Psalms 54
King Jems Pisin Baibel
1 ¶ O God, long nem bilong Yu, Yu mas kisim bek mi. Na long strong bilong Yu, Yu mas jasim mi.
2 O God, Yu mas harim prea bilong mi. Yu mas harim ol tok bilong maus bilong mi.
3 Long wanem ol man bilong longwe ples ol i kirap na birua long mi. Na ol man bilong givim hevi ol i wok long kisim tewel bilong mi. Ol i no bin putim God i stap long ai bilong ol. Sela.
4 ¶ Harim, God i stap helpim bilong mi. Bikpela i stap wantaim ol man i strongim tewel bilong mi.
5 Bai Em i bekim pe nogut long ol birua bilong mi. Long tok tru bilong Yu, Yu mas rausim ol.
6 Bai mi amamas long wokim sakrifais long Yu. O BIKPELA, bai mi litimapim nem bilong Yu, long wanem em i gutpela.
7 Long wanem Em i bin tekewe mi i kamaut long olgeta hevi. Na ai bilong mi i bin lukim laik bilong Em i kamap long ol birua bilong mi.
About this translation
King Jems Pisin Baibel ·
King Jems Pisin Baibel
Creative Commons: BY-NC-ND 4.0 · Translation source
Dispela wok bilong tanim tok em i wok bilong David Holland na Bryan Girard. Version 1.2