3Numbers 3

1¶ Ol dispela tu em i ol lain tumbuna bilong Eron na Moses long dispela de long BIKPELA i toktok wantaim Moses long maunten Sainai.Select Numbers 3:1

2Na ol dispela em i ol nem bilong ol pikinini man bilong Eron, Nedap, namba wan pikinini, na Abaihu, Eliasar, na Itamar.Select Numbers 3:2

3Ol dispela em i ol nem bilong ol pikinini man bilong Eron, ol pris husat ol i makim, husat Em i mekim i kamap holi long wokim wok long opis bilong pris.Select Numbers 3:3

4Na Nedap na Abaihu i dai pinis long ai bilong BIKPELA, taim ol i ofaim ol narakain paia long ai bilong BIKPELA, long ples i no gat man bilong Sainai, na ol i no gat ol pikinini. Na Eleasar na Itamar i wokim wok long opis bilong pris long ai bilong Eron, papa bilong ol.Select Numbers 3:4

5Na BIKPELA i tokim Moses, i spik,Select Numbers 3:5

6Bringim lain bilong Livai klostu, na givim ol long ai bilong pris Eron, inap long ol i ken wokim wok i go long em.Select Numbers 3:6

7Na ol bai holimpas wok bilong em, na wok bilong bung bilong lain manmeri olgeta long ai bilong haus sel holi bilong bung bilong ol manmeri, long wokim wok wokboi bilong haus sel holi.Select Numbers 3:7

8Na ol bai holimpas olgeta ol samting bilong wok bilong haus sel holi bilong bung bilong lain manmeri, na wok bilong ol pikinini bilong Isrel, long wokim wok wokboi bilong haus sel holi.Select Numbers 3:8

9Na yu bai givim ol lain Livai i go long Eron na long ol pikinini man bilong em. Mi givim ol olgeta i go long em ausait long ol pikinini bilong Isrel.Select Numbers 3:9

10Na yu bai makim Eron na ol pikinini man bilong em, na ol bai wet long opis bilong pris bilong ol. Na ausait man husat i kam klostu bai ol i mekim i dai.Select Numbers 3:10

11Na BIKPELA i tokim Moses, i spik,Select Numbers 3:11

12Na Mi, lukim, Mi bin kisim ol lain Livai namel long ol pikinini bilong Isrel long kisim ples bilong olgeta namba wan pikinini husat i opim bel bilong mama namel long ol pikinini bilong Isrel. Olsem na ol lain Livai bai bilong Mi.Select Numbers 3:12

13Bilong wanem, olgeta namba wan pikinini em i bilong Mi. Long wanem, long dispela de, dispela Mi paitim olgeta namba wan pikinini long hap bilong Isip, Mi mekim holi olgeta long Mi olgeta namba wan pikinini insait long Isrel, man na animal wantaim, ol bai bilong Mi. Mi stap BIKPELA.Select Numbers 3:13

14¶ Na BIKPELA i tokim Moses long ples i no gat man bilong Sainai, i spik,Select Numbers 3:14

15Kaunim ol pikinini bilong Livai i bihainim hauslain bilong ol tumbuna papa bilong ol, long ol famili bilong ol. Olgeta wan wan man i stat long wanpela mun na i go antap bai yu kaunim ol.Select Numbers 3:15

16Na Moses i kaunim ol bilong bihainim tok bilong BIKPELA, olsem Em i tok strong long em.Select Numbers 3:16

17Na ol dispela em i ol pikinini man bilong Livai long ol nem bilong ol, Gerson, na Kohat, na Merari.Select Numbers 3:17

18Na ol dispela em i ol nem bilong ol pikinini man bilong Gerson long ol famili bilong ol, Lipni, na Simei.Select Numbers 3:18

19Na ol pikinini man bilong Kohat long ol famili bilong ol, Amram, na Isehar, Hibron, na Usiel.Select Numbers 3:19

20Na ol pikinini man bilong Merari long ol famili bilong ol, Mali, na Musi. Ol dispela em i ol famili bilong ol lain Livai bilong bihainim hauslain bilong ol tumbuna papa bilong ol.Select Numbers 3:20

21Bilong Gerson em i famili bilong ol lain Lipni, na famili bilong ol lain Simei. Ol dispela em i ol famili bilong ol lain Gerson.Select Numbers 3:21

22Ol dispela husat ol i kaunim bilong ol, bilong bihainim namba bilong olgeta man, i stat long wanpela mun na i go antap, yes, ol dispela husat ol i kaunim bilong ol em i 7,500.Select Numbers 3:22

23Ol famili bilong ol lain Gerson bai sanapim ol haus sel baksait long haus sel holi i go long hap wes.Select Numbers 3:23

24Na nambawan bilong hauslain bilong papa bilong ol lain Gerson bai stap Eliasap, pikinini man bilong Lael.Select Numbers 3:24

25Na wok bilong ol pikinini man bilong Gerson insait long haus sel holi bilong bung bilong ol manmeri bai stap dispela haus sel holi, na haus sel, ol karamap bilong en, na hangamap bilong dua bilong haus sel holi bilong bung bilong ol manmeri,Select Numbers 3:25

26Na ol hangamap bilong ol ples op, na laplap banis bilong dua bilong ples op, dispela i stap klostu long haus sel holi, na klostu long alta raun nabaut, na ol rop bilong en bilong olgeta wok wokboi bilong en.Select Numbers 3:26

27Na bilong Kohat em i famili bilong ol lain Amram, na famili bilong ol lain Isehar, na famili bilong ol lain Hebron, na famili bilong ol lain Usiel. Ol dispela famili em i ol famili bilong ol lain Kohat.Select Numbers 3:27

