1Luke 1

1Quoniam quidem multi conati sunt ordinare narrationem quae in nobis conpletae sunt rerumSelect Luke 1:1

2sicut tradiderunt nobis qui ab initio ipsi viderunt et ministri fuerunt sermonisSelect Luke 1:2

3visum est et mihi adsecuto a principio omnibus diligenter ex ordine tibi scribere optime TheophileSelect Luke 1:3

4ut cognoscas eorum verborum de quibus eruditus es veritatemSelect Luke 1:4

5Fuit in diebus Herodis regis Iudaeae sacerdos quidam nomine Zaccharias de vice Abia et uxor illi de filiabus Aaron et nomen eius ElisabethSelect Luke 1:5

6erant autem iusti ambo ante Deum incedentes in omnibus mandatis et iustificationibus Domini sine querellaSelect Luke 1:6

7et non erat illis filius eo quod esset Elisabeth sterilis et ambo processissent in diebus suisSelect Luke 1:7

8factum est autem cum sacerdotio fungeretur in ordine vicis suae ante DeumSelect Luke 1:8

9secundum consuetudinem sacerdotii sorte exiit ut incensum poneret ingressus in templum DominiSelect Luke 1:9

10et omnis multitudo erat populi orans foris hora incensiSelect Luke 1:10

11apparuit autem illi angelus Domini stans a dextris altaris incensiSelect Luke 1:11

12et Zaccharias turbatus est videns et timor inruit super eumSelect Luke 1:12

13ait autem ad illum angelus ne timeas Zaccharia quoniam exaudita est deprecatio tua et uxor tua Elisabeth pariet tibi filium et vocabis nomen eius IohannemSelect Luke 1:13

14et erit gaudium tibi et exultatio et multi in nativitate eius gaudebuntSelect Luke 1:14

15erit enim magnus coram Domino et vinum et sicera non bibet et Spiritu Sancto replebitur adhuc ex utero matris suaeSelect Luke 1:15

16et multos filiorum Israhel convertet ad Dominum Deum ipsorumSelect Luke 1:16

17et ipse praecedet ante illum in spiritu et virtute Heliae ut convertat corda patrum in filios et incredibiles ad prudentiam iustorum parare Domino plebem perfectamSelect Luke 1:17

18et dixit Zaccharias ad angelum unde hoc sciam ego enim sum senex et uxor mea processit in diebus suisSelect Luke 1:18

19et respondens angelus dixit ei ego sum Gabrihel qui adsto ante Deum et missus sum loqui ad te et haec tibi evangelizareSelect Luke 1:19

20et ecce eris tacens et non poteris loqui usque in diem quo haec fiant pro eo quod non credidisti verbis meis quae implebuntur in tempore suoSelect Luke 1:20

21et erat plebs expectans Zacchariam et mirabantur quod tardaret ipse in temploSelect Luke 1:21

22egressus autem non poterat loqui ad illos et cognoverunt quod visionem vidisset in templo et ipse erat innuens illis et permansit mutusSelect Luke 1:22

23et factum est ut impleti sunt dies officii eius abiit in domum suamSelect Luke 1:23

24post hos autem dies concepit Elisabeth uxor eius et occultabat se mensibus quinque dicensSelect Luke 1:24

25quia sic mihi fecit Dominus in diebus quibus respexit auferre obprobrium meum inter hominesSelect Luke 1:25

26in mense autem sexto missus est angelus Gabrihel a Deo in civitatem Galilaeae cui nomen NazarethSelect Luke 1:26

27ad virginem desponsatam viro cui nomen erat Ioseph de domo David et nomen virginis MariaSelect Luke 1:27

28et ingressus angelus ad eam dixit have gratia plena Dominus tecum benedicta tu in mulieribusSelect Luke 1:28

29quae cum vidisset turbata est in sermone eius et cogitabat qualis esset ista salutatioSelect Luke 1:29

30et ait angelus ei ne timeas Maria invenisti enim gratiam apud DeumSelect Luke 1:30

31ecce concipies in utero et paries filium et vocabis nomen eius IesumSelect Luke 1:31

32hic erit magnus et Filius Altissimi vocabitur et dabit illi Dominus Deus sedem David patris eiusSelect Luke 1:32

33et regnabit in domo Iacob in aeternum et regni eius non erit finisSelect Luke 1:33

34dixit autem Maria ad angelum quomodo fiet istud quoniam virum non cognoscoSelect Luke 1:34

35Et respondens angelus dixit ei Spiritus Sanctus superveniet in te et virtus Altissimi obumbrabit tibi ideoque et quod nascetur sanctum vocabitur Filius DeiSelect Luke 1:35

36Et ecce Elisabeth cognata tua et ipsa concepit filium in senecta sua et hic mensis est sextus illi quae vocatur sterilisSelect Luke 1:36

