106Psalms 106

1¶ Yupela i mas litimapim BIKPELA. O, givim tenkyu long BIKPELA. Long wanem Em i gutpela. Long wanem, sori bilong Em i stap strong yet oltaim oltaim.Select Psalms 106:1

2Husat i ken tokaut long ol strongpela wok bilong BIKPELA? Husat inap tokaut long olgeta biknem bilong Em?Select Psalms 106:2

3Blesing i stap long ol man i holimpas long stretpela kot na long man i mekim stretpela pasin olgeta taim.Select Psalms 106:3

4O BIKPELA, Yu mas tingim gen mi long pilim bilong laikim Yu bin karim i go long ol manmeri bilong Yu. Yu mas lukautim mi long kisim bek bilong Yu.Select Psalms 106:4

5Olsem na mi ken lukim lain Yu bin makim em i stap gut. Na bai mi ken amamas long pasin belgut bilong kantri bilong Yu. Na bai mi ken glori wantaim lain manmeri Papa i bin givim Yu.Select Psalms 106:5

6¶ Mipela i bin mekim sin wantaim ol papa bilong mipela. Mipela i bin mekim sin nogut. Mipela i bin mekim pasin i nogut tru.Select Psalms 106:6

7Ol tumbuna papa bilong mipela i no bin save gut long ol wok i save winim tingting Yu bin mekim long Isip. Ol i no bin tingim gen ol sori bilong Yu i planti tru. Tasol ol i bin kirapim belhat bilong Em long solwara, yes, long Retsi.Select Psalms 106:7

8Tasol Em i bin kisim bek ol bilong litimapim nem bilong En, bai Em i ken mekim ol manmeri i save long strongpela pawa bilong En.Select Psalms 106:8

9Em i bin hatim Retsi tu, na em i kamap drai. Olsem na Em i go pas long ol long ol ples daunbilo olsem long ples i no gat man.Select Psalms 106:9

10Na Em i bin kisim bek ol long han bilong man i no laikim tru ol na baim bek ol long han bilong birua.Select Psalms 106:10

11Na ol wara i karamapim ol birua bilong ol. I no gat wanpela bilong ol i stap moa.Select Psalms 106:11

12Nau ol i bilipim ol tok bilong Em. Ol i bin singim song long biknem bilong Em.Select Psalms 106:12

13¶ Kwiktaim ol i lusim tingting long ol wok bilong Em. Ol i no bin wet bilong kisim tok helpim bilong Em, nogat.Select Psalms 106:13

14Tasol long ples i no gat man, bel bilong ol i kirap planti tumas, na long ples wesan ol i bin traim God.Select Psalms 106:14

15Na samting ol i bin askim, Em i bin givim ol. Tasol Em i salim pasin bilong i stap bun nating i go long tewel bilong ol.Select Psalms 106:15

16Long kem ol i bin mangal tu long Moses wantaim Aron, dispela seint bilong BIKPELA.Select Psalms 106:16

17Graun i bin op na daunim Detan na i bin karamapim lain manmeri bilong Abiram.Select Psalms 106:17

18Na paia i lait namel long lain manmeri bilong ol. Paia i bin kukim ol man i nogut tru.Select Psalms 106:18

19Long Horep ol i bin wokim pikinini bulmakau na lotuim dispela piksa ol i wokim long paia i kukim gol.Select Psalms 106:19

20Long dispela ol i bin senisim glori bilong ol na mekim i kamap olsem bulmakau i save kaikai gras.Select Psalms 106:20

21Ol i bin lusim tingting long God, Peman bilong kisim bek ol, Em i bin mekim ol bikpela samting long Isip,Select Psalms 106:21

22Na ol wok i antap tumas long hap graun bilong Ham, na ol samting bilong pretim man klostu long Retsi.Select Psalms 106:22

23Olsem na Em i bin tok, Em i laik bagarapim ol. Tasol Moses, man Em i bin makim, em i sanap long pes bilong Em namel long Em na ol manmeri, bilong tanim belhat tru bilong Em i go. Nogut Em i bagarapim ol.Select Psalms 106:23

24Yes, ol i bin tingim dispela naispela hap graun em i samting nating. Ol i no bin bilipim tok bilong Em, nogat.Select Psalms 106:24