28Long namba bilong olgeta man, i stat long wanpela mun na i go antap, em i 8,600, i holimpas wok bilong rum holi.Select Numbers 3:28

29Ol famili bilong ol pikinini man bilong Kohat bai sanapim ol haus sel long sait bilong haus sel holi i go long hap saut.Select Numbers 3:29

30Na nambawan bilong hauslain bilong papa bilong ol famili bilong ol lain Kohat bai stap Elisafan, pikinini man bilong Usiel.Select Numbers 3:30

31Na wok bilong ol bai stap bokis kontrak, na tebol, na ol stik kandel, na ol alta, na ol sospen samting bilong rum holi we ol i wokim wok long ol, na dispela hangamap, na olgeta wok wokboi bilong en.Select Numbers 3:31

32Na Eleasar, pikinini man bilong pris Eron, bai stap nambawan antap long nambawan bilong ol lain Livai, na i gat wok bilong bosim ol husat i holimpas wok bilong rum holi.Select Numbers 3:32

33Bilong Merari em i famili bilong ol lain Mali, na famili bilong ol lain Musi. Ol dispela em i ol famili bilong Merari.Select Numbers 3:33

34Na ol dispela husat ol i kaunim bilong ol, bilong bihainim namba bilong olgeta man, i stat long wanpela mun na i go antap, em i 6,200.Select Numbers 3:34

35Na nambawan bilong hauslain bilong tumbuna papa bilong ol famili bilong Merari em i Suriel, pikinini man bilong Abihail. Ol dispela bai sanapim ol haus sel long sait bilong haus sel holi i go long hap not.Select Numbers 3:35

36Na aninit long lukaut na wok bilong ol pikinini man bilong Merari bai stap ol plang bilong haus sel holi, na ol ba bilong en, na ol bikpela pos bilong en, na ol soket bilong en, na olgeta sospen samting bilong en, na olgeta samting i bilong en,Select Numbers 3:36

37Na ol bikpela pos bilong ples op raun nabaut, na ol soket bilong ol, na ol pin bilong ol, na ol rop bilong ol.Select Numbers 3:37

38Tasol ol dispela husat i wokim kem long ai bilong haus sel holi i go long hap is, yes, long ai bilong haus sel holi bilong bung bilong ol manmeri i go long hap is, bai stap Moses, na Eron na ol pikinini man bilong em, taim ol i holimpas wok bilong rum holi bilong tok strong bilong ol pikinini bilong Isrel. Na ausait man husat i kam klostu, bai ol i mekim i dai.Select Numbers 3:38

39Olgeta husat ol i kaunim bilong ol lain Livai, husat Moses na Eron i kaunim long tok strong bilong BIKPELA, namel long ol famili, olgeta man i stat long wanpela mun na i go antap, em i 22,000.Select Numbers 3:39

40¶ Na BIKPELA i tokim Moses, Kaunim olgeta namba wan pikinini bilong ol man bilong ol pikinini bilong Isrel, i stat long wanpela mun na i go antap, na kisim namba bilong ol nem bilong ol.Select Numbers 3:40

41Na yu bai kisim ol pikinini man bilong Livai bilong Mi (Mi stap BIKPELA) long kisim ples bilong olgeta namba wan pikinini namel long ol pikinini bilong Isrel, na ol bulmakau samting bilong ol lain Livai long kisim ples bilong olgeta namba wan pikinini namel long ol bulmakau samting bilong ol pikinini bilong Isrel.Select Numbers 3:41

42Na Moses i kaunim, olsem BIKPELA i tok strong long em, olgeta namba wan pikinini namel long ol pikinini bilong Isrel.Select Numbers 3:42

43Na olgeta namba wan pikinini man long namba bilong ol nem, i stat long wanpela mun na i go antap, bilong ol dispela husat ol i kaunim bilong ol, em i 22,273.Select Numbers 3:43

44Na BIKPELA i tokim Moses, i spik,Select Numbers 3:44

45Kisim ol lain Livai long kisim ples bilong olgeta namba wan pikinini namel long ol pikinini bilong Isrel, na ol bulmakau samting bilong ol lain Livai long kisim ples bilong ol bulmakau samting bilong ol. Na ol lain Livai bai bilong Mi. Mi stap BIKPELA.Select Numbers 3:45

46Na bilong ol dispela husat ol i mas baim bek bilong dispela 273 bilong ol namba wan bilong ol pikinini bilong Isrel, husat i stap moa long ol lain Livai,Select Numbers 3:46

47Yes, yu bai kisim faipela sekel wan wan long namba bilong ol, i bihainim sekel bilong rum holi bai yu kisim ol. (Sekel em i 20 gera.)Select Numbers 3:47

48Na yu bai givim mani, we long en namba bilong ol lain ol i mas baim bek i narapela, i go long Eron na long ol pikinini man bilong em.Select Numbers 3:48

49Na Moses i kisim mani bilong baim bek bilong ol husat i antap na i antap moa long ol husat ol lain Livai i baim bek.Select Numbers 3:49

50Bilong ol namba wan pikinini bilong ol pikinini bilong Isrel em i kisim mani, 1,365 sekel, i bihainim sekel bilong rum holi.Select Numbers 3:50

51Na Moses i givim mani bilong ol husat ol i baim bek i go long Eron na long ol pikinini man bilong em, bilong bihainim tok bilong BIKPELA, olsem BIKPELA i tok strong long Moses.Select Numbers 3:51