37quia non erit inpossibile apud Deum omne verbumSelect Luke 1:37

38dixit autem Maria ecce ancilla Domini fiat mihi secundum verbum tuum et discessit ab illa angelusSelect Luke 1:38

39exsurgens autem Maria in diebus illis abiit in montana cum festinatione in civitatem IudaSelect Luke 1:39

40et intravit in domum Zacchariae et salutavit ElisabethSelect Luke 1:40

41et factum est ut audivit salutationem Mariae Elisabeth exultavit infans in utero eius et repleta est Spiritu Sancto ElisabethSelect Luke 1:41

42et exclamavit voce magna et dixit benedicta tu inter mulieres et benedictus fructus ventris tuiSelect Luke 1:42

43et unde hoc mihi ut veniat mater Domini mei ad meSelect Luke 1:43

44ecce enim ut facta est vox salutationis tuae in auribus meis exultavit in gaudio infans in utero meoSelect Luke 1:44

45et beata quae credidit quoniam perficientur ea quae dicta sunt ei a DominoSelect Luke 1:45

46et ait Maria Magnificat anima mea DominumSelect Luke 1:46

47et exultavit spiritus meus in Deo salutari meoSelect Luke 1:47

48quia respexit humilitatem ancillae suae ecce enim ex hoc beatam me dicent omnes generationesSelect Luke 1:48

49quia fecit mihi magna qui potens est et sanctum nomen eiusSelect Luke 1:49

50et misericordia eius in progenies et progenies timentibus eumSelect Luke 1:50

51fecit potentiam in brachio suo dispersit superbos mente cordis suiSelect Luke 1:51

52deposuit potentes de sede et exaltavit humilesSelect Luke 1:52

53esurientes implevit bonis et divites dimisit inanesSelect Luke 1:53

54suscepit Israhel puerum suum memorari misericordiaeSelect Luke 1:54

55sicut locutus est ad patres nostros Abraham et semini eius in saeculaSelect Luke 1:55

56mansit autem Maria cum illa quasi mensibus tribus et reversa est in domum suamSelect Luke 1:56

57Elisabeth autem impletum est tempus pariendi et peperit filiumSelect Luke 1:57

58et audierunt vicini et cognati eius quia magnificavit Dominus misericordiam suam cum illa et congratulabantur eiSelect Luke 1:58

59et factum est in die octavo venerunt circumcidere puerum et vocabant eum nomine patris eius ZacchariamSelect Luke 1:59

60et respondens mater eius dixit nequaquam sed vocabitur IohannesSelect Luke 1:60

61et dixerunt ad illam quia nemo est in cognatione tua qui vocetur hoc nomineSelect Luke 1:61

62innuebant autem patri eius quem vellet vocari eumSelect Luke 1:62

63et postulans pugillarem scripsit dicens Iohannes est nomen eius et mirati sunt universiSelect Luke 1:63

64apertum est autem ilico os eius et lingua eius et loquebatur benedicens DeumSelect Luke 1:64

65et factus est timor super omnes vicinos eorum et super omnia montana Iudaeae divulgabantur omnia verba haecSelect Luke 1:65

66et posuerunt omnes qui audierant in corde suo dicentes quid putas puer iste erit etenim manus Domini erat cum illoSelect Luke 1:66

67et Zaccharias pater eius impletus est Spiritu Sancto et prophetavit dicensSelect Luke 1:67

68Benedictus Deus Israhel quia visitavit et fecit redemptionem plebi suaeSelect Luke 1:68

69et erexit cornu salutis nobis in domo David pueri suiSelect Luke 1:69

70sicut locutus est per os sanctorum qui a saeculo sunt prophetarum eiusSelect Luke 1:70

71salutem ex inimicis nostris et de manu omnium qui oderunt nosSelect Luke 1:71

72ad faciendam misericordiam cum patribus nostris et memorari testamenti sui sanctiSelect Luke 1:72

73iusiurandum quod iuravit ad Abraham patrem nostrumSelect Luke 1:73

74daturum se nobis ut sine timore de manu inimicorum nostrorum liberati serviamus illiSelect Luke 1:74

75in sanctitate et iustitia coram ipso omnibus diebus nostrisSelect Luke 1:75

76et tu puer propheta Altissimi vocaberis praeibis enim ante faciem Domini parare vias eiusSelect Luke 1:76

77ad dandam scientiam salutis plebi eius in remissionem peccatorum eorumSelect Luke 1:77

78per viscera misericordiae Dei nostri in quibus visitavit nos oriens ex altoSelect Luke 1:78

79inluminare his qui in tenebris et in umbra mortis sedent ad dirigendos pedes nostros in viam pacisSelect Luke 1:79

80puer autem crescebat et confortabatur spiritu et erat in deserto usque in diem ostensionis suae ad IsrahelSelect Luke 1:80