24Proverbs 24

1¶ Yu no ken mangal long ol man nogut, na tu yu no ken gat laik long stap wantaim ol.Select Proverbs 24:1

2Long wanem, bel bilong ol i stadi long pasin bilong bagarap olgeta, na maus bilong ol i toktok long hambak pasin.Select Proverbs 24:2

3¶ Long save tru man i wokim haus. Na long gutpela save em i strongim dispela.Select Proverbs 24:3

4Na long save bai ol rum i pulap wantaim olgeta planti mani samting i dia tumas na i gutpela.Select Proverbs 24:4

5Saveman em strong. Yes, man bilong save i kisim strong i kamap planti moa.Select Proverbs 24:5

6Long wanem, long tok helpim i gat save tru yu bai mekim bikpela pait. Na long planti manmeri tru bilong givim tok helpim, man i stap gut.Select Proverbs 24:6

7¶ Save tru em i antap tumas long krankiman. Em i no save opim maus bilong em long dua bilong banis.Select Proverbs 24:7

8Em husat i kamapim plen bilong mekim pasin nogut bai ol i kolim em hambak man.Select Proverbs 24:8

9Tingting long kranki pasin em i sin. Na man bilong tok bilas em i sting samting long ol man.Select Proverbs 24:9

10¶ Sapos yu hap i dai long de bilong kain hevi, strong bilong yu i liklik.Select Proverbs 24:10

11¶ Sapos yu pasim bel long kisim bek ol husat ol i karim i go long dai, na ol husat ol i redi long kilim ol i dai,Select Proverbs 24:11

12Sapos yu tok, Harim, mipela i no save long en, ating em husat i tingim na skelim bel i no inap tingim na skelim dispela? Na em husat i holimpas tewel bilong yu, ating Em i no save long en? Na ating Em bai i no inap mekim long olgeta wan wan man bilong bihainim ol wok bilong em?Select Proverbs 24:12

13¶ Pikinini man bilong mi, kaikai hani, bilong wanem, em i gutpela, na kom bilong hani, dispela i swit long maus bilong yu.Select Proverbs 24:13

14Save bilong save tru bai stap olsem tasol long tewel bilong yu. Taim yu bin painim dispela pinis, nau bai yu kisim pe, na strongpela hop bilong yu ol bai i no inap rausim olgeta.Select Proverbs 24:14

15¶ No ken wet hait, O man nogut, pas klostu long ples bilong stap bilong ol stretpela man. No ken bagarapim ples malolo bilong em.Select Proverbs 24:15

16Long wanem, stretpela man i pundaun sevenpela taim, na em i kirap gen. Tasol man nogut bai pundaun long hambak pasin.Select Proverbs 24:16

17¶ No ken wokim amamas tru taim birua bilong yu i pundaun, na no ken larim bel bilong yu stap amamas taim em i sutim lek long ston.Select Proverbs 24:17

18Nogut BIKPELA i lukim dispela, na dispela i no givim amamas long Em, na Em i tanim belhat tru bilong Em i lusim em.Select Proverbs 24:18

19¶ No ken bagarapim bel bilong yu yet bilong tingim ol man nogut, na tu yu no ken mangal long man nogut.Select Proverbs 24:19

20Long wanem, bai i no gat pe i go long man nogut. Ol bai mekim i dai kandel bilong man nogut.Select Proverbs 24:20

21¶ Pikinini man bilong mi, yu mas pret long BIKPELA na long king. Na no ken poroman wantaim ol husat i laik senis senis.Select Proverbs 24:21

22Long wanem, bagarap bilong ol bai kam wantu. Na husat i save long bagarap bilong tupela wantaim?Select Proverbs 24:22

23¶ Ol dispela samting tu i bilong ol saveman. Em i no gutpela long tingim nem bilong ol man taim ol i sanap long kot.Select Proverbs 24:23

24Em husat i tokim man nogut, Yu stretpela man, ol manmeri bai tok nogutim em, ol kantri bai ting em i sting olgeta.Select Proverbs 24:24

25Tasol long ol husat i hatim em, gutpela amamas bai stap, na gutpela blesing bai kam antap long ol.Select Proverbs 24:25

26Olgeta wan wan man bai givim kis long maus bilong em husat i givim stretpela bekim tok.Select Proverbs 24:26

27¶ Redim wok bilong yu ausait, na mekim dispela i fit long yu yet long ples kunai, na bihain wokim haus bilong yu.Select Proverbs 24:27

28¶ No ken i stap witnes i birua long man i stap klostu long yu sapos i no gat as bilong en. Na no ken tok giaman wantaim maus bilong yu.Select Proverbs 24:28

29No ken tok, Mi bai mekim long em olsem em i bin mekim long mi. Mi bai bekim long man bilong bihainim wok bilong em.Select Proverbs 24:29

30¶ Mi bin wokabaut klostu long bikpela gaden bilong lesman na klostu long gaden wain bilong man i sot olgeta long gutpela save.Select Proverbs 24:30

31Na, harim, ol rop i gat nil i karamapim dispela olgeta, na ol salat i bin karamapim pes bilong en, na banis ston bilong en i bruk olgeta.Select Proverbs 24:31

32Nau mi lukim, na mi tingim na skelim dispela. Mi lukluk long en, na mi kisim skul.Select Proverbs 24:32

33Liklik slip tasol, liklik taim bilong pasim ai, liklik taim bilong ol han i tanim long ol yet bilong slip,Select Proverbs 24:33

34Olsem tasol rabisman pasin bilong yu bai kam olsem wanpela husat i save raun, na ol nid bilong yu olsem man i karim ol samting bilong pait.Select Proverbs 24:34