15Leviticus 15

1locutusque est Dominus ad Mosen et Aaron dicensSelect Leviticus 15:1

2loquimini filiis Israhel et dicite eis vir qui patitur fluxum seminis inmundus eritSelect Leviticus 15:2

3et tunc iudicabitur huic vitio subiacere cum per momenta singula adheserit carni illius atque concreverit foedus humorSelect Leviticus 15:3

4omne stratum in quo dormierit inmundum erit et ubicumque sederitSelect Leviticus 15:4

5si quis hominum tetigerit lectum eius lavabit vestimenta sua et ipse lotus aqua inmundus erit usque ad vesperumSelect Leviticus 15:5

6si sederit ubi ille sederat et ipse lavabit vestimenta sua et lotus aqua inmundus erit usque ad vesperumSelect Leviticus 15:6

7qui tetigerit carnem eius lavabit vestimenta sua et ipse lotus aqua inmundus erit usque ad vesperumSelect Leviticus 15:7

8si salivam huiuscemodi homo iecerit super eum qui mundus est lavabit vestem suam et lotus aqua inmundus erit usque ad vesperumSelect Leviticus 15:8

9sagma super quo sederit inmundum eritSelect Leviticus 15:9

10et quicquid sub eo fuerit qui fluxum seminis patitur pollutum erit usque ad vesperum qui portaverit horum aliquid lavabit vestem suam et ipse lotus aqua inmundus erit usque ad vesperumSelect Leviticus 15:10

11omnis quem tetigerit qui talis est non lotis ante manibus lavabit vestimenta sua et lotus aqua inmundus erit usque ad vesperumSelect Leviticus 15:11

12vas fictile quod tetigerit confringetur vas autem ligneum lavabitur aquaSelect Leviticus 15:12

13si sanatus fuerit qui huiuscemodi sustinet passionem numerabit septem dies post emundationem sui et lotis vestibus ac toto corpore in aquis viventibus erit mundusSelect Leviticus 15:13

14die autem octavo sumet duos turtures aut duos pullos columbae et veniet in conspectu Domini ad ostium tabernaculi testimonii dabitque eos sacerdotiSelect Leviticus 15:14

15qui faciet unum pro peccato et alterum in holocaustum rogabitque pro eo coram Domino ut emundetur a fluxu seminis suiSelect Leviticus 15:15

16vir de quo egreditur semen coitus lavabit aqua omne corpus suum et inmundus erit usque ad vesperumSelect Leviticus 15:16

17vestem et pellem quam habuerit lavabit aqua et inmunda erit usque ad vesperumSelect Leviticus 15:17

18mulier cum qua coierit lavabitur aqua et inmunda erit usque ad vesperumSelect Leviticus 15:18

19mulier quae redeunte mense patitur fluxum sanguinis septem diebus separabiturSelect Leviticus 15:19

20omnis qui tetigerit eam inmundus erit usque ad vesperumSelect Leviticus 15:20

21et in quo dormierit vel sederit diebus separationis suae pollueturSelect Leviticus 15:21

22qui tetigerit lectum eius lavabit vestimenta sua et ipse lotus aqua inmundus erit usque ad vesperumSelect Leviticus 15:22

23omne vas super quo illa sederit quisquis adtigerit lavabit vestimenta sua et lotus aqua pollutus erit usque ad vesperumSelect Leviticus 15:23

24si coierit cum ea vir tempore sanguinis menstrualis inmundus erit septem diebus et omne stratum in quo dormierit pollueturSelect Leviticus 15:24

25mulier quae patitur multis diebus fluxum sanguinis non in tempore menstruali vel quae post menstruum sanguinem fluere non cessat quamdiu huic subiacet passioni inmunda erit quasi sit in tempore menstruoSelect Leviticus 15:25

26omne stratum in quo dormierit et vas in quo sederit pollutum eritSelect Leviticus 15:26

27quicumque tetigerit eam lavabit vestimenta sua et ipse lotus aqua inmundus erit usque ad vesperumSelect Leviticus 15:27

28si steterit sanguis et fluere cessarit numerabit septem dies purificationis suaeSelect Leviticus 15:28

29et octavo die offeret pro se sacerdoti duos turtures vel duos pullos columbae ad ostium tabernaculi testimoniiSelect Leviticus 15:29

30qui unum faciet pro peccato et alterum in holocaustum rogabitque pro ea coram Domino et pro fluxu inmunditiae eiusSelect Leviticus 15:30

31docebitis ergo filios Israhel ut caveant inmunditiam et non moriantur in sordibus suis cum polluerint tabernaculum meum quod est inter eosSelect Leviticus 15:31

32ista est lex eius qui patitur fluxum seminis et qui polluitur coituSelect Leviticus 15:32

33et quae menstruis temporibus separatur vel quae iugi fluit sanguine et hominis qui dormierit cum eaSelect Leviticus 15:33