52 Corinthians 5

1scimus enim quoniam si terrestris domus nostra huius habitationis dissolvatur quod aedificationem ex Deo habeamus domum non manufactam aeternam in caelisSelect 2 Corinthians 5:1

2nam et in hoc ingemescimus habitationem nostram quae de caelo est superindui cupientesSelect 2 Corinthians 5:2

3si tamen vestiti non nudi inveniamurSelect 2 Corinthians 5:3

4nam et qui sumus in tabernaculo ingemescimus gravati eo quod nolumus expoliari sed supervestiri ut absorbeatur quod mortale est a vitaSelect 2 Corinthians 5:4

5qui autem efficit nos in hoc ipsum Deus qui dedit nobis pignus SpiritusSelect 2 Corinthians 5:5

6audentes igitur semper et scientes quoniam dum sumus in corpore peregrinamur a DominoSelect 2 Corinthians 5:6

7per fidem enim ambulamus et non per speciemSelect 2 Corinthians 5:7

8audemus autem et bonam voluntatem habemus magis peregrinari a corpore et praesentes esse ad DeumSelect 2 Corinthians 5:8

9et ideo contendimus sive absentes sive praesentes placere illiSelect 2 Corinthians 5:9

10omnes enim nos manifestari oportet ante tribunal Christi ut referat unusquisque propria corporis prout gessit sive bonum sive malumSelect 2 Corinthians 5:10

11scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esseSelect 2 Corinthians 5:11

12non iterum nos commendamus vobis sed occasionem damus vobis gloriandi pro nobis ut habeatis ad eos qui in facie gloriantur et non in cordeSelect 2 Corinthians 5:12

13sive enim mente excedimus Deo sive sobrii sumus vobisSelect 2 Corinthians 5:13

14caritas enim Christi urget nos aestimantes hoc quoniam si unus pro omnibus mortuus est ergo omnes mortui suntSelect 2 Corinthians 5:14

15et pro omnibus mortuus est ut et qui vivunt iam non sibi vivant sed ei qui pro ipsis mortuus est et resurrexitSelect 2 Corinthians 5:15

16itaque nos ex hoc neminem novimus secundum carnem et si cognovimus secundum carnem Christum sed nunc iam non novimusSelect 2 Corinthians 5:16

17si qua ergo in Christo nova creatura vetera transierunt ecce facta sunt novaSelect 2 Corinthians 5:17

18omnia autem ex Deo qui reconciliavit nos sibi per Christum et dedit nobis ministerium reconciliationisSelect 2 Corinthians 5:18

19quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationisSelect 2 Corinthians 5:19

20pro Christo ergo legationem fungimur tamquam Deo exhortante per nos obsecramus pro Christo reconciliamini DeoSelect 2 Corinthians 5:20

21eum qui non noverat peccatum pro nobis peccatum fecit ut nos efficeremur iustitia Dei in ipsoSelect 2 Corinthians 5:21