manmeri i go long han bilong mi, orait mi bai bagarapim ol biktaun bilong ol olgeta.Select Numbers 21:2

3Na BIKPELA i harim long nek bilong Isrel, na givim i go ol lain Kenan. Na ol i bagarapim ol olgeta na ol biktaun bilong ol. Na em i kolim nem bilong dispela ples Horma.Select Numbers 21:3

4¶ Na ol i wokabaut i lusim maunten Hor long rot bilong Retsi, long raunim hap bilong Idom. Na strong bilong tewel bilong ol manmeri long pait i bagarap tru, bilong wanem, dispela rot i hat.Select Numbers 21:4

5Na ol manmeri i toktok i birua long God, na i birua long Moses, Olsem wanem na yupela i bin bringim mipela antap ausait long Isip long dai long ples i no gat man? Long wanem, i no gat bret i stap, na tu i no gat sampela wara i stap. Na tewel bilong mipela i les olgeta long dispela bret i no hevi.Select Numbers 21:5

6Na BIKPELA i salim ol snek i lait namel long ol manmeri, na ol i kaikaim ol manmeri. Na planti manmeri bilong Isrel i dai pinis.Select Numbers 21:6

7Olsem na ol manmeri i kam long Moses, na i tok, Mipela i bin mekim sin. Long wanem, mipela i bin toktok i birua long BIKPELA, na i birua long yu. Beten i go long BIKPELA, inap long Em i ken tekewe ol snek namel long mipela. Na Moses i beten long helpim ol manmeri.Select Numbers 21:7

8Na BIKPELA i tokim Moses, Wokim bilong yu wanpela snek i lait, na putim dispela antap long wanpela pos. Na em bai kamap olsem, long olgeta wan wan husat snek i kaikaim pinis, taim em i lukluk antap long en, em bai stap laip.Select Numbers 21:8

9Na Moses i wokim wanpela snek brass, na putim dispela antap long wanpela pos. Na em i kamap olsem, long sapos wanpela snek i bin kaikaim wanpela man, taim em i lukim dispela snek bras, em i no dai.Select Numbers 21:9

10¶ Na ol pikinini bilong Isrel i kirap na wokabaut i go antap, na sanapim ol haus sel long Obot.Select Numbers 21:10

11Na ol i wokabaut i lusim Obot, na sanapim ol haus sel long Ise-abarim, long dispela ples i no gat man i stap long ai bilong Moap, i go long hap san i kamap.Select Numbers 21:11

12Long dispela ples ol i lusim, na sanapim ol haus sel long ples daun bilong Saret.Select Numbers 21:12

13Long dispela ples ol i lusim, na sanapim ol haus sel long arapela sait bilong Arnon, dispela i stap long ples i no gat man, dispela i kam ausait long ol arere bilong ol lain Amor. Long wanem, Arnon em i hap arere bilong Moap, namel long Moap na ol lain Amon.Select Numbers 21:13

14Olsem na em i tok insait long buk bilong ol bikpela pait bilong BIKPELA, Wanem samting Em i mekim long Retsi, na long ol liklik wara bilong Arnon,Select Numbers 21:14

15Na long liklik wara bilong ol liklik wara, dispela i go daun long hap Ar i stap, na i slip antap long arere bilong Moap.Select Numbers 21:15

16Na long dispela ples ol i go long Biar. Dispela em i hul wara we BIKPELA i toktok long Moses long en, Bungim ol manmeri wantaim, na Mi bai givim ol wara.Select Numbers 21:16

17Nau Isrel i singim dispela song, Sut i kam antap, O hul wara. Yupela singim song i go long en.Select Numbers 21:17

18Ol hetman i digim hul wara, ol hetman bilong ol manmeri i digim dispela, long tok stia bilong man bilong givim lo, wantaim ol stik wokabaut bilong ol. Na ol i lusim dispela ples i no gat man i go long Matana.Select Numbers 21:18

