1Matthew 1

1Toi-mi pomeduncu-duncu to mpomuli-ki Yesus Kristus. Yesus muli Magau' Daud, muli Abraham.Select Matthew 1:1

2Ngkai Abraham rata hi Daud, hanga' ntu'a-na Yesus toi-ramo: Abraham mpobubu Ishak, Ishak mpobubu Yakub, Yakub mpobubu Yehuda pai' ompi' -ompi' -na,Select Matthew 1:2

3Yehuda mpobubu Peres pai' Zerah (hanga' tina-ra: Tamar), Peres mpobubu Hezron, Hezron mpobubu Ram,Select Matthew 1:3

4Ram mpobubu Aminadab, Aminadab mpobubu Nahason, Nahason mpobubu Salmon,Select Matthew 1:4

5Salmon mpobubu Boas (hanga' tina-na: Rahab), Boas mpobubu Obed (hanga' tina-na: Rut), Obed mpobubu Isai,Select Matthew 1:5

6pai' Isai mpobubu Magau' Daud. Daud mpobubu Salomo (tina-na: balu-na Uria),Select Matthew 1:6

7Salomo mpobubu Rehabeam, Rehabeam mpobubu Abia, Abia mpobubu Asa,Select Matthew 1:7

8Asa mpobubu Yosafat, Yosafat mpobubu Yoram, Yoram mpobubu Uzia,Select Matthew 1:8

9Uzia mpobubu Yotam, Yotam mpobubu Ahas, Ahas mpobubu Hizkia,Select Matthew 1:9

10Hizkia mpobubu Manasye, Manasye mpobubu Amon, Amon mpobubu Yosia,Select Matthew 1:10

11Yosia mpobubu Yekhonya pai' ompi' -na.Select Matthew 1:11

12Ngkai karatawani-ra to Yahudi hilou hi Babel rata hi kaputu-na Yesus, hanga' ntu'a-na Yesus, toi-ra: Yekhonya mpobubu Sealtiel, Sealtiel mpobubu Zerubabel,Select Matthew 1:12

13Zerubabel mpobubu Abihud, Abihud mpobubu Elyakim, Elyakim mpobubu Azor,Select Matthew 1:13

14Azor mpobubu Zadok, Zadok mpobubu Akhim, Akhim mpobubu Eliud,Select Matthew 1:14

15Eliud mpobubu Eleazar, Eleazar mpobubu Matan, Matan mpobubu Yakub,Select Matthew 1:15

16Yakub mpobubu Yusuf tomane-na Maria.Select Matthew 1:16

17Jadi', ngkai Abraham rata hi Daud, kadea pomeduncu to mpomuli-ki Yesus hampulu' opo' lapi. Ngkai Daud rata hi karatawani-ra to Yahudi lou hi Babel, hampulu' opo' lapi wo'o. Pai' ngkai karatawani-ra to Yahudi lou hi Babel rata hi kaputu-na Kristus, hampulu' opo' lapi wo'o.Select Matthew 1:17

18Hewa toi tutura kaputu-na Yesus Kristus. Tina-na to rahanga' Maria mokamae' hante Yusuf. Aga kako'ia-ra ncamoko, muu-mule' motina'i-imi Maria. Potina'i-na toe, ngkai baraka' Inoha' Tomoroli'.Select Matthew 1:18

19Yusuf, tauna to mengkoru hi Atura Musa. Toe pai' na'uli' hi rala nono-na: "Kupohu lau-mi pokamae' -ku hante Maria." Aga uma-i dota mpaka'ea' Maria. Jadi', patuju-na bona napohu bongo-wadi, uma mingki' ra'incai ntodea.Select Matthew 1:19

20Bula-na Yusuf mokanono mpopekiri toe, mo'ompo' -i. Ompo' -na toe, mpohilo-i hadua mala'eka Pue' to mpo'uli' -ki: "Yusuf, muli Magau' Daud! Neo' -ko morara' mpotobine-i Maria. Apa' ana' to napotina'i-ki toe ria, jadi' ngkai baraka' Inoha' Tomoroli'.Select Matthew 1:20

21Mo'ana' -i mpai', hadua ana' tomane. Ana' toei mpai', kana nuhanga' -i `Yesus,' apa' Hi'a mpai' to mpohore ntodea-na ngkai jeko' -ra."Select Matthew 1:21

22Hawe'ea toe majadi' bona madupa' -mi napa to na'uli' Pue' hante wiwi nabi-na owi, hewa toi:Select Matthew 1:22

23"Hadua toronaa mpai' motina'i, mpo'ana' -ki hadua ana' tomane. Ana' toei mpai' rahanga' Imanuel." Batua-na: "Alata'ala mpodohei-ta."Select Matthew 1:23

24Pemata-na Yusuf, natuku' mpu'u-mi napa to na'uli' -ki mala'eka Pue' toe-e we'i. Napotobine moto-imi Maria.Select Matthew 1:24

25Aga ko'ia-ra hampoturua, duu' -na Maria mo'ana'. Kaputu-na ana' toei, Yusuf mpohanga' -i Yesus.Select Matthew 1:25