25Tasol long ol haus sel bilong ol, ol i bin tok baksait. Na ol i no bin harim gut nek bilong BIKPELA.Select Psalms 106:25

26Olsem na Em i litimapim han bilong En na birua long ol bilong bagarapim ol long ples i no gat man,Select Psalms 106:26

27Na bilong bagarapim ol tumbuna pikinini bilong ol tu namel long ol kantri, na bilong rausim ol i go nabaut long ol hap graun.Select Psalms 106:27

28Ol i bin pasim ol yet wantaim Beal-pior. Na ol i bin kaikai ol ofa bilong ol daiman.Select Psalms 106:28

29Olsem na ol i bin kirapim belhat bilong Em long ol samting ol i kamapim. Na bikpela sik i bin i kamap namel long ol.Select Psalms 106:29

30Orait Finias i sanap na i wokim stretpela kot. Olsem na dispela bikpela sik i pinis.Select Psalms 106:30

31Na God i makim dispela olsem stretpela pasin long nem bilong em i go long olgeta lain manmeri bilong em i kamap bihain inap long oltaim oltaim.Select Psalms 106:31

32Long ol wara bilong tok pait tu ol i bin mekim Em i belhat. Olsem na nogut i kamap long Moses long pasin bilong ol.Select Psalms 106:32

33Long wanem ol i bin kirapim spirit bilong em, olsem long maus bilong en, em i bin mekim toktok i kam long belhat.Select Psalms 106:33

34¶ Ol i no bin bagarapim olgeta ol kantri, em ol lain God i bin tok strong long ol long bagarapim.Select Psalms 106:34

35Tasol ol i bin abusim ol yet wantaim ol haiden na kisim save long ol wok bilong ol.Select Psalms 106:35

36Na ol i bin mekim wok long ol god giaman bilong ol. Na ol dispela god giaman i bin stap wanpela umben bilong pasim ol.Select Psalms 106:36

37Yes, ol i bin sakrifaisim ol pikinini man bilong ol na ol pikinini meri bilong ol long ol spirit nogut.Select Psalms 106:37

38Na ol i kapsaitim blut i no bin mekim rong, yes blut bilong ol pikinini man bilong ol na ol pikinini meri bilong ol, ol i bin sakrifaisim ol long ol god giaman bilong Kenan. Na long dispela blut, ol i mekim dispela graun i kamap doti.Select Psalms 106:38

39Long dispela ol i bin kamap doti long ol wok bilong ol yet. Na ol i bin pamuk wantaim ol samting ol yet i kamapim.Select Psalms 106:39

40Olsem na belhat tru bilong BIKPELA i bin paia long ol manmeri bilong Em, inap long Em i tingim lain manmeri Papa i bin givim Em yet ol i sting tru.Select Psalms 106:40

41Na Em i bin givim ol long han bilong ol haiden. Na ol man i no laikim tru ol, ol i bosim ol.Select Psalms 106:41

42Ol birua bilong ol i bin givim hevi long ol tu. Na ol i daunim ol aninit long han bilong ol.Select Psalms 106:42

43Planti taim Em i bin kisim bek ol. Tasol ol i bin kirapim Em long tok helpim bilong ol. Na Em i bin daunim ol, long wanem ol i mekim sin nogut.Select Psalms 106:43

44Tasol Em i bin lukim hevi bilong ol, taim Em i harim krai bilong ol.Select Psalms 106:44

45Na Em i tingim gen kontrak bilong En bilong helpim ol, na Em i tanim bel bilong bihainim ol sori bilong Em i planti tru.Select Psalms 106:45

46Na tu ol man i bin karim ol i go kalabus, Em i bin mekim ol i sori long ol.Select Psalms 106:46

47O BIKPELA na God bilong mipela, Yu mas kisim bek mipela, na bungim mipela long lusim hap i namel long ol haiden, long mipela i ken givim tok tenkyu long nem holi bilong Yu na amamas bikmaus long biknem bilong Yu.Select Psalms 106:47

48Blesing i stap long BIKPELA, em God bilong Israel, i stat long oltaim oltaim na i go long oltaim oltaim. Na olgeta manmeri i tok, Amen. Yupela litimapim nem bilong BIKPELA.Select Psalms 106:48