19Na ol i lusim Matana i go long Nahaliel. Na ol i lusim Nahaliel i go long Bamot.Select Numbers 21:19

20Na ol i lusim Bamot long ples daun, dispela i stap long kantri bilong Moap, i go long antap bilong Pisga, dispela i lukluk i go long Jesimon.Select Numbers 21:20

21¶ Na Isrel i salim ol mausman i go long Saihon, king bilong ol lain Amor, i spik,Select Numbers 21:21

22Larim mi wokabaut namel long hap graun bilong yu. Mipela bai i no inap tanim i go long ol bikpela gaden, o long ol gaden wain. Mipela bai i no inap dringim bilong ol wara bilong hul wara. Tasol mipela bai go long bikpela rot bilong king, inap long mipela abrusim ol hap arere bilong yu.Select Numbers 21:22

23Na Saihon i no laik larim Isrel long wokabaut namel long hap arere bilong em. Tasol Saihon i bungim olgeta lain manmeri bilong em wantaim, na ol i go ausait i birua long Isrel long ples i no gat man. Na em i kam long Jahas, na pait birua long Isrel.Select Numbers 21:23

24Na Isrel i paitim em wantaim sap bilong bainat, na holimpas hap bilong em i stat long Arnon i go inap long Jabok, yes, i go inap long ol pikinini bilong Amon. Long wanem, hap arere bilong ol pikinini bilong Amon em i strong.Select Numbers 21:24

25Na Isrel i kisim olgeta dispela biktaun. Na Isrel i stap long olgeta biktaun bilong lain Amor, long Hesbon, na long olgeta vilis bilong en.Select Numbers 21:25

26Long wanem, Hesbon em i biktaun bilong Saihon, king bilong ol lain Amor, husat i bin pait birua long king bipo bilong Moap, na kisim olgeta hap graun bilong em ausait long han bilong em, yes, inap long Arnon.Select Numbers 21:26

27Olsem na ol husat i save toktok long ol provep i spik, Kam long Hesbon, larim ol i wokim na redim biktaun bilong Saihon.Select Numbers 21:27

28Long wanem, i gat wanpela paia i go ausait long Hesbon, wanpela lait bilong paia long biktaun bilong Saihon. Em i bin kaikai Ar bilong Moap olgeta, na ol bikman bilong ol ples antap bilong Arnon.Select Numbers 21:28

29Tok lukaut i go long yu, Moap! Yu bagarap pinis, O lain manmeri bilong Kemos. Em i bin givim ol pikinini man bilong em husat i ranawe, na ol pikinini meri bilong em, i go long kalabus long king Saihon bilong ol lain Amor.Select Numbers 21:29

30Mipela i bin sut long ol. Hesbon i dai olgeta, yes, i go inap long Dibon, na mipela i bin mekim ol i stap nating, yes, i go inap long Nofa, dispela i go inap long Medeba.Select Numbers 21:30

31Olsem tasol Isrel i stap long hap bilong ol lain Amor.Select Numbers 21:31

32Na Moses i salim ol man long lukstil long Jeaser, na ol i kisim ol vilis bilong en, na ranim i go ausait ol lain Amor husat i stap long dispela hap.Select Numbers 21:32

33Na ol i tanim na go antap long rot bilong Basan. Na Ok, king bilong Basan, i go ausait i birua long ol, em, na olgeta lain manmeri bilong em, long dispela pait long Idrei.Select Numbers 21:33

34Na BIKPELA i tokim Moses, No ken pret long em. Long wanem, Mi bin givim em i go long han bilong yu, na olgeta lain manmeri bilong em, na hap bilong em. Na yu bai mekim long em olsem yu bin mekim long Saihon, king bilong ol lain Amor, husat i bin stap long Hesbon.Select Numbers 21:34

35Olsem na ol i paitim em, na ol pikinini man bilong em, na olgeta lain manmeri bilong em, inap long i no gat wanpela i stap laip yet long em. Na ol i holimpas hap bilong em.Select Numbers 21:35