2Colossians 2

1volo enim vos scire qualem sollicitudinem habeam pro vobis et pro his qui sunt Laodiciae et quicumque non viderunt faciem meam in carneSelect Colossians 2:1

2ut consolentur corda ipsorum instructi in caritate et in omnes divitias plenitudinis intellectus in agnitionem mysterii Dei Patris Christi IesuSelect Colossians 2:2

3in quo sunt omnes thesauri sapientiae et scientiae absconditiSelect Colossians 2:3

4hoc autem dico ut nemo vos decipiat in subtilitate sermonumSelect Colossians 2:4

5nam et si corpore absens sum sed spiritu vobiscum sum gaudens et videns ordinem vestrum et firmamentum eius quae in Christo est fidei vestraeSelect Colossians 2:5

6sicut ergo accepistis Christum Iesum Dominum in ipso ambulateSelect Colossians 2:6

7radicati et superaedificati in ipso et confirmati fide sicut et didicistis abundantes in gratiarum actioneSelect Colossians 2:7

8videte ne quis vos decipiat per philosophiam et inanem fallaciam secundum traditionem hominum secundum elementa mundi et non secundum ChristumSelect Colossians 2:8

9quia in ipso inhabitat omnis plenitudo divinitatis corporaliterSelect Colossians 2:9

10et estis in illo repleti qui est caput omnis principatus et potestatisSelect Colossians 2:10

11in quo et circumcisi estis circumcisione non manufacta in expoliatione corporis carnis in circumcisione ChristiSelect Colossians 2:11

12consepulti ei in baptismo in quo et resurrexistis per fidem operationis Dei qui suscitavit illum a mortuisSelect Colossians 2:12

13et vos cum mortui essetis in delictis et praeputio carnis vestrae convivificavit cum illo donans vobis omnia delictaSelect Colossians 2:13

14delens quod adversum nos erat chirografum decretis quod erat contrarium nobis et ipsum tulit de medio adfigens illud cruciSelect Colossians 2:14

15expolians principatus et potestates traduxit palam triumphans illos in semet ipsoSelect Colossians 2:15

16nemo ergo vos iudicet in cibo aut in potu aut in parte diei festi aut neomeniae aut sabbatorumSelect Colossians 2:16

17quae sunt umbra futurorum corpus autem ChristiSelect Colossians 2:17

18nemo vos seducat volens in humilitate et religione angelorum quae non vidit ambulans frustra inflatus sensu carnis suaeSelect Colossians 2:18

19et non tenens caput ex quo totum corpus per nexus et coniunctiones subministratum et constructum crescit in augmentum DeiSelect Colossians 2:19

20si mortui estis cum Christo ab elementis mundi quid adhuc tamquam viventes in mundo decernitisSelect Colossians 2:20

21ne tetigeris neque gustaveris neque contrectaverisSelect Colossians 2:21

22quae sunt omnia in interitu ipso usu secundum praecepta et doctrinas hominumSelect Colossians 2:22

23quae sunt rationem quidem habentia sapientiae in superstitione et humilitate et ad non parcendum corpori non in honore aliquo ad saturitatem carnisSelect Colossians 2:23