8Luke 8

1Et factum est deinceps et ipse iter faciebat per civitatem et castellum praedicans et evangelizans regnum Dei et duodecim cum illoSelect Luke 8:1

2et mulieres aliquae quae erant curatae ab spiritibus malignis et infirmitatibus Maria quae vocatur Magdalene de qua daemonia septem exierantSelect Luke 8:2

3et Iohanna uxor Chuza procuratoris Herodis et Susanna et aliae multae quae ministrabant eis de facultatibus suisSelect Luke 8:3

4Cum autem turba plurima conveniret et de civitatibus properarent ad eum dixit per similitudinemSelect Luke 8:4

5exiit qui seminat seminare semen suum et dum seminat aliud cecidit secus viam et conculcatum est et volucres caeli comederunt illudSelect Luke 8:5

6et aliud cecidit supra petram et natum aruit quia non habebat humoremSelect Luke 8:6

7et aliud cecidit inter spinas et simul exortae spinae suffocaverunt illudSelect Luke 8:7

8et aliud cecidit in terram bonam et ortum fecit fructum centuplum haec dicens clamabat qui habet aures audiendi audiatSelect Luke 8:8

9interrogabant autem eum discipuli eius quae esset haec parabolaSelect Luke 8:9

10quibus ipse dixit vobis datum est nosse mysterium regni Dei Ceteris autem in parabolis ut videntes non videant et audientes non intellegantSelect Luke 8:10

11Est autem haec parabola semen est verbum DeiSelect Luke 8:11

12qui autem secus viam sunt qui audiunt deinde venit diabolus et tollit verbum de corde eorum ne credentes salvi fiantSelect Luke 8:12

13nam qui supra petram qui cum audierint cum gaudio suscipiunt verbum et hii radices non habent qui ad tempus credunt et in tempore temptationis receduntSelect Luke 8:13

14quod autem in spinis cecidit hii sunt qui audierunt et a sollicitudinibus et divitiis et voluptatibus vitae euntes suffocantur et non referunt fructumSelect Luke 8:14

15quod autem in bonam terram hii sunt qui in corde bono et optimo audientes verbum retinent et fructum adferunt in patientiaSelect Luke 8:15

16Nemo autem lucernam accendens operit eam vaso aut subtus lectum ponit sed supra candelabrum ponit ut intrantes videant lumenSelect Luke 8:16

17Non enim est occultum quod non manifestetur nec absconditum quod non cognoscatur et in palam veniatSelect Luke 8:17

18Videte ergo quomodo auditis qui enim habet dabitur illi et quicumque non habet etiam quod putat se habere auferetur ab illoSelect Luke 8:18

19Venerunt autem ad illum mater et fratres eius et non poterant adire ad eum prae turbaSelect Luke 8:19

20et nuntiatum est illi mater tua et fratres tui stant foris volentes te videreSelect Luke 8:20

21qui respondens dixit ad eos mater mea et fratres mei hii sunt qui verbum Dei audiunt et faciuntSelect Luke 8:21

22Factum est autem in una dierum et ipse ascendit in naviculam et discipuli eius et ait ad illos transfretemus trans stagnum et ascenderuntSelect Luke 8:22

23navigantibus autem illis obdormiit et descendit procella venti in stagnum et conplebantur et periclitabanturSelect Luke 8:23

24accedentes autem suscitaverunt eum dicentes praeceptor perimus at ille surgens increpavit ventum et tempestatem aquae et cessavit et facta est tranquillitasSelect Luke 8:24

25dixit autem illis ubi est fides vestra qui timentes mirati sunt dicentes ad invicem quis putas hic est quia et ventis imperat et mari et oboediunt eiSelect Luke 8:25

26enavigaverunt autem ad regionem Gerasenorum quae est contra GalilaeamSelect Luke 8:26

27et cum egressus esset ad terram occurrit illi vir quidam qui habebat daemonium iam temporibus multis et vestimento non induebatur neque in domo manebat sed in monumentisSelect Luke 8:27

28is ut vidit Iesum procidit ante illum et exclamans voce magna dixit quid mihi et tibi est Iesu Fili Dei altissimi obsecro te ne me torqueasSelect Luke 8:28

