15Proverbs 15

1¶ Man i bekim tok isi i mekim belhat tru i tanim i go. Tasol ol toktok i givim pen i kirapim belhat.Select Proverbs 15:1

2¶ Tang bilong saveman i yusim save stretpela. Tasol maus bilong ol krankiman i kapsaitim tok kranki.Select Proverbs 15:2

3¶ Ol ai bilong BIKPELA i stap long olgeta wan wan ples, na lukim pasin nogut na gutpela pasin.Select Proverbs 15:3

4¶ Gutpela tang em i wanpela diwai bilong laip. Tasol paul pasin long tang em i wanpela bruk long spirit.Select Proverbs 15:4

5¶ Krankiman i tingim tok skul bilong papa bilong en em i samting nating. Tasol em husat i tingim gut tok bilong stretim man em i man bilong yusim save.Select Proverbs 15:5

6¶ Long haus bilong stretpela man planti samting i dia tru i stap. Tasol long ol mani samting bilong man nogut hevi i stap.Select Proverbs 15:6

7¶ Maus bilong saveman i mekim save go nabaut. Tasol bel bilong krankiman i no mekim olsem.Select Proverbs 15:7

8¶ Sakrifais bilong man nogut em i sting samting long BIKPELA. Tasol beten bilong stretpela man em i gutpela amamas bilong Em.Select Proverbs 15:8

9¶ Rot bilong man nogut em i sting samting long BIKPELA. Tasol Em i laikim tru em husat i bihainim stretpela pasin.Select Proverbs 15:9

10¶ Pasin bilong stretim man em i givim pen long em husat i givim baksait long rot. Na em husat i no laikim tru tok bilong stretim bai dai.Select Proverbs 15:10

11¶ Hel na bagarap olgeta i stap long ai bilong BIKPELA, hamas moa nau ol bel bilong ol pikinini bilong man?Select Proverbs 15:11

12¶ Man bilong tok bilas i no laikim tru wanpela husat i krosim em. Na tu em bai i no inap go long saveman.Select Proverbs 15:12

13¶ Bel i amamas i mekim pes i amamas. Tasol bel i pilim bel hevi i brukim spirit.Select Proverbs 15:13

14¶ Bel bilong em husat i gat gutpela save i wok long painim save. Tasol maus bilong ol krankiman i kaikai long kranki pasin.Select Proverbs 15:14

15¶ Olgeta de bilong man i kisim hevi i nogut. Tasol em husat i gat bel i amamas i gat bikpela kaikai oltaim.Select Proverbs 15:15

16¶ Liklik samting i stap wantaim pret long BIKPELA i mobeta long planti samting i dia tru na hevi wantaim.Select Proverbs 15:16

17Mobeta man i kaikai ol kumu long ples pasin bilong laikim tru i stap, long em i kaikai patpela bulmakau man na pasin bilong i no laikim tru i stap wantaim.Select Proverbs 15:17

18¶ Man bilong belhat tru i kirapim tok pait. Tasol em husat i no belhat hariap i mekim tok pait i dai.Select Proverbs 15:18

19¶ Rot bilong lesman i olsem banis diwai i gat nil. Tasol rot bilong stretpela man i kamap ples klia.Select Proverbs 15:19

20¶ Pikinini man i saveman i mekim papa i amamas. Tasol krankiman i tingim mama bilong en i samting nating.Select Proverbs 15:20

21¶ Longlong pasin em i amamas tru bilong em husat i sot tru long save tru. Tasol man bilong gutpela save i wokabaut long pasin i stret.Select Proverbs 15:21

22¶ Taim tok helpim i no stap, ol tingting bilong mekim samting i no kamap. Tasol long taim planti manmeri tru i givim tok helpim, ol dispela tingting i kamap strong.Select Proverbs 15:22

23¶ Man i gat amamas tru long tok maus bilong em i bekim. Na tok man i tokim long taim stret, em i gutpela olsem wanem!Select Proverbs 15:23

24¶ Long ol saveman, rot bilong laip i stap antap, inap long em i ken lusim hel i stap aninit.Select Proverbs 15:24

25¶ BIKPELA bai bagarapim haus bilong hambak man olgeta. Tasol Em bai strongim hap arere bilong meri man bilong en i dai pinis.Select Proverbs 15:25

26¶ Ol tingting bilong man nogut i sting samting long BIKPELA. Tasol ol toktok bilong man i klin i ol gutpela toktok.Select Proverbs 15:26

27¶ Em husat i gridi long kisim ol win samting i givim hevi long hauslain bilong em yet. Tasol em husat i no laikim tru ol presen bai stap laip.Select Proverbs 15:27

28¶ Bel bilong stretpela man i stadi bilong bekim tok. Tasol maus bilong man nogut i kapsaitim ol samting nogut.Select Proverbs 15:28

29¶ BIKPELA i stap longwe long man nogut. Tasol Em i harim beten bilong stretpela man.Select Proverbs 15:29

30¶ Lait bilong ol ai i wokim amamas tru long bel. Na gutpela ripot i mekim ol bun i kamap patpela.Select Proverbs 15:30

31¶ Ia i harim tok bilong stretim bilong laip i stap namel long ol saveman.Select Proverbs 15:31

32¶ Em husat i tok nogat long tok skul i tingim tewel bilong em yet i samting nating. Tasol em husat i harim tok bilong stretim i kisim gutpela save.Select Proverbs 15:32

33¶ Pret long BIKPELA em i tok skul bilong save tru. Na pasin bilong daunim yu yet i kam bipo long ona.Select Proverbs 15:33