7Proverbs 7

1¶ Pikinini man bilong mi, bungim ol toktok bilong mi, na holim ol strongpela tok bilong mi wantaim yu.Select Proverbs 7:1

2Holimpas ol strongpela tok bilong mi, na stap laip, na lo bilong mi olsem kiau bilong ai bilong yu.Select Proverbs 7:2

3Pasim ol long ol pinga bilong yu, raitim ol long tebol bilong bel bilong yu.Select Proverbs 7:3

4Tokim save tru, Yu susa bilong mi. Na kolim gutpela save kandre meri bilong yu.Select Proverbs 7:4

5Inap long ol i ken holimpas yu bek long narakain meri, long ausait meri husat i grisim man long ol toktok bilong en.Select Proverbs 7:5

6¶ Long wanem, long windo bilong haus bilong mi, mi bin lukluk namel long ol bun bilong windo bilong mi.Select Proverbs 7:6

7Na mi lukim namel long ol man i no gat save, mi kisim save namel long ol yangpela man, wanpela yangpela man i sot olgeta long gutpela save.Select Proverbs 7:7

8Em i wokabaut klostu long rot klostu long kona bilong rot bilong meri. Na em i go long rot i go long haus bilong em,Select Proverbs 7:8

9Long taim tudak i laik kamap, long apinun tru, na long nait i blakpela na i tudak.Select Proverbs 7:9

10Na, lukim, wanpela meri i bungim em wantaim klos bilong pamuk meri, na bel i gat tingting i antap tumas.Select Proverbs 7:10

11(Em i meri bilong bikmaus na bikhet. Ol lek bilong em i no save stap long haus bilong em.Select Proverbs 7:11

12Nau em i stap ausait, nau long ol rot, na wet hait long olgeta wan wan kona.)Select Proverbs 7:12

13Olsem na em i holimpas em, na givim kis long em, na wantaim pes i no gat sem em i tokim em,Select Proverbs 7:13

14Mi gat ol ofa bilong givim bel isi wantaim mi. Dispela de mi bin baim ol strongpela promis bilong mi.Select Proverbs 7:14

15Olsem na mi bin kam ausait bilong bungim yu, mi wok strong long painim pes bilong yu, na mi bin painim yu pinis.Select Proverbs 7:15

16Mi bin bilasim bet bilong mi wantaim ol laplap i gat naispela piksa na kala, wantaim ol kaving, wantaim naispela laplap bilong Isip.Select Proverbs 7:16

17Mi bin bilasim smel bilong bet bilong mi wantaim mur, ol alo, na sinaminSelect Proverbs 7:17

18Kam, yumi ken pulap long pasin bilong laikim tru inap long moningtaim. Yumi ken amamasim tru yumi yet long ol laikim tru.Select Proverbs 7:18

19Long wanem, bikman i no stap long haus, em i go long longpela wokabaut.Select Proverbs 7:19

20Em i bin kisim bek mani i go wantaim em, na em bai kam bek long de em i makim.Select Proverbs 7:20

21Wantaim planti naispela toktok bilong em em i mekim em givap, wantaim tok gris bilong maus bilong em em i pulim em.Select Proverbs 7:21

22Kwiktaim em i go bihainim em, olsem bulmakau man i go long bikpela kilim i dai, o olsem krankiman i go long ol diwai i pasim hanlek bilong stretim em,Select Proverbs 7:22

23Inap long liklik spia i sutim liva bilong em. Em i olsem pisin i hariap i go long trap, na em i no save long dispela em bilong pinisim laip bilong em.Select Proverbs 7:23

24¶ Olsem na harim long mi nau, O yupela pikinini, na harim gut ol toktok bilong maus bilong mi.Select Proverbs 7:24

25No ken larim bel bilong yu i tanim i go long ol rot bilong em. No ken go lus long ol liklik rot bilong em.Select Proverbs 7:25

26Long wanem, em i bin tromoi i go daun planti man i bagarap. Yes, em i bin kilim i dai planti strongpela man.Select Proverbs 7:26

27Haus bilong en em i rot i go long hel, i go daun long ol rum bilong dai.Select Proverbs 7:27