29praecipiebat enim spiritui inmundo ut exiret ab homine multis enim temporibus arripiebat illum et vinciebatur catenis et conpedibus custoditus et ruptis vinculis agebatur a daemonio in desertaSelect Luke 8:29

30interrogavit autem illum Iesus dicens quod tibi nomen est at ille dixit Legio quia intraverunt daemonia multa in eumSelect Luke 8:30

31et rogabant illum ne imperaret illis ut in abyssum irentSelect Luke 8:31

32erat autem ibi grex porcorum multorum pascentium in monte et rogabant eum ut permitteret eos in illos ingredi et permisit illosSelect Luke 8:32

33exierunt ergo daemonia ab homine et intraverunt in porcos et impetu abiit grex per praeceps in stagnum et suffocatus estSelect Luke 8:33

34quod ut viderunt factum qui pascebant fugerunt et nuntiaverunt in civitatem et in villasSelect Luke 8:34

35exierunt autem videre quod factum est et venerunt ad Iesum et invenerunt hominem sedentem a quo daemonia exierant vestitum ac sana mente ad pedes eius et timueruntSelect Luke 8:35

36nuntiaverunt autem illis et qui viderant quomodo sanus factus esset a LegioneSelect Luke 8:36

37et rogaverunt illum omnis multitudo regionis Gerasenorum ut discederet ab ipsis quia timore magno tenebantur Ipse autem ascendens navem reversus estSelect Luke 8:37

38et rogabat illum vir a quo daemonia exierant ut cum eo esset dimisit autem eum Iesus dicensSelect Luke 8:38

39redi domum tuam et narra quanta tibi fecit Deus et abiit per universam civitatem praedicans quanta illi fecisset IesusSelect Luke 8:39

40Factum est autem cum redisset Iesus excepit illum turba erant enim omnes expectantes eumSelect Luke 8:40

41et ecce venit vir cui nomen Iairus et ipse princeps synagogae erat et cecidit ad pedes Iesu rogans eum ut intraret in domum eiusSelect Luke 8:41

42quia filia unica erat illi fere annorum duodecim et haec moriebatur et contigit dum iret a turbis conprimebaturSelect Luke 8:42

43et mulier quaedam erat in fluxu sanguinis ab annis duodecim quae in medicos erogaverat omnem substantiam suam nec ab ullo potuit curariSelect Luke 8:43

44accessit retro et tetigit fimbriam vestimenti eius et confestim stetit fluxus sanguinis eiusSelect Luke 8:44

45et ait Iesus quis est qui me tetigit negantibus autem omnibus dixit Petrus et qui cum illo erant praeceptor turbae te conprimunt et adfligunt et dicis quis me tetigitSelect Luke 8:45

46et dixit Iesus tetigit me aliquis nam ego novi virtutem de me exisseSelect Luke 8:46

47videns autem mulier quia non latuit tremens venit et procidit ante pedes illius et ob quam causam tetigerit eum indicavit coram omni populo et quemadmodum confestim sanata sitSelect Luke 8:47

48at ipse dixit illi filia fides tua te salvam fecit vade in paceSelect Luke 8:48

49adhuc illo loquente venit a principe synagogae dicens ei quia mortua est filia tua noli vexare illumSelect Luke 8:49

50Iesus autem audito hoc verbo respondit patri puellae noli timere crede tantum et salva eritSelect Luke 8:50

51et cum venisset domum non permisit intrare secum quemquam nisi Petrum et Iohannem et Iacobum et patrem et matrem puellaeSelect Luke 8:51

52flebant autem omnes et plangebant illam at ille dixit nolite flere non est mortua sed dormitSelect Luke 8:52

53et deridebant eum scientes quia mortua essetSelect Luke 8:53

54ipse autem tenens manum eius clamavit dicens puella surgeSelect Luke 8:54

55et reversus est spiritus eius et surrexit continuo et iussit illi dari manducareSelect Luke 8:55

56et stupuerunt parentes eius quibus praecepit ne alicui dicerent quod factum eratSelect Luke 8:56