6Proverbs 6

1¶ Pikinini man bilong mi, sapos yu sanap baksait long dinau bilong pren bilong yu, sapos yu bin paitim han bilong yu wantaim ausait man,Select Proverbs 6:1

2Ol toktok bilong maus bilong yu i trapim yu pinis, ol toktok bilong maus bilong yu i holimpas yu pinis.Select Proverbs 6:2

3Mekim dispela nau, pikinini man bilong mi, na kisim bek yu yet, taim yu kam long han long pren bilong yu. Go, daunim yu yet, na strongim pasin pren wantaim pren bilong yu.Select Proverbs 6:3

4No ken givim slip long ai bilong yu, o taim bilong pasim ai long tupela ai bilong yu.Select Proverbs 6:4

5Kisim bek yu yet olsem ro long han bilong man bilong painim abus, na olsem pisin long han bilong man bilong painim pisin.Select Proverbs 6:5

6¶ Go long anis, yu lesman. Tingim na skelim ol pasin bilong em, na stap saveman,Select Proverbs 6:6

7Husat i no gat man bilong soim rot, bosman, o hetman,Select Proverbs 6:7

8I save redim kaikai bilong em long taim bilong biksan, na bungim kaikai bilong em long taim bilong kamautim kaikai.Select Proverbs 6:8

9Yu bai slip inap long wanem taim, O lesman? Wanem taim bai yu kirap long slip bilong yu?Select Proverbs 6:9

10Liklik slip tasol, liklik taim bilong pasim ai, liklik taim bilong ol han i tanim long ol yet bilong slip,Select Proverbs 6:10

11Olsem tasol bai rabisman pasin bilong yu i kamap olsem wanpela husat i save raun, na nid bilong yu olsem man i save holim samting bilong pait.Select Proverbs 6:11

12¶ Man bilong pasin nogut, man nogut, i save wokabaut wantaim maus i bikhet.Select Proverbs 6:12

13Em i brukim ai bilong em, em i toktok wantaim lek bilong em, em i skulim man long ol pinga bilong em.Select Proverbs 6:13

14Bikhet pasin i stap long bel bilong em, em i kamapim plen bilong hambak pasin oltaim. Em i planim pasin pait.Select Proverbs 6:14

15Olsem na bagarap bilong em bai kam wantu. Wantu bai em i bruk, na em i no inap kamap orait gen.Select Proverbs 6:15

16BIKPELA i no laikim tru dispela sikispela samting. Yes, sevenpela i sting samting long Em,Select Proverbs 6:16

17Hambak lukluk, tang i mekim tok giaman, na ol han i kapsaitim blut i no bin mekim rong,Select Proverbs 6:17

18Bel i kamapim plen bilong ol tingting nating nogut, ol lek i hariap long ran i go long hambak pasin,Select Proverbs 6:18

19Giaman witnes husat i mekim ol tok giaman, na em husat i planim hevi namel long ol brata.Select Proverbs 6:19

20¶ Pikinini man bilong mi, holimpas strongpela tok bilong papa bilong yu, na no ken givim baksait long lo bilong mama bilong yu.Select Proverbs 6:20

21Pasim ol long bel bilong yu oltaim, na pasim ol nabaut long nek bilong yu.Select Proverbs 6:21

22Taim yu go, em bai stiaim yu. Taim yu slip, em bai lukautim yu. Na taim yu kirap long slip, em bai toktok wantaim yu.Select Proverbs 6:22

23Long wanem, dispela strongpela tok em i lam. Na lo em i lait. Na ol tok skul bilong stretim man ol i rot bilong laip,Select Proverbs 6:23

24Bilong holimpas yu bek long meri nogut, long tok gris bilong tang bilong narakain meri.Select Proverbs 6:24

25No ken aigris i bihainim naispela pes tru bilong em long bel bilong yu. Na tu yu no ken larim em kisim yu wantaim ol laplap bilong ai bilong em.Select Proverbs 6:25

26Long wanem, long wok bilong pamuk meri, em i bringim man long wanpela hap bret. Na meri bilong bagarapim marit long pamuk pasin bai wok long painim laip i dia tumas.Select Proverbs 6:26

27Ating man inap kisim paia i kam long bros bilong en, na paia i no inap kukim klos bilong en?Select Proverbs 6:27

28Ating wanpela i ken wokabaut antap long ol hatpela sakol, na dispela i no inap kukim ol lek bilong en?Select Proverbs 6:28

29Em husat i go long meri bilong man i stap klostu long em i olsem. Husat man i tasim dispela meri bai i no inap stap man i no bin mekim rong.Select Proverbs 6:29

30Ol man i no save tingim stilman olsem em i samting nating, sapos em i stil bilong inapim tewel bilong em taim em i hangre.Select Proverbs 6:30

31Tasol sapos ol i painimaut em, em bai bekim sevenpela taim. Em bai givim olgeta samting bilong haus bilong em.Select Proverbs 6:31

32Tasol husat man i bagarapim marit long pamuk pasin wantaim meri, i no gat gutpela save. Em husat i mekim dispela i bagarapim tewel bilong em yet olgeta.Select Proverbs 6:32

33Bai em i kisim bagarap na nem nogut. Na ol bai i no gat rot long rausim sem bilong em.Select Proverbs 6:33

34Long wanem, pasin jeles em i kirapim belhat nogut tru bilong man. Olsem na, long de bilong bekim pe, em bai i no inap gat marimari.Select Proverbs 6:34

35Em bai i no inap tingim gut pe bilong baim bek. Na tu em bai i no inap stap isi, maski yu givim planti presen.Select Proverbs 6:35